Oktyabr oyi ham xalqaro o‘rtoqlik o‘yinlariga boy bo‘ldi. Qolaversa, Yevropada yangi turnir - YEML davom etttirildi.
Shuningdek, Afrika Millatlar kubogi saralash bosqichi o‘yinlari o‘tkazildi. Ayni shu uchrashuvlar natijasida FIFA reytingida jiddiy o‘zgarishlar yuzaga kelishi kutilgandi. Mana, 25 oktyabr kuni e’lon qilingan jahon reytingida Belgiya termasi yakka peshqadamga aylandi.
Xullas, bunga qadar qo‘shhokimlik o‘rnatgan Fransiya termasi 1 ochko kam olgani holda, 2-o‘ringa surildi. Kuchli o‘nlikda yana bir o‘zgarish bor - 5-6-o‘rinlardagi Angliya va Urugvay termalari joyi almashdi.
Afrika Millatlar kubogi saralashi davom etayotgani hamda Madagaskar, Senegal, Tunis va Misr termalarining 16 oktyabr kuni yo‘llanmani naqd qilgani ham reytingga katta ta’sir qildi.
* Sobiq ittifoq hududi mamlakatlarining atigi 7tasi milliy jamoasi birinchi yuztalikka kirgan bo‘lib, ular orasidan O‘zbekiston termasi 6-o‘rinda qayd etildi.
Umuman, bosh jamoamiz fevral oyidagi ko‘tarilish (77-o‘rindan 72-o‘ringa)dan so‘ng ilk marta o‘z mavqei-ni yaxshilashga muvaffaq bo‘ldi. Eslatma, milliy jamoamiz fevraldan buyon 8ta o‘yin o‘tkazib, ularda 2ta g‘alaba, 2ta durang va 4ta mag‘lubiyat qayd etdi.
* Jahon reytingining dastlabki 50ta pog‘onasida OFK a’zolaridan atigi 3tasi bor. Dastlabki 100talikka qarasak, 16ta jamoa OFK oilasi vakilidir. Xullas, qit’amiz konfederasiyasining naq 17ta a’zosi reytingda 150-o‘rindan pastda. Boshqacha aytganda, OFKning FIFA reytingidagi holati yaxshi tarafga o‘zgarmayapti.
Osiyo futboli mutasaddilari shu jihatga ham alohida e’tibor qaratishsa, yomon bo‘lmasdi. Ha, OK-2019 tobora yaqinlashmoqda. Tabiiyki, OFKning 24ta vakili qit’aning har 4 yillikdagi asosiy musobaqasi startiga qadar, ya’ni chamasi 2 oy davomida o‘rtoqlik o‘yinlariga zo‘r beradi. Ehtimolki, shuning ta’sirida yangi yildan oldin vaziyat nisbatan ijobiy ko‘rinish olar.
* O‘zbekiston terma jamoasi oktyabr oyidagi 2ta g‘alaba tufayli 2 pog‘ona yuqoriladi. Xususan, vakillarimiz qatarliklarga qarshi kechgan bahsda ustun kelishgani hisobiga aynan ular bilan o‘rin almashishdi. Jamoamiz ayni payt Osiyo miqyosida 13-o‘rinda turibdi, dunyo reytingida esa 94-qatorda.
* Milliy jamoamizning antirekordi 1996 yil noyabrda qayd etilgandi - 119-o‘rin. Bemalol aytish mumkinki, Ektor Kuper davrida bu salbiy natija yangilanmaydi. Zero, milliy terma jamoamiz g‘alabali yo‘lga tushib oldi. Har holda, shundan umidvormiz.
* Oy yakunlariga ko‘ra, jahon reytingida o‘rinlar bo‘yicha Gibraltar termasi (+8 o‘rin) eng yaxshi o‘sishga erishdi, ochkolar hisobida esa, Zimbabve jamoasi eng yuqori ko‘rsatkichga erishdi. Mozambik termasi aksincha, 9 pog‘ona pastladi - eng shiddatli qulash.
