“Buxoro” 16 sentyabr kuni Oliy liganing navbatdagi turida “Dinamo”ni qabul qiladi.
Samarqandning “Dinamo” jamoasini 1960 yilda tashkil topganligi haqida ma’lumotlarga egamiz. Jamoa ilgari “Marakanda”, “Afrosiyob”, “Samarqand” nomi ostida ham chempionatda ishtirok etgan.
Jamoa tarixidagi “Eng yaxshi to‘purar” Timur Iskanderov bo‘ladi. Sobiq futbolchi 1998 yili birinchi ligada raqiblar darvozasiga 30ta (!) to‘p kiritib, to‘purar bo‘lgandi. Muxlislarga yaxshi eslasa kerak, o‘sha mavsumda “Dinamo” 2-o‘rinni qo‘lga kiritgandi.
“Dinamo”ga bu yil Oleg Tyulkin ustozlik qilayotgani barcha yaxshi ma’lum bo‘lsa kerak. Jamoa tarkibida Radu Rogak (Moldoviya) va Adnan Oraxovas (CHernogoriya) legioner sifatida o‘ynab kelmoqda. Jamoa uy uchrashuvlarini Samarqanddagi “Dinamo” nomli stadionda o‘tkazadi. Ushbu arena o‘z bag‘riga 13 800 nafar tomoshabinni sig‘dira oladi.
Samarqandliklar o‘tgan turda o‘z uyida “Qo‘qon-1912” bilan o‘ynab, nursiz durang qayd etgandi.
Jamoa hozirgacha o‘z aktiviga 21 ochko yozdirib qo‘yishga erishdi. Turnir jadvalida egallab turgan o‘rni esa – 12–o‘rindir.
BIRINCHI DAVRADA “DINAMO”NING QO‘LI BALAND KELGANDI
Yodingizda bo‘lsa kerak, ushbu jamoalarning joriy mavsumdagi ilk uchrashuvi Samarqandda kechgandi. Mazkur bahsda mezbonlar ustunlikka erishib, o‘z hisobiga uch ochkoni yozdirib qo‘ygandi. Ko‘ramiz, Buxorodagi bahsda kimning ko‘chasida bayram bo‘lar ekan.
15.04.2017. 6 tur.“Dinamo” – “Buxoro” - 3:1 (1:0)
Gollar: Orif Mamadjonov, 21 (1:0), Javohir Qahramonov, 57 (2:0), Bahriddin Vahobov, 64 (2:1), Amirjon Safarov, 90+3 (3:1).
“BUXORO” – “DINAMO”. O‘ZARO O‘YINLARNING UMUMIY STATISTIKASI
O‘zaro o‘yinlar – 43ta.“Buxoro”ning g‘alabasi -20ta.“Dinamo”ning g‘alabasi – 16ta.Duranglar soni- 7ta. “Buxoro”ning urgan umumiy gollari soni – 58ta.“Dinamo”ning urgan umumiy gollari soni – 56ta. “Buxoro”ning eng yirik hisobdagi g‘alabasi – 6:0.“Dinamo”ning eng yirik hisobdagi g‘alabasi – 4:1, 3:0. “Buxoro”ning o‘zaro o‘yinlardagi ochkolari soni – 67ta.“Dinamo”ning o‘zaro o‘yinlardagi ochkolari soni – 55ta.
“BUXORO” – “DINAMO” UCHRASHUVI HAKAMLARI MA’LUM
Oliy Liga,
21-tur 16 sentyabr, shanba
“Buxoro” – “Dinamo”
Bosh hakam: Rustam Bobomurodov (Navoiy).Qanot hakamlari: Ravil Shoyaxmetov (Toshkent), Alisher Usmonov (Toshkent).Zaxiradagi hakam: Firdavs Norsafarov (Qarshi).Nazoratchi: Artyom Arutyunov (Toshkent).O‘zPFL vakili: Baxtiyor Mametov.“Buxoro” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
