2017 yilning yozini eslaysizmi? Eldor Shomurodov rostovliklar bilan shartnoma imzolagandi. Bir necha yildan so‘ng futbolchi "Roma"da paydo bo‘lishi hech kimning hayoliga kelmagandi.
"Rostov"da Karpin va murabbiylar shtabida futbolchi o‘zini to‘liq namoyon qila oldi va 2019 yilga kelib RPLning eng yaxshi hujumchilaridan biriga aylandi. Yevropa klublari skautlari "sariq-ko‘klar" va O‘zbekiston milliy terma jamoasining yorqin futbolchisiga e’tibor qaratishdi. 2020 yilda "Rostov" Shomurodovni Italiyaning "Jenoa" klubiga 7,5 million yevroga sotib yuborgandi.
Birinchi oylar Eldor uchun haqiqiy sinov edi. Hujumchi gol ura olmadi, jarohati sabab bir qancha uchrashuvlarni o‘tkazib yubordi. Shomurodovni hamma ham tanqid qildi:
“Futbolchi maydonda foyda keltira olmaydi. Har bir o‘yinda uchta teginish, maksimal. Genuya klubi xatoga yo‘l qo‘ydi va "Rostov" bu transferdan katta foyda ko‘rdi", - deb yozadi Italiya OAV.
A Seriyada debyutidan ikki oy o‘tgach, Eldor birinchi golni kiritishga muvaffaq bo‘ldi. Yana bir necha oy o‘tdi va Eldor Italiya futboliga moslashdi. Shomurodov oddiy o‘zbek futbolchisidan "Jenoa"ning umidiga aylandi.
Barcha OAV hujumchining texnikasi, nafis o‘yin uslubi, to‘p nazorati va, albatta, gollariga qoyil qoldi. Ular unchalik ko‘p bo‘lmasada, ularning barchasi muhim edi. 2020/2021 yilgi mavsumda Eldor 31 ta o‘yin o‘tkazib, 8 ta gol urdi. Italiyaliklar hayrat bilan birga, keyingi mavsumda ham hujumchidan ko‘proq gol urishga umid qilishdi.
SHOMURODOVNING ITALIYADAGI ERTAGI
2021 yilning yozi haqiqatan ham Shomurodov uchun ajoyib bo‘ldi. Bu hazil emas - Joze Mourinyoning o‘zi "Roma"ga Shomurodovni sotib olish shartini qo‘ydi.
Ma’lum bo‘lishicha, Mourinyo Eldorni anchadan beri kuzatib yurgan. 2019 yildayoq portugaliyalik murabbiy futbolchini Osiyo Kubogida payqab qolgandi. Mourinyo yosh va iqtidorli futbolchini jamoasida ko‘rishni istadi. 2021 yilda portugaliyalikga hujumchi kerak edi. Uning tanlovi "Jenoa"ning eng yaxshi hujumchisi edi.
Shomurodov bir qarashda "Roma"ning uslubiga juda mos tushadi. Uning pressingda ishlashi murabbiyni ham, butun A Seriyani ham hayratda qoldirishdan to‘xtamadi. Axir, Eldor Genuyadagi gollarning aksariyatini aynan raqiblariga bo‘lgan bosimi evaziga urgandi.
Joze Mourinyo hujumchilar bilan qanday ishlashni biladi. U ularga zarba berish uchun pozisiyalarni tanlashni, to‘g‘ri harakat qilishni, o‘z vaqtida tezlik olishini, o‘ylashni va yaratishni o‘rgatadi. Mehnatkash Eldor avvaliga bu vazifalarni qoyillatdi va tezda "Speshl"ning sevimlisiga aylandi.
Keyinchalik Eldorning ruxiyatini tanqid qilgan Joze forvardga ishonchi so‘ndi. Bahorda esa Eldor ham zaxira o‘rindig‘ida qolib ketayotgani uchun o‘zgarishlarga tayyorlanayotganiga shama qildi.
Mavsum oralig‘ida Mourinyo Shomurodovdan qutulish uchun fursat qidirayotgani haqida gaplar tinmadi. Murabbiy Paulo Dibalani jamoaga chaqirdi. Umuman olganda, "Roma" yozda yangi kelganlar bilan yaxshi o‘ynadi. Eldor esa zaxira o‘rindiqlarining doimiy a’zosi bo‘lib qoldi. Bu mavsumda u A Seriyada bor-yo‘g‘i 115 daqiqani maydonda o‘tkazdi.
Yozda "Roma" futbolchi uchun variantlar qidirayotgan edi. Biz "Bolonya" yoki "Torino"ning ijara takliflari haqida yozdik. Ammo transfer amalga oshmadi. Dekabr oyidan boshlab hujumchiga "Sampdoriya", "Fiorentina", "Torino", "Kremoneze", "Udineze" klublari qiziqish bildirishdi. "Roma" esa Eldorga 10 million yevro narx belgiladi.
Eldor Shomurodovda qanaqa variantlar bor?
ITALIYA
Bir qarashda Shomurodovning, masalan, "Torino" yoki "Kremoneze"ga o‘tishi uning orqaga tashlagan qadami bo‘lib ko‘rinadi. Ammo vaziyatga real ko‘z bilan qaraganda bu odatiy xol 27 yoshli forvard kuchli jamoada doimiy zahirada qoladigan futbolchi. Yevropada bu ko‘rinishdagi har qanday iqtidor o‘ziga yangi jamoa izlaydi va kuchsizroq jamoa tarkibiga borib qo‘shilishdan qo‘rqmaydi.
Kuzda Shomurodov Valeriy Karpindan nima qilish kerakligi haqida maslahat so‘radi. Negaki, aynan Karpin Rostovda futbolchini kashf qilib, Genuyaga yuborgan.