Oy davomida eng katta o‘sishga erishgan jamoalar (o‘rinlar bo‘yicha)
1. Gibraltar: +8 o‘rin
2. Namibiya: +7 o‘yin
Zimbabve: +7 o‘rin
4. Misr: +4 o‘rin
Madagaskar: +4 o‘rin
Burundi: +4 o‘rin...
Oy davomida eng katta pasayishga yuz tutgan jamoalar (o‘rinlar bo‘yicha)
1. Mozambik: -9 o‘rin
2. SH.Irlandiya: -6 o‘rin
Kongo DR: -6 o‘rin
Vengriya: -6 o‘rin
Livan: -6 o‘rin
Oy davomida eng katta o‘sishga erishgan jamoalar (ochkolar bo‘yicha)
1. Zimbavbe: +24,1 ochko
2. Namibiya: +21,56 ochko
3. Isroil: +19,91 ochko
4. Gibraltar: +19,58 ochko
5. Madagaskar: +19,28 ochko
Oy davomida eng katta pasa-yishga yuz tutgan jamoalar (ochkolar bo‘yicha)
1. Mozambik: -24,47 ochko
2. Kongo DR: -23,69 ochko
3. Ekvatorial Gvineya: -19,09 ochko
4. Liviya: -15,56 ochko
5. SH.Irlandiya: -15,16 ochko
OK-2019 guruhlariga nazar. Endi FIFA reytingining so‘ngi tal-qini asosida OK-2019ning qaysi guruhida keyingi bosqichga chiqish murakkab ekanligini taxmin qilib ko‘ramiz. Bunda har bir kvartetdagi 4ta terma jamoaning jahon reytingi bo‘yicha o‘rnini umumlashtirib chiqamiz.
Aytish joiz, O‘zbekiston milliy jamoasi joy olgan guruh umumiy hisobda bir oy avvalgi holatga nisbatan 1ta yuqoriga ko‘tarildi. Chunonchi, kvartetdagi 4ta jamoa ham reytingda ko‘tarilishga erishdi.
1. «B» guruhi
O‘rtacha reyting: 81,75-o‘rin (Avs-traliya - 42; Suriya - 74; Falastin - 99; Iordaniya - 112)
2. «C» guruhi
O‘rtacha reyting: 83,5-o‘rin (J.Koreya - 53; Xitoy - 75; Qirg‘iziston - 90; Filippin - 116)
3. «D» guruhi
O‘rtacha reyting: 88,0-o‘rin (Eron - 30; Iroq - 89; Vyetnam - 102; Yaman - 131)
4. «F» guruhi
O‘rtacha reyting: 89,0-o‘rin (YAponiya - 50; O‘zbekiston - 94; Ummon - 84; Turkmaniston - 128)
5. «E» guruhi
O‘rtacha reyting: 90,0-o‘rin (S.Arabistoni - 72; Qatar - 96; Livan - 82; KXDR - 110)
6. «A» guruhi
O‘rtacha reyting: 103,0-o‘rin (BAA - 81; Tailand - 121; Hindiston - 97; Bahrayn - 113).
Yaponiya termasi 12 oktyabr kuni «Kirin» kubogi doi-rasida o‘z maydonida panamaliklarni 3:0 va 16 oktyabrda urugvayliklarni 4:3 hisobida mag‘lub etish asnosida OFK miqyosida xuddi Indoneziya jamoasi kabi eng katta o‘sishga erishdi (+4 o‘rin).
«Zalsburg» hujumchisi Takumi Minamino shu ikki o‘yinda 3ta gol urib, terma jamoaning JCH-2018dan keyingi davrdagi asosiy to‘p-urar hujumchisiga aylandi. Pim Verbek ustozligidagi Ummon termasi esa Qatarda tashkillashtirilgan ikki o‘rtoqlik o‘yinida 2ta durang qayd etdi: Filippin - 1:1 va Ekvador - 0:0.
