"Manchester Siti" APL bilan sodir bo‘layotgan muammolardani muvaffaqiyatga erishdi. 2024 yilning yozida "Siti" Premyer-ligaga qarshi da’vo qo‘zg‘atgandi. Unga ko‘ra, APL 2021 yildan boshlab klub xo‘jayinlariga yaqin bo‘lgan homiylar bilan shartnoma tuzishiga cheklovlar kiritgandi.
Bu nima degani? Qisqa va tushunarli qilib aytganda, APL klubning homiylik shartnomalari uchun "bozor narxi" belgilagandi. Agar klub qaysidir homiy bilan shartnoma tuzmoqchi bo‘lsa, premyer-liga bu narxni bozor narxiga to‘g‘ri kelmaydigan narxda tuzilgan deb majburiy arzon kelishuv tuzishga majburlab kelgan. Bu Britaniya qonunchiligiga zid bo‘lib, ikki xususiy kompaniyaning o‘zaro kelishuvlariga boshqa tomonning bu kabi aralashuvi mumkin emas. Buni yaxshi tushungan "Siti" butun Britaniyaning eng qimmat advokatlar jamoasini yollab, APL ustidan da’vo kiritgandi.
Ishni ko‘rib chiqqan mustaqil komissiya qoidalarning bir qismini "noqonuniy" deb topgan, ammo "Siti"ga qarshi klublar noyabr oyida liganing qoidalarga o‘zgartirishlar kiritishga qarorini qo‘llab quvvatlagandi.
"The Times" gazetasining xabar berishicha, mustaqil komissiya ishni qayta ko‘rib chiqdi va "Siti"ning da’volarini qo‘llab-quvvatlab, 2021-2024 yillarda amalda bo‘lgan qoidalarni umuman "noqonuniy" va "amal qilishga yaroqsiz" deb topdi. Chunki ularning faqat bir qisminigina noqonuniy deb ajratib olish mumkin emas.
Bu "Siti" uchun ulkan g‘alaba hisoblanadi. Oddiy tushuntirganda endi klub, misol uchun "Etihad" yozuvi tushirilgan futbolkalarda o‘ynash uchun yiliga 100 mln (yoki undan ko‘p) funt sterlingga ham kelishuv tuzishi mumkin bo‘ladi. Ilgari bunga APL qonunga zid tarzda bo‘lsa-da, aralashib ruxsat bermasdi.
"Manchester Siti" bu bilan to‘xtab qolmoqchi emas, o‘tgan xaftada klub noyabr oyidan beri amalda bo‘lgan yangi qoidalarni xam noqonuniy deb topdirish uchun yangi da’vo qo‘zg‘atgani ma’lum bo‘ldi. Bu ishni xam shu mustaqil komissiya ko‘rib chiqadi.
Bu qaror APL uchun juda katta mag‘lubiyat hisoblanadi va bu katta oqibatlarni sabab bo‘lishi mumkin. Masalan, APL klublari 2021 yil dekabridan 2024 yil noyabrigacha bo‘lgan davrdagi shartnomalar uchun kompensasiya talab qilishi mumkin bo‘ladi. Bundan tashqari Premyer-liga "Siti" sud ishi uchun qilgan 20 million funtga yaqin xarajatlarini ham to‘lab berishi kerak bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
