Turkiya chempionati doirasidagi "Anqaraguju" – "Rizespor" (1:1) uchrashuvi uzoq vaqt esda qoladi. O‘yindan so‘ng darhol FIFA referisi Xalil Umut Melerga mezbonlar prezidenti hujum qildi: Faruk Koja hakamning oldiga yugurib kelib, uning yuziga musht tushirdi!
Ochig‘i, klub prezidenti uchrashuv natijasidan norozi edi. Negaki, uning klubi 90+7-daqiqada gol o‘tkazib yubordi, hakam esa yo‘qotilgan vaqtlar uchun unchalik ko‘p daqiqa qo‘shib bermadi. Mezbonlar nafaqat g‘alabani saqlab qola olishmadi, balki hakam ham ularning ikkita golidan birini bekor qildi.
Boshiga zarba qabul qilib olgan hakam yiqilib tushdi va maydonga yotgan hakamni "Anqaraguju"ning boshqa vakillari tepib tashlashdi.
Hodisa o‘nlab kameralarga tushib qolgan, demak u tegishli komissiya – mahalliy tartib intizom qo‘mitasi tomonidan tekshiriladi. Faruk Koja qanday jazolanishi hozircha aniq emas, ammo funksioner og‘zaki ogohlantirish yoki kichik jarima bilan qutulishi dargumon. Va mojaroning boshqa ishtirokchilari o‘zlariga munosib bo‘lgan narsalarni aniq olishadi.
Bu voqea haqida Turkiya davlati prezidenti Rejab Toyib Erdo‘g‘on rasmiy bayonoti bilan chiqib qilib, "Bugun oqshom bo‘lib o‘tgan "Anqaraguju" - "Rizespor" o‘yinidan so‘ng hakam Halil Umut Melerga qilingan hujumni qoralayman va unga tezroq tuzalib ketishini tilayman.
Sport tinchlik va birodarlikdir. Sport zo‘ravonlik bilan mos kelmaydi. Biz turk sportida zo‘ravonlikka hech qachon yo‘l qo‘ymaymiz", — deyiladi Turkiya prezidenti Rajab Toyyib Erdo‘g‘onning bayonotida.
Keyinroq esa Turkiya Ichki Ishlar Vaziri Ali Yerlikaya "Ankaraguju" - "Rizespor" uchrashuvi oxirida hakam Halil Umut Melerga qilingan hujumni keskin qoralayman. Tinchlik va do‘stlik hukm surayotgan dalalarimizda bunday holatlarga yo‘l qo‘yib bo‘lmaydi.
Biz ushbu qayg‘uli voqeani kuzatib boramiz. Turkiyalik hakamlarni xorijda muvaffaqiyatli himoya qilayotgan hakamimiz Halil Umut Melerga ezgu tilaklarimni bildiraman" - deya bayonot berdi.
Shuningdek, mamlakat IIV vaziri "O‘yindan keyin hakamga hujum qilgan "Anqaraguju" prezidenti Faruk Koja huquq-tartibot idoralari nazorati ostida shifoxonada davolanmoqda. Shundan so‘ng u hibsga olinadi. Shuningdek, hakamga hujum qilgan yana ikki kishi hibsga olindi" - deya qo‘shimcha qildi.
Ayrim norasmiy manbalarning tarqatgan xabariga ko‘ra, Turkiya prezidenti Rejab Toyib Erdo‘g‘on ushbu voqeadan keyin mamlakatda ichki chempionat o‘yinlari noma’lum muddatga qoldirilganini ma’lum qildi. Lekin bu hali rasmiy ma’lumot emas.
Eslatib o‘tamiz, Turiyaning "Rizespor" klubi xamyurtimiz Xusniddin Aliqulov o‘ynaydi va Xusniddin ushbu bellashuvda 90 daqiqa maydonda harakat qildi.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