Terma jamoaning 2017 yil 22 dekabridan buyon 4ta g‘alaba va 5ta durangdan iborat mag‘lubiyatsiz seriya ko‘rsatayotganida golkiper Ali al Habsiy («Al- Hilol») katta rolga ega. To‘g‘ri, ummonliklar 2017 yilning 14 noyabridan buyon asosan arab o‘lkasi terma jamoalari bilan kuch sinashishmoqda.
Bahrayn termasining oktyabrdagi ikki o‘rtoqlik o‘yini turlicha taassurot qoldirdi. Suriya (0:1) va Myanma (4:0) milliy termalari bilan bo‘lgan uchrashuvlar natijasi jamoa hali o‘z o‘yinini to‘liq topib olmaganini ko‘rsatmoqda.
FIFA reytingi (OFK bo‘yicha)
T|r. O‘rin Farq Terma Ochko Farq
1. 30 +3 Eron 1478 +4,27
2. 42 +1 Avstraliya 1432 +1,43
3. 50 +4 Yaponiya 1409 +11,25
4. 53 +2 J.Koreya 1401 +6,22
5. 72 -1 S.Arabistoni 1334 -3,28
6. 74 0 Suriya 1320 -1,86
7. 75 +1 Xitoy 1317 +4,41
8. 81 -4 BAA 1305 -3,18
9. 82 -5 Livan 1300 -7,61
10. 84 +1 Ummon 1287 -0,24
11. 89 0 Iroq 1270 -1,78
12. 90 +1 Qirg‘iziston 1268 +2,84
13. 94 +2 O‘zbekiston 1254 +9,18
14. 96 -2 Qatar 1248 +0,89
15. 97 0 Hindiston 1245 +1,05
16. 99 +1 Falastin 1233 +7,85
17. 102 0 Vyetnam 1220 0
18. 110 -1 KXDR 1191 -4,54
19. 112 -2 Iordaniya 1189 +0,24
20. 113 -1 Bahrayn 1182 +0,61
21. 116 -2 Filippin 1171 -1,2
22. 118 +2 Tojikiston 1161 +5,47
23. 121 +1 Tailand 1154 +10,49
24. 124 -1 Xitoy T. 1139 -0,26
25. 128 +2 Turkmaniston 1120 0
26. 131 +2 Yaman 1112 0
27. 141 -3 Myanma 1080 -12,47
28. 144 -1 Gonkong 1071 -5
29. 145 +1 Afg‘oniston 1068 0
30. 151 0 Maldiv or. 1049 +0,07
31. 157 +2 Quvayt 1020 +6,15
32. 160 +4 Indoneziya 1004 +6,89
33. 161 -1 Nepal 1001 -3,27
34. 165 +1 Singapur 991 +8,95
35. 169 +2 Malayziya 974 +2,02
36. 170 -1 Kambodja 973 -5,75
37. 181 -2 Laos 937 -9,4
38. 184 0 Makao 925 -0,39
39. 186 0 Mo‘g‘uliston 923 +1,16
40. 188 0 Butan 917 +0,03
41. 191 -1 SH.Timor 910 +0,94
42. 194 -1 Bangladesh 907 -0,5
194 -1 Guam 907 +0,22
44. 196 -1 Bruney 903 -0,28
45. 199 0 Pokiston 890 -0,37
46. 201 -2 Shri-Lanka 886 -4,22
«InterFutbol» газетаси
Холис таҳлилчи блоги
Ҳасанали ота
Ўзбекистон Миллий ахборот агентлиги
Сафарали Сиддиқов
FCB.UZ — бу «Барселона»
Mazmun.uz — барчаси футбол учун
Лутфулло Турсунов
Шуҳрат Шокиржонов
Шерзод Ражабов
Қаҳрамон Асланов
