Belarus chempionatining dastlabki 5ta tur o‘yinlari yakunlandi. Tribuna.com sayti ushbu mavsumda o‘zini ko‘rsatayotgan 10 futbolchi haqida ma’lumot tayyorladi. Ular orasida «Energetik-BGU» hujumchisi Jasur Yaxshiboyev ham bor. Saytning o‘zbekistonlik futbolchi haqidagi xulosasi bilan tanishtirib o‘tamiz.
Jasur Yaxshiboyev, «Energetik-BGU»
Statistika: 5 o‘yin, 3 gol, 1 uzatma
22 yoshli o‘zbekistonlik futbolchi ilk turda BATE darvozasiga 2ta gol urib, Belarus futboliga dadillik bilan kirib keldi. Keyingi turda Daniil Miroshnikovga golli uzatma bergan bo‘lsa, «Minsk»ga qarshi 3-bahsda yana bitta golga mualliflik qildi. Yaxshiboyev haqida nafaqat bizda, balki uning Vatanida ham gapira boshlashdi. O‘zbekiston futbol federasiyasi vise-prezidenti Ravshan Ermatov undan katta kelajak kutmoqda. Futbolchining o‘zi esa mavsum to‘purari bo‘lishni istamoqda. Jasur «Paxtakor»ga qaytishni istamayapti. Polshaning «Rakuv» klubi unga qiziqish bildirdi. Yaxshiboyev keyingi 2ta o‘yinda gol urmadi, «Energetik-BGU» esa har ikki bahsda yutqazdi.
Yaxshiboyev "talabalar"ning qarshi hujumga asoslangan o‘yin uslubiga ideal darajada moslashib ketdi. Deyarli barcha gollar u orqali urilmoqda. Hujumchi ajoyib dribligga ega va u bu xususiyati orqali hujumga keskinlik bag‘ishlamoqda. InStat ma’lumotlariga ko‘ra, o‘zbekistonlik legioner deyarli har bir o‘yinda o‘rtacha 11 marta raqiblarni aldashga urinib, ularning 8tasini muvaffaqiyatli amalga oshirmoqda. Belarusda hech bir futbolchi bunchalik ko‘p fint ishlatmaydi. BATE va «Minsk»ga qarshi bahslarda uning urinishlarining 90 foizi muvaffaqiyatli bo‘ldi.
Shuningdek, Jasur to‘pni juda yaxshi qabul qiladi. Ilk urinishdayoq o‘ziga tezlik olish yoki dribling ishlatish uchun qulay imkoniyatni yuzaga keltiradi.
Hozircha «Energetik»dagi yana bir o‘zbek futbolchisi Shahboz Umarov haqida bunday fikr bildirish qiyin. To‘pni qabul qilish jarayonida u nigohini to‘pga qaratgani uchun ko‘pincha uni yo‘qotib qo‘ymoqda. "Studentlar" murabbiylar shtabining aytishicha, Umarov Yaxshiboyevdan kuchliroq ekan, lekin mavsumoldi yig‘ini paytida u kasal bo‘lib qolgani uchun hozircha o‘zining bor imkoniyatini ko‘rsata olmayapti.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
