Superliga 29-turidan o‘rin olgan "Mash’al" - "Navbahor" (0:0) uchrashuvidan so‘ng "Navbahor" bosh murabbiyi Sherzod Jo‘rayev matbuot anjumanida ishtirok etdi.
- O‘yin haqida fikringiz?
- Bahs haqida gapiradigan bo‘lsak, "Mash’al" jamoasining oxirgi ikkita o‘yinini o‘rganib chiqqan holda tayyorgarlik ko‘rgandik. Muborakliklar uyda "Qo‘qon-1912"dan ustun kelishdi va Qashqadaryo derbisida "Nasaf"ni mag‘lub etishdi. Ikkita uchrashuvdagi g‘alabadan keyin ruhiy tomonlama ustunlik "Mash’al" tomonida edi. Bugun bizga ba’zi futbolchilarimizning jarohat olgani o‘z ta’sirini ko‘rsatdi. Shu bois ko‘proq Komil Tojiddinov, Sherzod G‘ulomjonov kabi yoshlarga imkon berdik. Rotasiya ustida ish olib boryapmiz. Bugun jamoamiz oxirigacha harakat qildi, buning uchun yigitlarga rahmat. "Mash’al" jamoasiga esa keyingi o‘yinlarda omad tilayman.
- "Navbahor" bosh murabbiyligiga endi kelganingizda Superliga tajribasi biroz yetishmayapti deb aytgan edingiz. Bugun shu ham ta’sir qildimi?
- Men bu holatni anchadan beri ichimda saqlab keldim. Nimaga desangiz jamoani qabul qilib olganimda vaziyat juda ayanchli edi. Biz sakkizta o‘yindan beri ijobiy natija ko‘rsata olmay kelayotgandik. Futbolchilarning o‘ziga bo‘lgan ishonchi yo‘qolib qolgandi. Futbolchilarga vaziyat salbiy ta’sir qilmasligi uchun hamma yukni o‘zimga olishimga to‘g‘ri keldi. Chunki "Navbahor" men uchun juda aziz klub, menga ko‘p narsa berdi.
- Agar rahbariyat sizga ishonishda davom etsa, kelasi yil nimalarni o‘zgartirgan bo‘lardingiz?
- Yaxshi savol berdingiz. Hozir qo‘l ostimizdagi mavjud tarkib bilan ishlashga to‘g‘ri kelyapti. Mavsum yakuniga yetganidan keyin rahbariyat qarori qanaqa bo‘lishini bilmayman. Menga ishonch bildirib asosiy jamoa topshirilgani katta sharaf. Chunki "Navbahor" - bu brend. Bizning "Paxtakor", "Nasaf" kabi klublardan kam joyimiz yo‘q. Men har doim bor mahsulotdan unumli foydalanishga harakat qilaman. Rotasiya esa albatta kerak. Yoshlarga ishonaman. Futbolga nisbatan o‘z qarashlarim bor va shuni singdirishga harakat qilyapman.
- Bilamizki, siz hujumkor futbolni ma’qul ko‘rasiz. Lekin bugungi o‘yinda futbolchilar orqaga ko‘p bor to‘p uzatishdi.
- To‘g‘ri ta’kidladingiz, to‘p bilan oldinga harakat qilish menga yoqadi. Mashg‘ulotlarda ham shuning ustida ko‘p ishlaymiz. Bugun himoya markazidagi ikkita asosiy futbolchimiz yo‘qligi sabab boshqalarni sinab ko‘rdik. Shu bois darvozabon orqali o‘ynashga majbur bo‘ldik. Bundan tashqari "Mash’al" ham yuqori pressinga o‘tib bizni shunga majburladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