"Shomurodovning qaysi klubga o‘tishi muhim emas. Uning yoshida siz doimo maydonga tushishingiz kerak. Bu professional futbolchining gullagan davri. Asosiysi, o‘yin amaliyoti. Bu men Eldorga bergan maslahatim”, — dedi Valeriy Karpin noyabr oyida Rossiya terma jamoasi va O‘zbekiston o‘rtasidagi o‘yindan so‘ng.
"Torino" hozircha Shomurodovga eng yaqqol da’vogar bo‘lib turibdi. Klub futbolchini ijaraga olishga tayyor. "Roma" majburiy sotib olish bandini talab qilmoqda, chunki Mourinyo jamoasida hujumchilar soni yetarli.
"Torino"ning Shomurodovga bir nechta plyus tomonlari bor. RPLning ikki sobiq futbolchisi Aleksey Miranchuk va Nikola Vlashich Turin klubida to‘p surmoqda. Ikkala futbolchi ham xorvatiyalik murabbiy Ivan Yurich tizimiga juda mos tushadi. Yurich bu transfer bilan to‘g‘ri ish qilyapti, hujum chizig‘ida jamoada bir-birga yaqin trioni to‘playapti. O‘yinchilar bir xil tilda (rus tilida) gaplashishadi, shuning uchun maydondagi o‘yinchilarning o‘zaro bir-birini tushunishi yuqori bo‘ladi.
"Torino" va Yurichning uslubi ham Shomurodovga mos keladi. Jamoa A Seriyada qattiq pressingda o‘yin ko‘rsatmoqda. Hujumdagi bosim turinliklar jamoasi uchun juda muxim. Yurik klassik italyan futbolini nemis futboli bilan birlashtirdi. Ko‘pchilik Turinliklar himoyaviy futbolni afzal ko‘radi, deb hisoblaydi. Ammo bunday emas. "Torino" hujumkor harakatlar soni bo‘yicha A Seriyada ikkinchi o‘rinda. Menimcha, Shomurodov uchun "Torino" va Ivan Yurich o‘zini yana ko‘rsatishi va o‘ziga bo‘lgan ishonchini qaytarishi uchun eng zo‘r variant.
Anchadan beri Shomurodovga "Fiorentina" ham qiziqish bildirmoqda. Dushan Vlahovich ketganidan keyin "binafsharanglilar" hujumlarni yakunlashda katta muammolarga duch kelishmoqda. Shomurodov to‘pni ushlay oladi, uni ushlab turadi, muvozanat va o‘yinni nazorat qila oladi. "Fiorentina"ga o‘z imkoniyatlarini golga aylantirish uchun aynan shu narsa etishmayapti.
Hujumchimizni Kremonda ham kutishmoqda. Qizig‘i, klub ham xuddi Eldor kabi qayta tiklanishga muhtoj. A Seriyada 20-o‘rin, yetti ochko, birorta ham liga o‘yinida g‘alaba qozonmadi, murabbiyni ishdan bo‘shatdi va zudlik bilan yangi mutaxassis David Ballardinini boshqaruvga olib keldi.
Bosh murabbiy, albatta, muxlislarni hech bo‘lmaganda natija bilan xursand qilishga, jamoani tubsizlikdan olib chiqishga shoshilmoqda. Shomurodov bu vaziyatda ham qutqaruvchi rolini o‘ynab "Kremoneze" B Ceriyaga tushib ketishining oldini olishi mumkin.
ISPANIYA
Eldor Shomurodov Ispaniyaga ham ko‘chib o‘tishi mumkin. Braziliyalik Ronaldoga tegishli "Valyadolid" klubi hujumchiga juda muhtoj. "Oq-binafsharanglilar" so‘nggi to‘rtta o‘yinda mag‘lub bo‘lishdi va La Ligada 17-o‘ringa tushib ketishdi. Jamoa o‘yin ko‘rsatkichlari bo‘yicha mavsumdagi eng past natijalardan birini qayd etdi – 17 uchrashuvda atigi 13 ta gol. Segundaga qaytishni istamaydigan jamoaga darxol hujumchi kerak. Nega Shomurodov Ispaniyaga Ronaldoga tegishli jamoaga bormasligi kerak, shuningdek, ikki karra jahon chempioni va futbol yulduzi bilan tanishganini farzandlariga, nevaralariga aytish imkoniga ham ega bo‘ladi.
FRANSIYA
So‘nggi yangiliklarga qaraganda, hujumchi xizmatlariga Fransiyaning "Lill" klubi qiziqish bildirmoqda. Ehtimol, bu juda yaxshi klubdan tushayotgan taklifdir. Zero, bu mavsumda "Lill" unchalik yomon ko‘rinmayapti. Klub hozir Liga 1 turnir jadvalida oltinchi o‘rinda bormoqda. Albatta, ular yevrokuboklar zonasiga kirishga intilishadi. Bosh murabbiy Xose Fontega nafaqat himoyada, balki hujum chizig‘ida ham kuchli futbolchilar yetishmayapti.
Yanvar oyidayoq "Lill" vinger Timoti Vea bilan xayrlashishi mumkin edi. Bu esa jamoani yanada kuchsizlantiradi. Bu esa Eldor uchun imkoniyat. To‘g‘ri, futbolchining yangi mamlakatga moslashishi bilan bog‘liq muammolar bo‘lishi mumkinligini hisobga olish kerak.
Eldorning imkoniyatlari ko‘p. Asosiysi, to‘g‘ri tanlov qilish va o‘z o‘yini bilan muxlislarini xursand qilishi kerak.
Mirjalol Pardaboyev tarjimasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
