"Barselona" yangi mavsumni yaxshi boshladi. Kataloniyaliklar Primeranining dastlabki to‘rt turida uchta g‘alaba qozonishdi va hozirda "Real Madrid"dan keyin turnir jadvalining ikkinchi pog‘onasini band etishdi. Shu bilan birga, klub futbolchilar uchun qoidalar ro‘yxatini yangiladi.
2021 yilning noyabrida “Barselona”ning sobiq futbolchisi Xavi jamoa bosh murabbiyi lavozimini egalladi. Mutaxassis darhol futbolchilardan mashg‘ulotlarda to‘g‘ri ishlashni talab qildi. Biroz vaqt o‘tgach, murabbiy barcha jamoa a’zolari rioya qilishlari kerak bo‘lgan bir nechta muhim qoidalarni aytib berdi.
— O‘yinchilar mashg‘ulotlar boshlanishidan 90 daqiqa oldin kelishi kerak.
— Xodimlar mashg‘ulot boshlanishidan ikki soat oldin bazada bo‘lishi kerak.
— Futbolchilar klub bazasida ovqatlanishlari kerak.
— Jarima tizimining qaytarilishi.
— Qoidalarni takroran buzganlik uchun jarimalar ikki baravar oshiriladi.
— Uchrashuvga ikki kun qolganda futbolchilarning bazaga kechikib kelishlari taqiqlanadi.
— Futbolchilar mashg‘ulotlarda bor kuchlarini berishlari kerak.
— Futbolchining maydon tashqarisidagi faoliyatini nazorat qilish. Shahardan uzoqqa borish uchun bosh murabbiyning ruxsati kerak.
— Serfing kabi xavfli sport turlarini taqiqlash.
— Futbolchilardan klubning ijobiy imidjini saqlab qolish talab etiladi. Har qanday janjallardan uzoq turish.
Xavi jamoaga kelishi bilan darrov o‘zini qattiqqo‘l murabbiy sifatida ko‘rsatdi. Uning tashabbusi bilan jismoniy tayyorgarlik bo‘yicha murabbiy va fizioterapevt klubda ishdan bo‘shatildi. Sababi ko‘p sonli jarohatlar. Ketganlarning o‘rniga tezda tajribali mutaxassislar bilan to‘ldirildi.
Hatto yulduz himoyachi-veteran Jerar Pike ham bu qoidalarga ko‘nishga rozi bo‘ldi. Futbolchi intervyu berishni rejalashtirgan, biroq bosh murabbiy buni man qilgan. Xavining ta’kidlashicha, Pike o‘ta ko‘p gapiradigan va ko‘pincha futbol bilan bog‘liq bo‘lmagan tadbirlarda qatnashadigan futbolchi.
Murabbiy jamoada yuqori intizom yaratishini darhol aytib o‘tdi. Va endi Cadena Cer "Barselona"da yangi qoidalar paydo bo‘lganini e’lon qiladi.
— Futbolchilarga jamoaviy tadbirlarda, mashg‘ulotlarda, o‘yinlarda yoki boshqa faoliyatda ijtimoiy tarmoqlardan foydalanish taqiqlanadi.
— O‘yinchilarga brend, xodimlar yoki klub ichidagi har qanday shaxsning obro‘siga putur etkazadigan fotosuratlarni joylashtirish yoki fikr bildirish taqiqlanadi.
— Agar futbolchi reklama tadbirlarida qatnashishdan bosh tortsa, uning maoshi 10% ga qisqartiriladi.
Shuni aniqlashtirish kerakki, agar tadbir ma’lum sabablarga ko‘ra o‘tkazib yuborilgan bo‘lsa, o‘yinchiga ogohlantirish beriladi. Uchinchi ogohlantirish ish haqini qisqartirishga olib keladi.
— Bundan tashqari, futbolchilarga chang‘i, alpinizm, motosikl haydash kabi ekstremal sport turlari bilan shug‘ullanish taqiqlanadi. Bularning barchasi shikastlanish xavfini oshiradi.
"Barselona"ning avvalgi prezidenti Xosep Mariya Bartomeu yulduz futbolchilarga yon berib, ularning shartnomalarida katta miqdorda bonuslar belgilab qo‘ygandi. Joan Laportaning kelishi bilan vaziyat o‘zgardi va klub boshqa yo‘nalishda ketmoqda. Darvoqe, yaqinda hujumchi Robert Levandovskining 2026 yilgacha mo‘ljallangan shartnomasi haqida ma’lumot paydo bo‘ldi. Marca xabariga ko‘ra, agar polyak uchinchi mavsumda o‘yinlarning 55 foizdan kamini o‘tkazsa, "Barselona" rahbariyati 2025 yilda shartnomani bekor qilishi mumkin. Qayd etish kerakki, hozirda klub bazi jihatlarda ehtiyotkorroq harakat qilmoqda.
Bu orada Levandovski mukammal tartibda – beshta o‘yinda sakkizta gol urdi.
Istiqlol
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
