Jarohatlar epidemiyasi avj olgani sababli, APL klublari o‘z maqsadlariga yetish uchun qishda bir nechta xaridlarni amalga oshirishi turgan gap. Shuning uchun Yevropa va Angliyada yanvar oyi juda ham qizg‘in kechishi kutilmoqda. Quyida sizga ehtimoliy transferlar asosida tuzilgan ramziy terma jamoani taqdim etamiz. Undan ko‘plab yulduzlar va ularning yangi manzillari joy olgan.
David De Xea
"MYU"ning sobiq darvozaboni yozdan beri klubsiz yuribdi. De Xea haftasiga 350 ming funt maosh olar edi. Ammo klub bilan yangi shartnoma borasida kelishuvga erishilmadi. Shu sababli, u erkin agentga aylangan. Hozirda 33 yoshli posbon xizmatlariga "Nyukasl" va "Barselona" qiziqish bilan qaramoqda. Negaki, har ikki klubning asosiy darvozabonlari uzoq muddatga safdan chiqqan.
Denzel Dyumfris
Dyumfris o‘tgan mavsum porlay boshladi. U "Inter"ni YECHL finaliga yetib borishida juda katta mehnat qilgandi. O‘ng qanot himoyachisi uchun talabgorlar ko‘p ekani aytilgan. Ular ichida "MYU", "Chelsi" va "Tottenxem" bor. Dyumfris narxi esa 43.5 million funtga teng.
Jan-Kler Todibo
Todibo fransuz futbolining kelajakdagi yorqin yulduzi sifatida ko‘rilgan. Uning "Nissa"dan ketish ehtimoli juda baland. Negaki, 23 yoshli himoyachi allaqachon katta klublar radariga tushgan. Todibo ayni damda 39 million funtga baholanmoqda. Unga da’vogarlarning eng jiddiysi bu "MYU"dir. Agarda "qizil iblislar" boshiga Retkliff kelsa, Todibo transferi reallikka aylanadi.
Antonio Silva
Silva 20 yosh bo‘lishiga qaramasdan, allaqachon "Benfika" mudofaasida muhim figuraga aylanib ulgurdi. Uning narxi ayni damda 85 million funtga teng. Silva uchun "Manchester Yunayted" eng yirik da’vogar va u uchun belgilanadigan narxni to‘lab berishga tayyor.
Alfonso Devis
Kanada terma jamoasi a’zosi dunyoning eng yaxshi chap qanot himoyachisi sanaladi. U uzoq yillik davrdan keyin, "Bavariya"ni tark etishga tayyorgarlik ko‘rmoqda. 25 yoshli futbolchiga Myunxen klubi taklif etgan yangi bitim shartlari yoqmayapti. Hozirda Devisga "Real", "Manchester Siti" hamda "Liverpul" qiziqish bilan qaramoqda.
Jota
"Al-Ittihod" vingeri boshidan og‘ir davrlar kechmoqda. Negaki, portugaliyalikni Nunu Eshpiritu Santu asosiy tarkibdan chiqarib tashladi. Sobiq "Seltik" futbolchisi yana Yevropaga qaytishni istamoqda. Unga "Tottenxem" da’vogar sanaladi. Angelos Postekoglu Jotani o‘z jamoasida ko‘rishni istaydi.
Duglas Luis
Luis "Aston Villa"ning maydon markazida muhim figura hisoblanadi. Ayni damda u o‘z jamoasi bilan fantasik natija qayd etmoqda. Braziliyalik yarim himoyachiga "Arsenal" qiziqish bildirgan. U tez orada Deklan Rays bilan birlashishi mumkin.
Joau Palinya
"Arsenal" tomonidan kuzatilayotgan yana bir yarim himoya vakili bu Palinyadir. Portugaliyalik futbolchi yozda "Bavariya" tomonidan sotib olinishiga bir baxya qolgan edi. Ammo bu ish amalga oshmadi. Yanvar esa Palinyaga katta klubga o‘tish borasida yana bir imkon beradi.
Pedru Netu
Netu "Vulverxempton"dagi eng foydali futbolchilardan biridir. Aniqrog‘i, jarohat olguniga qadar shunday edi. Portugaliya terma jamoasi a’zosi 10 ta APL o‘yinida 8 ta assist va 1 ta gol urishga erishgan. "Arsenal" Netu uchun kurashda mavjud. Yanvar oyida to‘pchilarning uzoq muddatli orzusi amalga oshishi mumkin.
Ayvan Tauni
Taunining o‘tgan mavsumda olgan taqiqi 17 yanvar kuni o‘z nihoyasiga yetadi. Shu sababli ko‘pgina klublar 27 yoshli hujumchini sotib olishni o‘ylamoqda. 70 million funtga baholangan hujumchi hozirda "Chelsi" va "Tottenxem" nishonida turibdi.
Viktor Osimxen
Osimxen 2022/23 yilgi mavsumda A seriyani eng yaxshi to‘purar sifatida yakunlagandi. U 26 ta gol bilan "Napoli"ni mamlakat chempioniga aylantirgan. Hozir esa 25 yoshli hujumchi jamoadan ketishi mumkin. 120 million funtga baholangan futbolchini "Chelsi" sotib olishi taxmin qilingan. Negaki, "Chelsi"dan o‘zga hech bir jamoa bunday miqdordagi summani to‘lash istagida emas.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
