O‘FA prezidenti Abdusalom Azizov tadbir yakunida barchani yangi yil bilan muborakbod etib, bir qator masalalar yuzasidan fikr bildirib o‘tdi:
"Aziz murabbiylar, futbolchilar, mutaxassislar, qadrli mehmonlar! Avvalambor kirib kelayotgan yangi yil barchamizga muborak bo‘lsin.
2023 yilda butun jamoa, O‘FA, O‘zPFL, Hakamlar markazi, Terma jamoalar bosh murabbiylari, futbolchilar, umuman barcha mutaxassislar mehnat qildi va buning natijasini ko‘rib turibmiz. Lekin yangi yilda oldimizda mas’uliyatli vazifalar bor.
Terma jamoalar markazi zamonaviy standartlar asosida tashkil etilmoqda. Barcha jamoalarimiz mazkur bazada o‘quv-yig‘in mashg‘ulotlarini o‘tkazish etish imkoniga ega bo‘ladilar.
Milliy terma jamoamiz Osiyoda o‘zini ko‘rsatadigan payt keldi. Bunga barcha sharoitlar yetarli va biz futbolchi-murabbiylarimizga ishonamiz.
Bundan tashqari, ayollar va O‘zbekiston U-23 terma jamoamiz yangi yilda Parij Olimpiadasiga yo‘llanma olish uchun harakat qilishadi.
Futzal bo‘yicha Jahon chempionati yurtimizda o‘tadi. Uni yuqori saviyada o‘tkazish bo‘yicha ham oldimizda qiladigan ishlarimiz ko‘p.
O‘tgan musobaqalar, Jahon chempionatlari shuni ko‘rsatdiki, yoshlarga qancha imkoniyat bersak, bolalarimizni qo‘llab-quvvatlasak — yurtimizdan hali ko‘plab iqtidorli futbolchilar yetishib chiqadi, biz bunga ishonamiz.
Barcha klublar mablag‘larni to‘g‘ri taqsimlash, ertangi kun rivojiga ajratish bo‘yicha to‘g‘ri yo‘ldan borishi talab etiladi. Kelishilgan o‘yinlarga qarshi kurashish bo‘yicha ishlarni jadal davom ettiramiz.
Umuman olganda, barchamiz birgalikda mehnat qilib, O‘zbekistonda futbolni yangi bosqichga olib chiqish uchun tinmay harakat qilishimiz kerak.
Kirib kelayotgan 2024 yil bu yildanda omadli va g‘alabalarga boy bo‘lishini tilab qolaman", — dedi Azizov.
Shuningdek, futbolimiz rahbari O‘zbekiston U-17 terma jamoasi futbolchilari bilan suhbatlashib, Jahon chempionatidagi munosib ishtirok uchun minnatdorchilik bildirdi. O‘smirlarimiz o‘z ustlarida ishlashda to‘xtab qolmasliklari kerakligini aytib, kelajakda milliy jamoa safida ham Jahon chempionatlarida ishtirok etishlariga umid bildirdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
