Stadion.uz Janubiy Koreyalik muxlislarning e’tirozi va ularning tashabbusi haqida fikr almashadi.
2019 yilning iyul oyida, «Yuventus» Osiyo bo‘ylab turnega yo‘l olgan edi. Yodingizda bo‘lsa, Turin super klubi avvaliga Xitoyda, keyin Janubiy Koreyada mehmon bo‘lgan va mahalliy chempionatning eng kuchli futbolchilariga qarshi maydonda saf tortgan edi. Aynan Janubiy Koreyadagi uchrashuvdan so‘ng, stadionga tashrif buyurgan 63 ming muxlis uyiga norozi kayfiyatda yo‘l olgani ko‘pchilikning yodidan ko‘tarilib ketgan desak, adashmagan bo‘lamiz. Gap shundaki, o‘sha bahs oldida uchrashuv hamkorlari – “The Fasta” kattagina reklama bergan edi. Kompaniya, uchrashuvda Krishtianu Ronaldu kamida 45 daqiqa to‘p surishi aniq ekanligini ma’lum qilgan va shu bois uchrashuv uchun sotilgan chiptalar narxini keskin ko‘targan edi. Bunday anonsdan so‘ng, mahalliy muxlislar chiptalarni 360 yevro evaziga bo‘lsada xarid qilishni boshlashdi. Barcha Krishni maydonda ko‘rish uchun jamlandi desak, adashmagan bo‘lamiz.
Afsuski, Krish butun o‘yin davomida zaxira o‘rindig‘ida o‘tirdi. Uning maydonga tushmagani esa, ikkinchi bo‘limda muxlislarning noroziligiga sabab bo‘lishni boshladi. E’tiborlisi shundaki, o‘sha oqshomda «Yuventus»ning asosiy tarkibi maydonda to‘p surdi, ammo Ronaldu baribir o‘yinga tushmadi. Muxlislarning shovqin-suroni esa, tobora ortib bordi.
Ayniqsa, ikkinchi bo‘limda tabloda Krishning tasviri paydo bo‘lishi bilan butun stadion unga hushtak chalishni boshladi. Barcha uchrashuvdan norozi, hamma qanday qilib bo‘lsada oz noroziligini bildirish yo‘lini izlay ketadi. Koreyalik muxlislar portugaliyalik yulduzning maydonda paydo bo‘lmasligini anglagach, bor ovozlari bilan hushtak chalishni boshlashdi. Qo‘shimchasiga, deyarli 10 daqiqa davomida butun arena «Messi, Messi, Messi» deb hayqirishga tushdi. O‘sha kuni K liga yulduzlar va «Yuventus» o‘rtasidagi bahs 3:3 natija bilan yakunlangan bo‘lsada, aytarli hech kim o‘yinni tomosha qilgani yo‘q. Barcha Krishni kuta-kuta tarqalib ketdi.
O‘z maqsadlariga yeta olmagan muxlislar futbolchini mehmonxonaga qadar kuzatib keldi va uni hushtaklar bilan qarshi olishdi. Qahramonimiz o‘zini bilmaganlikka olgancha ichkariga kirib ketdi va kutish yo‘lakchasidagilarga dastxat ulasha boshladi. 90 daqiqalik futbol uchun 360 yevro to‘laganlardan biri esa, uning oldiga keldi va ochiqchasiga noroziligini bildirishni boshladi. Ronaldu esa, vaziyatdan shartta chetda chiqdi.
Koreya futbol assosiasiyasi o‘z noroziligini yashirib o‘tirgani yo‘q. O‘sha oqshom uchrashuvni stadiondan tomosha qilgan “The Fasta” kompaniyasi bosh direktori Robin Chang vaziyatga aralashish maqsadida Pavel Nedvedning oldiga boradi va Ronalduning nima uchun maydonga tushmayotgani bilan qiziqadi. Nedved esa, Krish Xitoydan Koreyagacha bo‘lgan parvoz paytida charchaganini va toliqib qolgani uchun maydonga tusha olmasligini aytadi. Robin Chang qanchalar talab qilmasin, Nedved Ronalduning qarorini hurmat qilishini ma’lum qiladi.
Uchrashuv yakunlangach, o‘sha davrdagi K ligasi jamoasi bosh murabbiy – Joze Moraish (U o‘z vaqtida Joze Mourinyoning murabbiylar shtabida ish olib borgan. Ronaldu bilan «Real»da birga ishlagan.) uchrashuvdan so‘ng, oz fikrlari bilan o‘rtoqlashadi.
«Men o‘yindan so‘ng, Ronaldu bilan uchrashdim. U tig‘iz taqvim sababli charchab qolganini aytdi. Shu bois, o‘yinda ishtirok eta olmadi.»
Bunday oqlov Janubiy Koreyalik muxlislarga manzur kelgani yo‘q. Ular o‘z noroziliklarini hali-hamon bildirishmoqda. Birinchilardan bo‘lib eng qimmat sektordan chipta xarid qilgan ikkita muxlis “The Fasta”ni sudga berdi va yutib chiqdi. Ular chipta narxining 50 foizi va ma’naviy zarar uchun 44 dollardan undirishdi. Ularning sudda yutib chiqishganini ko‘rgan yana 168 ta muxlis ham sudga murojaat etishga qaror qildi. Ayni damda, sud barcha jarima pullarini va chiptaning 50 foiz pulini “The Fasta”dan undirib bermoqda.
Chiptalarini barchasi ortga qaytarilsa ham “The Fasta” jarima to‘lashga majbur bo‘ladi. Xo‘sh, ular «Yuventus» jamoasini bo‘lib o‘tayotgan voqeada aybdor sanab sudga beradimi? O‘zi shundoq ham Turin klubi o‘sha uchrashuvda Ronaldu ishtirok etmagani uchun 11,5 million yevro zarar ko‘rishdi. Katta ehtimol bilan. “The Fasta” uzoq yillik qadrdonlari bilan qandaydir bir million uchun sudlashmasa kerak. Shunday bo‘lsada, Janubiy Koreyalik muxlislar o‘zini aldangandek his etishmoqda. Tez orada sudga murojaat etuvchilar soni keskin ortib ketishi ham hech gap emas.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
