Osiyo kubogi-2019 musobaqasining saralash bosqichi yakuniga yetib, unda ishtirok etadigan barcha jamoalar nomi aniq bo‘ldi. Xabaringiz bor, qit’a chempionatida ilk marta 24ta terma jamoa ishtirok etadi. Musobaqaga qur’a tashlash marosimi 12 may kuni o‘tkaziladi.
Osiyo kubogi-2019 reglamentiga ko‘ra, qur’a oldidan jamoalarni savatchalarga ajratishda FIFAning aprel oyidagi reytingi inobatga olinadi. Mazkur reyting 12 aprel kuni rasman e’lon qilinadi. O‘zbekistonlik taniqli mutaxassis Alisher Nikimbayev mazkur reytingni oldindan hisoblab, o‘zining Feysbukdagi sahifasida e’lon qildi.
E’tiborli tomoni, Osiyo kubogi-2019 saralashining dastlabki bosqichidan o‘tib, JCH-2018 saralashida qatnashgan 12ta jamoaning 3tasi uchinchi savatchadan o‘rin oladigan bo‘ldi. Ular orasida O‘zbekiston ham bor. O‘zbekiston terma jamoasi yangi reytingda Osiyo jamoalari orasida 13-o‘ringa tushib qoladi. Natijada jamoamiz 3-savatchadan o‘rin oladi.
Birinchi savatchadan BAA (mezbon), Eron, Avstraliya, Yaponiya, Janubiy Koreya, Saudiya Arabistoni terma jamoalari o‘rin olishgan. Ikkinchi savatchaga esa Xitoy, Qirg‘iziston, Suriya, Livan, Falastin va Ummon termalari joylashishgan. Iroq, Hindiston, Qatar, Vyetnam va KXDR terma jamoalari 3-savatchadan o‘rin olishgan va ular OK-2019 guruh bosqichida O‘zbekistonga raqib bo‘lishmaydi. Filippin, Bahrayn, Iordaniya, Yaman, Tailand, Turkmaniston termalari 4-savatchani tashkil qilishgan.
Demak, Osiyo kubogi-2019da Markaziy Osiyo mintaqasining 4ta terma jamoasi — Eron, Qirg‘iziston, O‘zbekiston va Turkmaniston bitta guruhdan o‘rin olish ehtimoli yo‘q emas.
Osiyo kubogi-2019 savatchalari
1-savatcha: BAA (FIFA reytingida 405 ball), Eron (727), Avstraliya (700), Yaponiya (528), Janubiy Koreya (520), Saudiya Arabistoni (445)
2-savatcha: Xitoy (431), Qirg‘iziston (424), Suriya (423), Livan (404), Falastin (401), Ummon (383)
3-savatcha: O‘zbekiston (381), Iroq (381), Hindiston (354), Qatar (339), Vyetnam (331), KXDR (292)
4-savatcha: Filippin (289), Bahrayn (281), Iordaniya (272), Yaman (250), Tailand (243), Turmaniston (242)
Eslatib o‘tamiz, Osiyo kubogi musobaqasi 2019 yilning 5 yanvaridan 1 fevraliga qadar BAAning 4ta shahrida joylashgan 8ta stadionda bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
