Kilian Mbappening o‘ziga qolganida, hech ikkilanmasdan "Real"ga o‘tishni tanlagan bo‘lardi. Ammo "PSJ"ning hujumchini hoziroq sotish talabi va saudiyaliklarning yirik taklifi, vaziyatni biroz o‘zgartirsa kerak. Bu holatda biz Mbappening transferini yana bir yil kutishimizga to‘g‘ri kelishi mumkin. Quyida 24 yoshli hujumchi uchun ehtimoliy manzillarni sanab o‘tamiz.
1. "Real Madrid"
Mbappe doimo "Real"ga o‘tishni istagan. O‘tgan yozda u bu orzusiga yetishiga bir bahya qolgan edi. Biroq, katta pul taklifi, buni amalga oshmasligiga sabab bo‘ldi. "PSJ" hozir "Real" va Mbappe o‘rtasida 2024 yil uchun mo‘ljallangan bitim bor deb hisoblamoqda. Shu sababli uni hoziroq sotib yubormoqchi. Mbappe bir mavsumga Arabistonga yo‘l olishi ham mumkin. Arablar hujumchiga katta pul taklif qilmoqda. Shunday ekan, "PSJ" bu taklifni qabul qila oladi.
2. Saudiya Arabistoni klublaridan biri
Jordan Xendersonni O‘rta Sharqqa ketishga ko‘ndirgan taklifni esga oling. Haftasiga 700 ming funt katta maoshday ko‘rinishi mumkindir. Ammo Mbappega berilayotgan taklif oldida u hech narsa bo‘lmay qoladi. "Al-Hilol" Mbappega bir yil uchun 200 million yevro to‘lashga rozi. Tijroiy xarakterdagi shartnomalar bilan bu qiymat 700 millionga yetishi mumkin. Mbappe bunga bir vaziyatda rozi bo‘lishi mumkin. U ham bo‘lsa – futbolchiga 2024 yilda ketishga ruxsat berilishi kerak.
3. "MYU"
Agarda yuqoridagi taklif rad etilsa, Angliyada "Manchester Yunayted" uni sotib olishga qodir jamoaga aylanadi. Erik ten Xagga hujumchi kerak. Biroq, Mbappe o‘ta qimmat turadi. Bir holatdagina fransuz futbolchisi mankunianliklar safiga kelishi mumkin. U ham bo‘lsa, "MYU"ni qatarlik boylarga sotilishi bilan bog‘liq. Aks holda, "qizil iblislar"da bu xaridni amalga oshirish uchun yetarlicha pul bo‘lmaydi.
4. "Liverpul"
Aslini olganda, "Liverpul" Mbappega "Monako"dagi davrlarida qiziqishni boshlagan. Avvalroq, hatto, mersisaydliklarning Mbappe uchun 173 million funt taklif qilgani haqida xabarlar paydo bo‘lgandi. Ammo bunga ishonish qiyin. Negaki, Klopp jamoasining bunga qurbi yetmaydi. Salohning maoshi og‘irlik qilib turgan bir paytda, unikidan ikki barobar ko‘p pul oladigan futbolchini jamoaga keltirish, shunchaki, ahmoqlik bo‘lardi. Maosh masalasi klublar uchun transferga to‘lanadigan puldan ham muammoliroq sanaladi.
5. "Arsenal"
"Arsenal" bu transferlar oynasida ko‘rsatib qo‘ydiki, katta pulni bir futbolchi uchun sarflashdan qo‘rqmaydi. Xabarlarda Mbappening APLdagi eng ma’qul ko‘radigan manzili "Arsenal" bo‘lishi aytiladi. Negaki, hujumchiga Mikel Arteta qurgan jamoa yoqadi. U "Arsenal"ga Tyerri Anri davridan keyin, ilk bor yana chempionlikni taqdim etishi mumkin. Biroq, bu gaplarning barchasi homahayol ekanini Arteta o‘tgan haftadagi javobida tasdiqladi. U Mbappe haqida shunday deydi: "Boshqa jamoalarning futbolchilari haqida gapirmasligimni bilasizlar".
6. "Chelsi"
Pochettinoga himoyachi, yarim himoyachi va darvozabon kerak bo‘lib turgan bir paytda Mbappe haqida gapirish kulgilidek tuyuladi. Ammo klub egasi bo‘lgan Todd Boeli buni qilishga qurbi yetadi. Amerikalik biznesmen 600 millionni, asosan keraksiz futbolchilar olish uchun sarflaganda, 200 millionni dunyoning eng yaxshi hujumchisi uchun sarflay olmaydi deb o‘ylaysizmi? Agar shunday bo‘lsa, yangishasiz. Boeli hoxlasa, buni qiladi. Biroq, buni Mbappe hoxlarmikin? Mana shu katta so‘roq...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
