Jahon chempionatida zafar quchish har bir futbolchining orzusi sanaladi. Ha, bunga erishish juda mushkul, ammo uddalasa bo‘ladigan ish. Shu bilan bir paytda klublar miqyosida YECHL bosh sovrini ham katta mavqeyga ega. Chempionlar ligasida kuchli klublarga qarshi, biroq har yili kurashiladi. Ammo mundial to‘rt yilda bir marta o‘tkaziladi. Quyida ikki sovrinni ham bir yilda yutgan ayrim futbolchilar nomi qayd etiladi.
Rafael Varan – 2018
2014 yilda Braziliya yashil maydonlarida o‘tgan mundialda Varan eng yaxshi yosh futbolchi deb topiladi. Oradan to‘rt yil o‘tib, u 2018 yilgi chempionatga ketma-ket uch marta YECHL g‘olibi bo‘lgan holda keladi. Markaziy himoyachi Fransiya termasi safida Rossiyadagi yettita o‘yinda ham qatnashib, chempionlikka erishgan.
Roberto Karlos – 2002
Fransiyadagi finalda muvaffqiyatsizlikka uchragandan keyin, Braziliya keyingi jahon chempionatiga jiddiy tayyorgarlik ko‘ra boshlaydi. 2002 yilgi turnirda Roberto Karlos va uning jamoasi qattiq kurashgan holda finalgacha yetib keladi. Finalda esa braziliyaliklar tarixda beshinchi marta zafar quchadi. Roberto Karlos esa o‘sha yili "Real" safida YECHLni ham yutgandi.
Kristian Karambyo – 1998
Yangi Kaledoniyada tavallud topgan qahramonimiz, 17 yoshida o‘qish va futbol o‘ynash uchun Fransiyaga keladi va butunlay hayoti o‘zgarib ketadi. Yarim himoyachi o‘z faoliyatini "Nant" safida boshlaydi. 1995 yilda u "Sampdoriya"ga ko‘chib o‘tadi. U ikki mavsum davomida Italiyada harakat qilib, "Real" e’tiboriga tushadi. "Qirollik klubi" esa unga 1998 yilda ilk YECHL g‘olibligini taqdim etgandi. Karambyo o‘sha yili yozda Fransiya termasi bilan mundialda ham zafar quchadi.
Uli Xyoness – 1974
Xyoness 74 yilgi mundial finalida Niderlandiya hujumchisi Yoxan Kroyffga qarshi qo‘polligi bilan jarima zarbasiga sabab bo‘ladi. Bu zarba esa hisob ochilishiga olib kelgandi. Ammo G‘arbiy Germaniya o‘yin oxiriga qadar hisobni o‘z tomoniga og‘dirib, yakunda chempionlikni qo‘lga kiritadi. Xyoness esa bu uchun maydonda ancha ter to‘kkan. U o‘sha yili Yevrokubokda ham zafar quchgan edi.
Gerxard Myuller – 1974
Nemislar uni "Der Kaiser" yoki "Der Bomber" deb atashadi. Albatta, darvoza to‘rini qayerda joylashganini yaxshi bilganingizdan keyin, shunday laqab olishingiz tabiiy. Myuller Germaniya termasi safida 64 ta o‘yin o‘tkazib, 68 ta golga mualliflik qiladi. "Bavariya" uchun esa 365 ta gol urishga erishgan. Uning eng katta qahramonligi 1974 yilgi mundial finalida yuz bergandi. Gerd finalning 43 daqiqasida g‘alaba golini kiritgan edi. U 1970 yildayoq "Oltin to‘p" sovriniga ega chiqqan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
