O‘zbekiston kubogi, guruh bosqichi, “E” guruhining 3-turidan o‘rin olgan bahsni "Navbahor" o‘z maydonida “FarDU” (Farg‘ona)ga qarshi o‘tkazadi.
“Navbahor” mazkur jamoa bilan ilk marotaba o‘yin o‘tkazayotgani bois, bo‘lajak raqib haqida muxlislarni to‘liqroq tanishtirish maqsadida, “FarDU” klubi tarixiga to‘xtalishga qaror qildik.
Farg‘ona davlat universitetining “FarDU” futbol jamoasi aslida sobiq ittifoq davrida tashkil topgan va Farg‘ona viloyati birinchiligi hamda boshqa turli musobaqalarda ishtirok etgan.
Farg‘ona davlat universiteti rektori Bahodirjon Shermuhammadov tashabbusi bilan esa 2021 yildan boshlab, “FarDU”ga katta e’tibor qaratish boshlandi. Bundan asosiy maqsad, universitetda tahsil olayotgan talaba- yoshlarni keng miqyosda sportga jalb etish, futbol sport turining ommaviyligini yanada oshirish hamda nazariya va amaliyot uyg‘unligini ta’minlashga qaratilgan edi.
Universitet qoshida tashkil etilgan futbol klubiga ko‘rsatilayotgan ulkan e’tibor tez orada o‘z samarasini berdi, jamoa 2023 yilgi mavsumda Farg‘ona viloyatining ikkinchi ligasida chempionlikni qo‘lga kiritdi.
Mazkur natija “FarDU”ga Birinchi ligaga o‘tish turnirida qatnashish huquqini taqdim etdi hamda 2023 yil dekabr oyida Surxondaryo viloyatida tashkil etilgan Birinchi ligaga o‘tish turnirida “FarDU” 3-o‘rinni egallab, 2024 yilgi mavsumdan O‘zPFL bayrog‘i ostida o‘tadigan Birinchi ligada ishtirok etish imkoniyatiga ega bo‘ldi.
“FarDU” 2024 yilgi mavsumda Birinchi liganing Sharqiy mintaqasida 2-o‘rinni qo‘lga kiritdi. G‘arbiy va Sharqiy mintaqaning 8 ta eng kuchli jamoalari ishtirokida tashkil etilgan mavsumning yakuniy final bosqichi o‘yinlarida 3-o‘rinni qo‘lga kiritib, debyut mavsumidayoq Birinchi liganing bronza medallariga ega chiqdi.
Jamoa joriy mavsumda Pro ligada qatnashmoqda va ayni paytda 5 ta uchrashuvda 1 tadan g‘alaba hamda durang, shuningdek, 3 ta mag‘lubiyatni qayd etgan holda, 4 ochko jamlab, 6 ta jamoa orasida turnir jadvalining 5-pog‘onasida bormoqda.
“FarDU”ning murabbiylar shtabida yaqin o‘tmishning taniqli futbolchilari - Sergey Lebedev va Abdusamad Do‘rmonovlar faoliyat olib borishmoqda. Jamoa tarkibida universitet talaba-yoshlari bilan bir qatorda Shukurali Po‘latov, Abduxoliq Qurbonov, Riza Ayvazov, Ibodjon Abelfazov, Sanjar Zokirov, Doston Rashidov, Nozimjon Bobojonov kabi tajribali futbolchilar ham harakat qilishmoqda.
Eslatib o‘tamiz, “Navbahor” – “FarDU” uchrashuvi bugun Namangan shahar, Davlatobod tumanidagi “Markaziy” stadionida soat 19:15 da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
