Xabaringiz bor, Pro-liga g‘olibi “Andijon” kuni kecha yil yakuniga atab tadbir o‘tkazdi. Tadbir a’lo darajada o‘tdi. Unda murabbiylar, futbolchilar, OAV vakillari va jamoaning ashaddiy va faxriy muxlislari ham qatnashishdi. Meni tadbirda Pro-liga to‘purari, “Andijon” jamoasining o‘tgan mavsumdagi eng yaxshi “goleadori” Shahboz Jumaboyevning qatnashmagani ajablantirdi.
Ma’lumotlarga ko‘ra, futbolchi nafaqat tadbirda balki jamoaning so‘nggi yig‘inida ham ishtirok etmagan ekan.
Shahboz qayerda? Nimalar bilan band?
Mazkur savollarga javob olish maqsadida fan klub raisi Nodir aka bilan bog‘landik.
Uning aytishicha, futbolchi qo‘li og‘riyotganini bahona qilib, jamoaning so‘ngi yig‘inida ishtirok etmagan.
Ammo Shahboz qo‘li og‘risa-da, “Balon Bozor” nomli mini futbol klubida o‘ynab yuribdi.
“Nima uchun u yig‘inga kelmaydi? Kim bo‘libdi u? U qo‘li og‘riganini bahona qilib yig‘inga kelmabdi. Biroq u mini futbolda o‘ynab yuripti-ku?! Bu futbol, bu jamoaviy o‘yin. Bu kurash yoki boks emas.To‘g‘ri, u to‘purar bo‘ldi- nima endi yulduzmi? Bunda jamoadoshlarining ham hissasi katta, ba’zi vaziyatlarda unga pas berishgan, ba’zida esa penalti ishlab berishgan. Hatto, kuni kecha bo‘lib o‘tgan tadbirda ham ko‘rinmadi. U “meni taklif qilishmadi”- debdi. Yo‘q, yolg‘on uni taklif qilishgan, faqat kelmagan. Muxlislar undan xafa. Mayli mini futbolda o‘ynasin, biroq yig‘inga nimaga kelmaydi?! Undan kattalari ham kelyapti-ku, u kim bo‘libdi. Agar o‘ynashni xohlamasa ketsin. Usiz ham futbol davom etadi”, - deydi fan klub raisi.
Quyidagi rasmlarda uni "Balon Bozor" jamoasi libosida mini futbolda harakatlanayotganini ko‘rishingiz mumkin:
Ta’kidlab o‘tamiz, Shahboz o‘tgan mavsum Pro-liga to‘purari bo‘lganligi uchun Andijon viloyati hokimi tomonidan “SOBALT”avtomashinasi bilan taqdirlangan edi.
Endi bir savol tug‘iladi. Futbolchining jamoa bilan 2020 yilgacha shartnomasi bor. U mini futbolda ham o‘ynashga haqqi bormi? Agar u mini futbolda jarohat olib, PFLga “Andijon”da jarohat oldim, davolanish pulini olib bering”- deya murojaat bilan chiqsa “Andijon” futbol klubi jabrlanmaydimi?
Mazkur ma’lumotlarga aniqlik kiritish maqsadida futbolchining o‘zi bilan ham bog‘landik. Tez orada saytimiz orqali uning fikrlarini ham o‘qishingiz mumkin.
Jaloliddin
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
