«Chelsi» Kepa Arrizabalagani dunyo futbolidagi eng qimmatbaho darvozabonga aylantirdi va bunday o‘yinchilardan tuzilgan jahon ramziy terma jamoasi tarkibi o‘zgarishga yuz tutdi.
Ya’ni «Atletikda»da yuksaklikka ko‘tarilgan ispaniyalik kiper yaqinda afsonaviy Janluiji Buffonni ortda qoldirgan Alisson Beker o‘rnini egalladi.
Demak, maxsus fotojamlanma yordamida elit jamoaning nisbatan o‘zgargan tarkibiga nazar solamiz.
Darvozabon. Kepa ARRIZABALAGA. «Atletik» - «Chelsi»
Transfer summasi: 80 mln. yevro. Vaqt: 2018 yil (yoz).
Bunga qadar ramziy jamoa darvozasi qisqa vaqt davomida bosh rolda yurgan Alisson Bekerga tegishli edi. Mana, «qirol» o‘zgardi: endi «ko‘klar» kiperi «ramz»da birinchi!
O‘ng qanot himoyachisi. Kayl UOKER.«Tottenxem» - «Manchester Siti»
Transfer summasi: 52,7 mln. yevro. Vaqt: 2017 yil (yoz).
Ushbu ro‘yxatda «Manchester Siti»ning 3 nafar himoyachisi bor. Ha, shayxlar orqa chiziq uchun eng sara ijrochilarni sotib olishgan, ammo juda baland bahoda. Fakt shuki, klub jahondagi eng qimmatbaho himoya guruhiga ega.
Markaziy himoyachi. Emerik LYAPORT.«Atletik» - «Manchester Siti»
Transfer summasi: 65 mln. yevro. Vaqt: 2018 yil (qish).
Bu yigit hattoki, Fransiya milliy jamoasi asosiy tarkibida ham o‘ynayotgani yo‘q. Lekin qishda «shaharliklar» safiga qo‘shilib, ma’lum muddat jahonning eng qimmatbaho himoyachisi maqomida yurdi. To‘g‘ri, Lyaportning bu boradagi hukmronligi uzoqqa cho‘zilmadi.
Markaziy himoyachi. Virjil van DEYK. «Sautgepmton» - «Liverpul»
Transfer summasi: 78,8 mln. yevro. Vaqt: 2018 yil (qish).
Gollandiyalik o‘yinchi rasman futbol tarixida eng baland summaga baholangan himoyachi hisoblanadi. Yaqin orada orqa chiziqda to‘p suruvchi qaysidir futbolchiga 79 mln. yevro yoki ko‘proq to‘laydigan jamoa topilmasa kerak-ov. Yana bilib bo‘lmaydi...
Chap qanot himoyachisi. Benjamen MENDI. «Monako» - «Manchester Siti»
Transfer summasi: 57,5 mln. yevro. Vaqt: 2017 yil (yoz).
Mendi - «Monako»ning oltin tarkibidan «uchirma» bo‘lgan birinchi futbolchi. Rossiyalik biznesmenlar «Siti» sohiblaridan yetarlicha pul olishgandi. Ya’ni «shaharliklar» Benjaminni eng qimmatbaho chap qanot himoyachisiga aylantirishdan tashqari, Bernardo Silva uchun 50 mln. to‘lashgan.
Tayanch yarim himoyachisi.
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
