"Brayton" kechagi o‘yinda yaxshiroq ko‘rindi va tabiiy ravishda g‘alaba qozondi - 3:0. Deyarli barcha mumkin bo‘lgan statistik ko‘rsatkichlar ularning tomonida: zarbalar, burchak to‘plar, qoidabuzarliklar, kartochkalar va hatto to‘pga egalik qilish ham. O‘tgan mavsumda Klopp to‘pga egalik qilish bo‘yicha APLda ikkinchi jamoaga ega bo‘ldi ("Siti"dan keyin) va kechagi bahsda statistika 38%ni ko‘rsatdi.
“Liverpul” bizni nafaqat to‘pga egalik qilish, balki kuch jihatidan ham APLning ikkinchi jamoasi ekanligini o‘rgatdi. O‘tgan mavsumda so‘nggi turgacha chempionlik uchun kurash olib borishdi va chempionlikka bir necha daqiqa qolgandi. Hozir qandaydir boshqa jamoa “Liverpul” libosida o‘ynayotgandek tuyulyapti.
Odatda bu paytda ular jarohatlar haqida gapirishni boshlaydilar. Van Deyk haqiqatdan ham muhim o‘yinchi, lekin umuman olganda, jamoada ilgari bo‘lgani kabi kadrlar bilan muammo dahshatli emas. Umuman olganda, qolgan pozisiyalarda nima kamchilik bor? Darvozabon joyida. Himoya qanotlarida o‘sha Trent va Robertson. Asosiy yarim himoyachi - Fabinyo, Xenderson, Tiago. Hujumga Dias/Jota yetishmayapti, ammo “Liverpul” so‘nggi olti oy ichida ikkita kuchli transferni amalga oshirdi – Nunyes va Gakpo jamoada paydo bo‘ldi.
Bitta o‘yinda hamma narsa sodir bo‘lishi mumkin, ammo 2023 yilda "Liverpul" hech kimni mag‘lub eta olmadi. Chempionatda “Brentford”ga yutqazdi, keyin Angliya kubogida “Vulverxempton” bilan durang o‘ynadi, endi esa “Brayton” hech qanday imkoniyat qoldirmadi. "Liverpul"ning muammolarini biroz hal qiladigan yagona narsa bu "Chelsi"ning ham shunday vaziyatda ekanligi. Faqat ularda tushunarliroq sabab bor: yangi xo‘jayin, yangi murabbiy, jarohatlarning ko‘pligi. "Liverpul"da bu sabablarning deyarli hech biri mavjud emas.
So‘nggi to‘rt yil davomida ajoyib ish qilib kelayotgan Klopp murabbiylik qilishni unutib qo‘ydimi? Uning matbuot anjumanlari juda asabiy o‘tyapti. O‘tgan kuni u transferlar jamoadagi muammolarni qanday bartaraf etishi haqida savol bergan jurnalistga tashlanib ketishiga bir bahya qoldi.
O‘yindan so‘ng murabbiy "Liverpul" muxlislari oldida mum tishlagandek ko‘rindi. Aftidan, u shunday kechirim so‘radi. Va bu Kloppni jamoadan olib tashlash kerak, degani emas. Balki usiz jamoaning so‘nggi yillardagi darajasiga qaytish qiyinroq bo‘lar. Yana bir jihati shundaki, APLning ushbu mavsumi boy berilishga yaqin turibdi. “Liverpul”ni Yevropa musobaqalariga umuman chiqa olmaganini tasavvur qilish juda qiyin. Bu qandaydir anomaliya. Ehtimol, bunday bo‘lmasligi mumkin, lekin hammasi shunga qarab ketyapti
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
