Yoshlar ligasining 11-turida «Nasaf» - «Mash’al» o‘yini o‘tkazildi.
Mezbonlar bugun raqibiga hech qanday imkon bermadi. Ular maydonda to‘liq ustunlik qilishib, o‘yin davomida tashabbusni o‘z qo‘llarida ushlab turishdi.
Uchrashuvda dastlab mezbonlar 11 metrlik jarima to‘piga ega bo‘lishdi. Bu vaziyatda to‘rt nafar o‘yinchilarni aldab o‘tgan tezkor o‘yinchi Islom Kenjaboyevga qarshi himoyachilar jarima maydonchasida qo‘pollik ishlatishga majbur bo‘lishdi. 11 metrlik jarimani “jabrlanuvchi”ning o‘zi ijro etdi. Afsuski, to‘p darvoza to‘ridan joy olmadi, bunda mehmonlarga darvoza to‘sini ham “yordam berdi”.
Ketma-ket tashkil etilgan hujumlar bari-bir o‘z samarasini berdi. 37-daqiqada Alfayzi Ne’matov uchrashuvda hisobni ochdi – 1:0. Oradan ikki daqiqa o‘tib, mezbonlar yana bir marta 11 metrlik jarima to‘pi tepish huquqini qo‘lga kiritishdi. Bunda “Mash’al” jamoasi yoshlari o‘z jarima maydonchasida to‘pni qo‘l bilan o‘ynashgan edi. Bu safar Dilshod Xushbakov jarimani aniq amalga oshirdi va hisobni 2:0ga o‘zgartirdi. Birinchi bo‘lim shu hisobda yakuniga yetdi.
Ikkinchi bo‘lim ham mezbonlar ustunligida o‘tdi. Bu hisobda o‘z aksini ko‘rsatdi. Ikkinchi bo‘limda yana Dilshod Xushbakov bitta gol va Doniyorjon Narzullayev esa ikkita gol muallifi bo‘ldi.
Shunday qilib, mezbonlar kichik voha derbisida to‘liq ustunlik qilishib, yirik 5:0 hisobida g‘alaba qozonishdi.
Yoshlar ligasi, 11-tur
“Nasaf” (Qarshi) – “Mash’al” (Muborak) 5:0 (2:0)
Gollar: Alfayzi Ne’matov (37), Dilshod Xushbakov (39 pen, 55), Doniyorjon Narzullayev (52, 79)
Amalga oshirilmagan penalti: Islom Kenjaboyev (25)
Bosh hakam: Sultonmurod Abdurahmonov (Toshkent),
Yordamchi hakamlar: Farhod Usmonov, Jasur Bo‘riyev (Qarshi),
Zaxira hakami: Suxrob Sattorov (SHaxrisabz).
Nazoratchi: Ibragim Sharipov (Buxoro)
“Nasaf”: 1.Umidjon Ergashev, 4.Jo‘rabek Mannonov, 6.Dilshod Saitov, 9.Dilshod Xushbakov, 14.Jahongir Qurbonboyev, 15.G‘olib G‘aybullayev (s), 16.Saydullo Rahmatov, 20.Akmal Mozgovoy, 22.Islom Kenjaboyev, 28.Sardor Sa’dullayev, 43.Alfayzi Ne’matov.
Zaxira: 44.Muzaffar Sharipov, 7.Akmaljon Olimov, 13.Muhriddin Zoirov, 19.SHerzod Nasrullayev, 32.Jasur Jumayev, 34.Xudoyorxon Sagdullayev, 38. Doniyor Narzullayev.
"Mash’al": 53.Rahimjon Davronov, 3.Temur Mamatov, 8.Siroj Meliyev, 17.Vladislav Pavlenko, 18.Bekzodjon Tursunov, 22.SHaxzod Abduraximov, 23.SHokir Yuldashev, 24.Abbos Omonov, 25.SHohjahon Qilichev, 47.Mo‘minjon Meliyev, 70.Jonibek Mirzoqulov.
Zaxira: 99.Jonibek Mo‘minov, 7.Siyovush Yoqubov, 9.Firdavs Asadov, 10.Oybek Jo‘rayev, 13.Iskandar Shodmonov, 16.Turg‘unpo‘lat Turg‘unov, 20.Zafar Akramov.
Ogohlantirish: G‘olib G‘aybullayev 66 - Rahimjon Davronov 8, Siroj Meliyev 58, Shahzod Abdurahimov 64.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
