"MYU" 2023-24 yilgi mavsumdan boshlab, asosiy tarkibida keskin o‘zgarish qilishi kutilmoqda. Yaqin davr ichida "qizil iblislar" dunyoning bir nechta super yulduzlariga qiziqish bildira boshlagan edi. Ular esa klubni yana APL uchun jiddiy da’vogarga aylantirishi mumkin. Shulardan so‘nggisi "Chelsi" hujumchisi Meyson Maunt hisoblanadi. U ortiq "Stemford Brij"da qolmasligi mumkin. Negaki, uning yangi shartnomasi borasidagi harakatlarda o‘zgarish kuzatilmayapti. Shu sababdan Angliya terma jamoasi a’zosi yozda bir nechta klublar o‘rtasida talash bo‘ladi. Ular ichida "Liverpul" va "Manchester Siti" ham mavjud.
Mauntning "MYU"ga kelishi jamoa hujumini kuchagytirishi turgan gap. U hozirgi Marsel Zabitserning o‘rnini egallashi aytilgan. Chunki yozda "Bavariya" o‘z futbolchisini yana qaytarib oladi. Bu narsa, o‘z navbatida mankunianliklar yarim himoyasida Kazemiro, Brunu Fernandesh, Frenki de Yong hamda Meyson Mauntni birlashtirish imkoniyatini yaratadi. "Barselona" yarim himoyachisi de Yong "MYU" uchun o‘tgan yili ham nishon edi. Bu yoz esa yana bir bor niderlandiyalik futbolchiga og‘iz solib ko‘rilishi aytilgan.
"Tottenxem"ning rekordchi-hujumchisi Xarri Keyn oxirgi paytlarda "Manchester Yunayted" kuzatuviga tushgandi. Agarda Angliya terma jamoasi sardori ham jamoaga qo‘shib olinadigan bo‘lsa, u holda, Keyn hozirgi Vaut Vegxorstning joyiga ega chiqadi. Keyn "MYU" hujumiga uzoq vaqt moslashishi ham shart bo‘lmaydi. Negaki, u xalqaro maydonda Markus Reshford bilan bir necha yildan beri yelkama-elka harakat qilib kelmoqda.
"Manchester Yunayted"ning Keyn bilan bog‘liq operasiyasi o‘xshamaydigan bo‘lsa, "Napoli" futbolchisi Viktor Osimxen varianti ham ko‘rib chiqilishi mumkin.
Yangi mavsumda yaxshilanadigan pozisiyalardan yana biri bu darvoza sohasi sanaladi. Klubning uzoq yillik sodiq xizmatchisi bo‘lib kelayotgan David De Xeaning darajasi so‘nggi paytlarda ancha pasayib qolgan. Buni ispaniyalik futbolchining o‘zi ham sezib turibdi. Shu sababli mavsum yakunida De Xea bilan xayrlashuv amalga oshirilishi kutilmoqda. Uning o‘rnini esa "Brentford" posboni David Rayya bilan to‘ldirish rejalashtirilgan. Rayya ham Ispaniya terma jamoasi a’zosi sanaladi va u hozir ajoyib sport formasida. "Arilar" ustozi Tomas Frankning so‘zlariga ko‘ra, agarda Rayya sotuvga qo‘yilsa, uning narxi, kamida 40 million funt bo‘ladi. Qayd etilishicha, "MYU" darvozabon uchun yaxshigina sarmoya kiritishdan qochmoqchi emas.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
