Ayni damda Fransiya terma jamoasi yulduzi Kilian Mbappe jahon matbuotining diqqat markazida bo‘lib turibdi. Muxlislarni u faoliyatini qayerda davom ettirishi qiziqtirmoqda. Quyida shu haqda qisqacha so‘z yuritamiz.
Mbappening raddiyasi
Kilian «PSJ» bilan 2024/2025 yilgi mavsum uchun shartnomasini avtomatik ravishda uzaytirishni rad etdi. Bu fakt e’tibordan chetda qolmadi. Bundan tashqari, fransuz klubi prezidenti Nosir Al-Xelayfiyning so‘zlari olovga moy qo‘shgandek bo‘ldi va u shartnomani uzaytirish haqidagi ma’lumotga izoh berishdan bosh tortdi. Ayni paytda yulduzning fransuz klubi bilan shartnomasi 2024 yilning iyunida, navbatdagi Yevropa chempionati arafasida tugaydi.
Kuzda keskin vaziyat yuzaga keldi
Lionel Messining Parij klubiga kelishi Kilianga ijobiy his-tuyg‘ularni qo‘shmadi. Noyabr-dekabr oylarida Qatarda bo‘lib o‘tgan jahon chempionatidan so‘ng argentinalik futbolchining nafaqat maydonda, balki kiyinish xonasida ham yetakchiga aylangani dunyodagi eng qimmat futbolchiga yoqmasdi. Fransiyalik futbolchi klub rahbariyatiga nisbatan noxush gaplarni aytishdan tiyilmadi. O‘z navbatida, uning sheriklari yulduzni qo‘llab-quvvatlamadi. Xususan, Neymar Mbappening xudbin xatti-harakatidan g‘azablandi. O‘sha paytda «PSJ» rahbariyati ma’lum darajada keskinlikdan qochish uchun Mbappeni «Real»dan tashqari istalgan joyga qo‘yib yuborishga tayyor edi. U muntazam ravishda turli OAV yangiliklarida paydo bo‘ldi.
«Real»dan tashqari «Liverpul» varianti ham tilga olindi. Fransiya terma jamoasi hujumchisining transferi uchun 300 million yevroga yaqin mablag‘ ajratish va munosib maosh bilan besh yillik shartnoma taklif qilish rejalashtirilgan edi. APLning boshqa gigantlari, masalan, «Manchester Siti» Mbappega nisbatan vazminlik bilan harakat qilishga intildi. Bu to‘g‘risida juda ham kam xabar chiqdi.
Saudlarchi?
«Al-Hilol» klubi Mbappe uchun «PSJ»ga taklif bilan chiqdi. Saudiya Arabistoni klubi futbolchi uchun 300 million yevro to‘lashga tayyor edi. O‘tgan yozda esa futbolchining o‘ziga yiliga 700 million yevro taklif qilgandi! Ammo Mbappe saudiyaliklarga qiziqish bildirmayapti. Demak har qanday miqdordagi pul bilan uning istagini o‘zgartirishning iloji yo‘q. Vaziyat shu holga yetib keldiki, Mbappe va «PSJ» barchaga rad javobini beraverib, futbolchini yovuz personajga aylantirib qo‘ydi.
Ayni damda Kilianning «PSJ»da ishlari yaxshi ketmoqda. Biroq mavsum boshlanishidan oldin uning kelajagi haqida ko‘plab savollar paydo bo‘lgandi. Hatto shunday variant ham bor ediki, «PSJ» rahbariyati o‘z yetakchisiga bir daqiqa ham o‘ynashga ruxsat bermaydi. Biroq milliy chempionatning «Lion»ga qarshi birinchi kuzgi o‘yinidagi dubl ularga ishonch uyg‘otdi.
Kilian Mbappe endigina 24 yoshda, lekin u allaqachon ko‘plab sovrinlarni qo‘lga kiritgan, uning asosiy yutug‘i jahon chempioni unvoni hisoblanadi. Biroq klublar miqyosida Mbappe faqat Fransiya chempionligini qo‘lga kiritdi. Albatta, uning darajasi uchun bu ancha kichik. Demak, Kilian Saudiya Arabistoni variantiga aldanib qolishi dargumon. Shuning uchun biz uni Yevropa futboli gigantlaridan birida kutamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
