Yangi yil kechasi Italiya ko‘chalarida sayrga chiqish xavfli. Soat o‘n ikkiga bong urganida irimchi italiyaliklar xonadonlarida bor eski-tuskini ko‘chaga uloqtiradi. Irimiga ko‘ra, shunday yo‘l tutsa, yangisining sohibiga aylanadi. “Manchester Yunayted” deyish kerakmi yoki Mourino, xullas, har ikkisi xuddi shu tarzda hujumchi Ueyn Runiga chiqish eshiklarini ko‘rsatib, futbolchidan voz kechdi. Inglizchasiga aytganda, eng uzun kunning ham oxiri bor.
O‘sha kun kelganida “tenggi chiqsa, tekin ber” qabilida ish tutdi “Yunayted”. Xo‘sh, Runi jamoada nimalar topdi? Nimalar yo‘qotdi? U – yulduz bo‘ldi. Afsona emas. U – yarimhimoyachi bo‘ldi. Hujumchi emas. U “Everton” muxlisi bo‘ldi. “Manchester Yunayted”ning emas. To‘g‘risi, uning gollarni qalashtirib tashlaganini eslolmayman. Premer liga to‘purariga atalgan haykalchani qo‘liga ushlamagani ham fakt. So‘nggi ikki mavsumda esa o‘zini ancha “oldirib qo‘ydi”. Uqubatga mubtalo bo‘ldi. Ueyn uy muzeyini to‘ldirdi. Trofeylar yutdi. Biroq karerasining hayot-mamot masalasida baribir mag‘lubiyatga uchradi. Kerakli yukning og‘iri yo‘q, deyishadi. Runidan shunday “kerakli yuk” chiqmadi. Po‘lat pichoq qinsiz qolmasligi tayin. Ko‘chada qolgani yo‘q. Yo‘lini topib ketdi. Ammo baribir klubni qanday tark etgani muhim. Afsuski, “Yunayted”dagi o‘rnini yo‘qotib, tarkibga sig‘maganida unga bag‘rini ochadigan jamoaga ravona bo‘ldi. Ehtimol, eskining o‘rnini yangi egallaydi, bu hayot qonuni, fojea yasash shart emas, deb hisoblarsiz. Ha, bu borada siz haqsiz. Inkor etmayman. Lekin forvardning yo‘rig‘i boshqacha bo‘ldi. Tamomila o‘zgacha. Uning o‘rni, uning nuqtasi boshqalarga ishonib topshirildi. Hujumchi yarimhimoya bilan cheklandi xolos.
“Dunyodagi eng zo‘r futbolchi bo‘laman, deyishdan yiroqman. Taxminan Ueyn Runi darajasida o‘ynayman”, dedi Useyn Bolt kuni kecha. Qarang, o‘ttizni qoralab qo‘ygan atlet shunday fikrni aytishga jazm etdi. Futbolni ichida emas, uni tashqarasida yurgan, qo‘pol aytganda, professioanl futbolning “f” harfini ham bilmaydigan yengil atletikachi bir dumalab Runi darajasidagi o‘yinchiga aylanishga da’vo qilsa! Buni qanday tushunish mumkin?
Davomi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
