«KAMP NOU» STADIONI (Barselona)
Ma’lumotnoma
To‘liq nomi: L’Estadioa Cam Nou
Eski nomi: «Barselona» FK stadioni (2000 yilgacha)
Joylashgan o‘rni: Ispaniya, Kataloniya, Barselona
Loyiha: 1954 yil
Qurilgan yili: 1957 24 sentyabrda ochilgan
Qayta ta’mirlangan: 1995 va 2008 yillarda
Loyiha qiymati: 1,73 million yevro
Arxitektorlar: Fransesk Mitjans, Xosep Soteras va Lorenso Garsiya-Barbon
Tegishli tashkilot: «Barselona» FK
Sig‘imi: 99 354
Uy uchrashuvlarini o‘tkazadi: «Barselona» FK, Kataloniya va Ispaniya terma jamoalari
«Kamp Nou» ispanchada yangi maydon nomini anglatadi. Stadion 1957 yilda ishga tushirilgan va o‘shandan buyon Ispaniyaning «Barselona» jamoasiga xizmat qiladi. 2000 yildan buyon rasman «Kamp Nou» yoki «Nou Kamp» deb atab kelinadi. Stadion o‘z bag‘riga 99 ming 354 muxlisni sig‘dira oladi. Arena Yevropaning muxlis sig‘imi bo‘yicha eng katta stadioni. Jahonda futbol uchun moslashgan stadionlar ichida esa Meksikadagi «Asteka» stadionidan keyin ikkinchi o‘rinda turadi. «Kamp Nou» o‘zida Yevropa va jahon chempionatlari o‘yinlarni qabul qilgan. Bundan tashqari 1992 yilgi Barselona olimpiadasining futbol bahslari ham «Kamp Nou»da o‘tkazilgan. Futboldan tashqari arenada Maykl Jekson, U2 va Frenk Sinartalarning konsertlari bo‘lgan.
Stadion «Barselona»ga Fransesk Miro-Sans rahbarlik qilgan davrda qurilgan. Chunki «Barselona»ning avvalgi stadioni muxlislar uchun kichiklik qilayotgan edi. Bundan tashqari asosiy raqobatchi «Real» hozir «Santyago Bernabeo» nomi bilan mashur «Estadio Chamartin»ni qurgan edi. «Kamp Nou»ning qurilish ishlari 1953 yilda boshlangan. Dastlab loyihaga 67 million peset sarflashga qaror qilinadi, lekin keyinchalik xarajatlar 288 milliondan oshib ketadi. Jamoa qurilishga ketgan pullarni eski stadionning yerini sotish bilan to‘ldirmoqchi bo‘liadi, lekin o‘sha vaqtdagi hukumat rahbari Franko klubga katta miqdorda qarz yuklaydi va shuning uchun «Kamp Nou» «Barselona»ga ancha qimmatga tushadi. Dastlab stadion 90 ming muxlisga mo‘ljallangan edi va ochilish o‘yinida odamlarga joy yetmay qoladi. Stadionni dastlab klub asoschisi Gans Gamper nomi bilan atamoqchi bo‘lishadi, lekin keyinchalik unga «Barselona» FK stadioni deb nom berishadi. Lekin ko‘pchilik arenani «Kamp Nou» deb atay boshlaydi. Bu nom uning rasmiy nomidan ham mashhur bo‘lib ketadi.
1982 yilda Ispaniya o‘zida jahon chempionatini qabul qiladi va «Kamp Nou»ning hajmi 120 ming kishigacha oshiriladi, lekin 1998 yilgi UYEFAning yangi qoidalariga ko‘ra stadiondagi tribunalar bir qadar ochiqroq joylashtiriladi. Endilikda stadion 99 934 muxlisga mo‘ljallangan bo‘lib qoldi. Maydon hajmi esa 105x68. «Kamp Nou» UYEFA tasarrufidagi kam sonli besh yulduzli stadionlardan biri. Stadion hududida klub akademiyasi, ba’zasi, muzeylar va mashg‘ulot stadionlari joylashgan.
«Kamp Nou» ikki marta chempionlar ligasining final bahsini qabul qilgan. 1989 yilda «Milan» «Styau»ni 4:0 hisobida mag‘lub etgan bo‘lsa, 1999 yilgi daxshatli finalda «Manchester Yunayted» hakam tomonidan qo‘shib berilgan daqiqalarda «Bavariya» 2:1 hisobida mag‘lub etgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
