Superliganing navbatdagi tur bahsiga qizg‘in tayyorgarlik ko‘rayotgan "Neftchi" bugun xalqaro o‘rtoqlik o‘yinida Tojikistonning "Esxata" klubi bilan maydonda o‘zaro kuch sinashdi. Ta’kidlash joiz, bugungi raqiblar yozgi tanaffus paytida ilk bor Farg‘onada yuzlashishgan bo‘lib, mazkur uchrashuv 4:0 hisobida farg‘onaliklar foydasiga hal bo‘lgan edi.
Bugungi bellashuv ham to‘liq mezbonlar ustunligida o‘tdi. O‘yinda hisob 30-daqiqada G‘ulom-Haydar G‘ulomovning olisdan yo‘llagan kuchli zarbasi orqali ochildi 1:0. Ko‘p o‘tmay navbatdagi kombinasion hujum amalga oshgach, "Neftchi"ning gruziyalik legioneri mehmonlarning qurshovida to‘pni egallab olib darvozani aniq nishonga oldi 2:0. Shundan so‘ng "yo‘lbarslar"da darvozani ishg‘ol etish uchun bir nechta qulay imkoniyat paydo bo‘lganiga qaramay tanaffusga qadar hisob o‘zgarishsiz qoldi.
Ikkinchi bo‘limda Levchenko tarkibda o‘zgarishlarni amalga oshirib, yosh o‘yinchilarni maydonga tushirdi va bu o‘zgarishlar tez orada o‘z mevasini berdi. Ulug‘bek Xoshimov tezkor hujumlardan unumli foydalanib, ketma-ket ikkita to‘p kiritib, hisobni yirik 4:0 ko‘rinishiga olib chiqdi. Kiritilgan gollardan so‘ng jamoaning hujumkorligi davom etgan pallada sahnaga yosh iqtidor egasi Doniyor Valiyev kirib keldi. Chap qanotdan Izzatilla Abdullayev tomonidan katta tezlikda tashkil etgan hujumi va havolatib oshirib bergan uzatmasiga Doniyor Valiyev baland sakragan holda boshi bilan chiroyli tarzda to‘pni darvoza to‘riga joylab qo‘ydi 5:0.
Uchrashuv yakuniga qadar farg‘onaliklarda darvozani ishg‘ol etish uchun ko‘plab qulay imkoniyatlar yaratildi, lekin ushbu vaziyatlardan futbolchilar samara topa olishmadi va yirik 5:0 hisobi o‘zgarishsiz qoldi.
XALQARO O‘RTOQLIK UCHRASHUVI.
15:00 "Istiqlol" stadioni
"NEFTCHI" (O‘zbekiston) 5:0 "ESXATA" (Tojikiston)
Gollar: G‘ulomhaydar Gulyamov 30 1:0, Georgiy Nikabadze 33 2:0, Ulug‘bek Xoshimov 46 3:0, Ulug‘bek Xoshimov 51 4:0, Doniyor Valiyev 66 5:0.
Hakamlar: Olim To‘ychiboyev, Shoxrux A’zamov, Shaxboz Vaxobjonov.
"Neftchi" birinchi bo‘limda:
12.Vladimir Nazarov, 21.Muxsin Ubaydullayev,
20.Anvar G‘ofurov, 26.Aleksey Larin, 7.Umar Adxamzoda (Doniyor Valiyev), 19.Mirzoxid G‘ofurov (s), 24.G‘ulomhaydar Gulyamov, 23.Diyor Turopov, 70.Abbos G‘ulomov, 77.Bilolxon Toshmirzayev, 22.Georgiy Nikabadze( Ulug‘bek Xoshimov 40)
"Neftchi" ikkinchi bo‘limda:
45.Akbar To‘rayev(s), 26.Aleksey Larin(Bachana Arubuli 70), 14.Rahmonjon Ro‘ziyev, 5.Tomislav Mrchela, 10.Sunnatilla Abdullajonov, 17.Abdulloh Olimov, 28.Fozil Musayev, 11.Izzatilla Abdullayev, 9.Ulug‘bek Xoshimov, 24.G‘ulomxaydar G‘ulomov (Nodirxon Ne’matxonov 70), 66.Doniyor Valiyev.
Bosh murabbiy: Vitaliy Levchenko
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
