Go‘yoki, bir joyga uzoq vaqt to‘plangan suv to‘g‘onni buzib, o‘z yo‘lida katta tezlik bilan davom etgandek. Har kuni 2ta, 3ta yangi va muhim xabarlar chiqmoqda. Biz ularni jamlab, tasniflab chiqdik.
Tayinlovlar:
- "Andijon" jamoasini Viktor Kumikov qabul qilib oldi. Rossiyalik mutaxassis oldiga jamoani tezroq xavfli hududdan olib chiqib ketish vazifasi qo‘yilgan.
- "Qizilqum"da ham murabbiy o‘zgardi. Hamidjon Aktamov jamoa bosh murabbiyligidan ketgani borasida gap-so‘zlar yurgandi. "Qizilqum" PFK prezidenti Hasan Ro‘ziyevning bizga maʼlum qilishicha, jamoa Aleksandr Xomyakov bilan muzokara olib borgan. Ammo Xomyakov maʼlum vaqt taʼtilga chiqishini aytgan. Shundan so‘ng, turkmanistonlik mutaxassis Tachmurod Agamurodov bilan kelishuvga erishilgan. "Qizilqum"da ham jadvaldagi ahvoli yaxshi emas.
- "Buxoro" FKda rahbariyat o‘zgardi. "Buxoro" futbol klubining yangi bosh direktori etib futbol sohasida ko‘p yillardan beri faoliyat yuritib kelayotgan Rustamov Alisher Hikmatovich etib tayinlandi. Maʼlumot o‘rnida, Alisher Hikmatovich, 2016 yil "Buxoro" futbol klubi direktori (o‘sha mavsum jamoa 4-o‘rinni egallagan) vazifasida faoliyat yuritgan, 2019 yil "Surxon" futbol klubi bosh direktori o‘rinbosari lavozimida, hozirga qadar esa "Paxtakor" jamoasi marketing bo‘limida faoliyat olib borgan.
O‘rtoqlik o‘yinlari
Superliga jamoalari o‘zaro o‘rtoqlik o‘yinlarida maydonga tushishmoqda. Bu uzoq vaqt o‘yin amaliyotisiz qolgan futbolchilar uchun to‘p va maydonni his qilishlari uchun juda muhim.
- Nazorat o‘yini. "Lokomotiv" — AGMK 0:1.
Gol: Mirjamol Qosimov (40)
- Superliga restartiga Yangiyer shahrida tayyorgarlik ko‘rayotgan Viktor Kumikov boshchiligidagi "Andijon" jamoasi kecha birinchi liga vakili "Neftgazmontaj" klubiga qarshi o‘rtoqlik uchrashuvida maydonga tushib, 3:1 hisobida g‘alaba qozonishdi. "Andijon" safida kiritilgan gollarga Abdulloh Olimov, Farhod Bekmuratov va Baxtiyor Qosimovlar mualliflik qilishdi.
- Nazorat uchrashuvi. "Nasaf" – "Sho‘rtan" 2:1 (2:1). 06.06.2020 y. "Markaziy" stadion.
Gollar: Bobir Abduxoliqov (15), Marko Stanoyevich (27) – Shokir YO‘ldoshev (23)
- O‘rtoqlik uchrashuvi. "Qo‘qon-1912" – "Navbahor" – 2:1 (0:1).
Gollar: Shohnazar Norbekov (48), Avaz Mamatxo‘jayev (78). - Abbos G‘ulomov (25).
Superliganing qolgan jamoalari ham yig‘in va nazorat bahslarida maydonga tushishmoqda.
Yana bir holat, katta tanaffusdan keyin mashg‘ulotlarga kirishgan futbolchilarda kutilmagan jarohatlar ko‘paygan. Bu kutilgandi. Vaqt o‘tishi bilan barchasi joyiga tushib ketishi shubhasiz.
Asosiy masala chempionatni boshlab olish. Bu yo‘lda tashkilotchilarga omad tilaymiz, futbolchi va murabbiylardan esa karantir qoidalariga rioya qilib, masofani saqlab, ehtiyotkor bo‘lishlarini so‘rab qolardik. Sababi, barchasi ularga bog‘liq. Juda katta vaqt futbolsiz yashadik. Kichik xato yana bu sanani ortga surib yuborishi mumkin. Siz ham o‘zingizni asrang!!!
Zuxriddin Qilichev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
