"Arsenal"
London klubi joriy mavsumda yaqin tarixdagi achchiq alam uchun o‘ch olish uchun o‘ynamoqda. Mikel Arteta jamoasi 2024 yilda haqiqatdan ham qo‘rqinchli ko‘rinmoqda. "Vest Xem"ga qarshi oltita, "Byornli"ga qarshi beshta, "Nyukasl"ga qarshi esa to‘rtta gol urilgani, buni isboti sifatida yangraydi. "Arsenal"da hali ham markaziy hujumchi pozisiyasida muammolar borligini hisobga olsak, 3 ta o‘yinda 15 ta gol bu shunchaki fantastik natijadir. Shu yo‘sinda "to‘pchilar" yana APL chempionligi uchun kurash olib boradi.
"Jirona"
Bunday jamoani ispan xalqi yaqin-orada ko‘rmagan edi. "Jirona"ni "Lester Siti"ga qiyoslash mumkin. Ha, so‘nggi paytlarda kataloniyaliklar chempionlik poygasini boy berishni boshlagandir. Ammo mavsum tugamagunicha bir narsa deyish, baribir qiyin bo‘ladi. Mavsum so‘nggida vaziyat qanday yakunlanishidan qat’iy nazar, "Jirona" bir oyog‘i bilan YECHL yo‘llanmasiga qadam qo‘ydi. Endilikda bu omadni saqlab qolish kerak bo‘ladi.
"Bayer Leverkuzen"
Xarri Keyn boshiga balo klub bu aynan Leverkuzenning "Bayer"i bo‘lib turibdi. Ayrimlar bu jamoani allaqachon Bayern Neverlosin' deya nomlay boshladi (neverlosing– "hech qachon yutqazmaydi" ma’nosida). Mavsum oxiriga 11 tur qoldi. Xabi Alonso jamoasi esa turnir jadvalida 8 ochkolik farq bilan "Bavariya"ni ortda qoldirib turibdi. Alonso yangi mavsumdan "Liverpul"ga o‘tadi degan gaplar yuribdi. Agar bu narda voqelikka aylansa, "Bayer" shu yili chempion bo‘lib olishi kerak. Negaki, "Bavariya" boshqa bunday imkoniyatni taqdim etmasligi mumkin.
"Benfika"
Lissabon shahrining qizil tomoni mavsumni juda ajoyib shaklda davom ettirmoqda. Estadio da Luz hozir yangi yulduzlarga to‘la. Markus Leanardo, Joau Nevish, Antoniu Silva, Di Mariya, Rafa Silva va Florintino Luis kabi futbolchilar "Benfika"ni navbatdagi Portugaliya chempionligiga chorlaydi deya ishonilmoqda.
"PSV"
Biz bu mavsumda faqatgina "Bayer Leverkuzen"gina mag‘lubiyatsiz seriya o‘tkazmayotgani haqida aytganmidik? Aytmagan bo‘lsak, bilib oling: hozir "PSV" ham aynan Xabi Alonso jamoasi izidan bormoqda. "Ayaks"ning inqirozda qolganidan foydalangan eyndxovenliklar chempionlik sari dadil qadamlar bilan bormoqda. Bu klubda yosh va tajribali futbolchilar yig‘ilgani, o‘ziga xos hamohanglikni yuzaga keltirdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
