So‘nggi kunlarda jahon futboli olamidagi eng trenddagi yangiliklardan biri "Barselona" klubi bosh murabbiyi Ronald Kumanning iste’foga chiqarilishi haqida xabarlar bo‘lmoqda.
Shu o‘rinda aytish joiz, Kumanga qoyil qolish kerak. Jamoaga kelgan paytni eslang, Bartameu va Messi o‘rtasidagi haqiqiy "jang" bo‘layotgan vaqtda qo‘rqmay bir paytlar o‘zi to‘p tepgan jamoasiga murabbiy bo‘lib keldi. Pedri kabi yosh futbolchilarni kashf etdi, ularga imkon berdi. Jamoani qisman yangilashga muvaffaq bo‘ldi. Ammo, hali murabbiylikda top klub darajasida emasligi ko‘rinib qoldi.
Murabbiy o‘rniga juda ko‘plab nomzodlar nomi ilgari surilyapti. Har soatda yangi variantlar paydo bo‘lmoqda. Biz mana shu nomzodlar ichida bu lavozimga eng yaqin turganlarini va ularning "Barselona"ga qanchalik mos kelishi haqida to‘xtalib o‘tmoqchimiz.
Muxlislar istagi
Xavi – klub afsonasi, murabbiylikda ham ko‘p narsalar kutilayotgani va kataloncha tizimni yaxshi bilgani uchun bu joyga munosib. Uni muxlislar hurmat qilishadi, o‘zgacha qadrlashadi. Xavidan Zidandek buyuk natijalar olib kelishiga ishonishadi. Chunki ispaniyalik afsona hech qachon Katalon muxlislarining ishonchini suiste’mol qilmagan. Sobiq futbolchining klubiga qaytishiga yagona to‘siq uning katta jamoalar bilan ishlamagani bo‘lishi mumkin.
Ekspertlar tanlovi
Konte – qattiqqo‘l, aniq bir uslubga tayanib o‘yin quradigan malakali mutaxassis. Shuningdek, mutaxassislar tarkibdagi deyarli barcha futbolchilar italyan murabbiyining uslubiga mos tushadi deb o‘ylashmoqda. Ya’ni, agar Antonio Kataloniya klubiga kelsa, Kumandek qiyinchilikka duch kelmaydi. Yana Konteni qiyin holatda bo‘lishiga qaramasdan, "Chelsi" va "Inter" kabi jamoalarni chempion qila olganini ham unutmaslik kerak. Hozir "ko‘k-anorranglilar" ham xuddi o‘sha jamoalardek qiyin vaziyatda. Ammo, bu tanlov klub prezidenti Joan Laportaga yoqmayapti.
Rahbariyat xohishi
Roberto Martines – taktik sxemalar borasida aynan uning qarashlari hozirgi "Barselona"ga juda mos kelishi mumkin. 4-2-3-1, 4-3-3 hamda 3 ta himoyachi va 2 ta chalg‘ituvchi loterallar bilan harakatlanishni xush ko‘ruvchi mutaxassis rahbariyat tomonidan asosiy nomzod qilib ko‘rsatilgan. Xavining murabbiylikda Yevropa futbolidagi tajribasizligi, Kontening qaysarlik va yuqori maoshini hisobga olsak, balki Martinesni yaqin orada Kataloniyada ko‘rib qolishimiz mumkin.
Noodatiy variant
Yoaxim Lyov – Germaniya terma jamoasining to‘xtatib bo‘lmas deya ta’riflangan avlod bosh murabbiyi. Uning salohiyati yuqori ekanligi aniq. Muhimi, u qo‘lidagi cheklangan mahsulotdan maksimal foydalana oladi. Har holda, terma jamoadagi ko‘p yillik faoliyati bu borada katta dars bo‘ldi deya olamiz. Ayniqsa, yoshlar bilan ishlash – Lyovning ustun tomoni.
2017 yil Rossiyada o‘tgan Konfederasiyalar kubogi ko‘pchilikning yodida bo‘lsa kerak. Ikkinchi tarkib deya katta natija kutilmagan bir vaqtda, Lyov nemis yoshlari bilan turnirni zabt etgandi.
Bu shunchaki lavozimga eng yaqin turgan insonlarning jamoaga qanchalik to‘g‘ri kelishi haqidagi fikrlar edi. Xo‘sh, sizning fikringiz qanday?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
