Bilasiz, jahon futbolida har kuni yangidan-yangi rekordlar qayd etiladi. Kimdur gollar soni bo‘yicha, yana kimdur esa quruq o‘yinlar borasida rekordlarni yangilaydi. Futbolda yana shunday natijalar borki ularni yangilash juda mushkul. Bugungi maqolamizda sizlarga mana shunday rekordlar haqida ma’lumot berishga harakat qilamiz.
3 karra jahon chempionligi
Futboldagi dastlabki rekordlarning ko‘pchiligi braziliyalik "futbol qiroli" Pelega tegishli ekanini deyarli ko‘pchilik biladi. U rasman butun faoliyati bo‘yicha eng ko‘p gol urgan futbolchi (1283ta gol) bo‘libgina qolmay, tarixda jahon chempionatida 3 bor g‘olib bo‘lgan (1958,1962,1970) yagona o‘yinchi ham hisoblanadi. Uning karyerasidagi qanday rekord bo‘lmasin yangilab kelayotgan ikkovlonning kuchi (Messi, Ronaldu) aynan mana shu borasida yetmasa kerak. Chunki, ularning hisobida hali birorta ham jahon kubogi yo‘q.
1 kalendar yilida 91ta gol
Argentinalik haqiqiy afsona Lionel Messining eng "quturgan" davridagi yangilash mushkul bo‘lgan rekordlardan biri 2012 yilgi mavsumga to‘g‘ri keladi. Argentinalik hujumchi mavsum davomida 69 uchrashuvda maydonga tushib, 91 bor raqiblar darvozasiga yo‘l topadi (79 gol "Barselona" tarkibida, 12 gol Argentina terma jamoasida). Bu natija bilan u bir kalendar yili davomida eng ko‘p gol urgan Gerd Myullerning rekordini yangilaydi. Bilmadim, hozirgi kunda uning natijasini Mbappe yoki Xoland yangilamasa, boshqa hech kim bunday sermahsullikni qayd eta olmasa kerak.
9 daqiqa ichida 5 gol
Polshalik "terminator" Robert Levandovski ham tarix sahifalariga o‘z ismini deyarli o‘chmas qilib yozib qo‘ya olgan hujumchi hisoblanadi. 2015 yil Bundesliga doirasidan o‘rin olgan "Volfsburg"ga qarshi o‘yinda Robert zahiradan maydonga tushuriladi va qandaydir 9 daqiqa (51,52,55,57,60) ichida 5 gol urib, mag‘lub bo‘layotgan "Bavariya"ga super g‘alaba taqdim etadi. Shuningdek, futbolchi jahon tarixidagi eng tezkor xet-trik va penta-trik muallifiga aylanadi.
Milliy terma jamoa safida 10ta xet-trik
Yaqindagina afsonaviy Ali Daidan (Eron) terma jamoa tarkibida eng ko‘p gol urgan (109ta gol) futbolchi nomini olib qo‘ygan Krishtianu ko‘p o‘tmay yana bir super natijani qayd etdi. Gap shundaki, JCH-2022 saralash uchrashuvlaridan o‘rin olgan Portugaliya va Lyuksenburg uchravida Ronaldu o‘z hisobiga 3ta gol yozib qo‘yadi va o‘z mamlakati termasi safida xet-trik qayd etish (10ta) borasida jahon rekordini o‘rnatadi. Uning eng yaqin taqibchisi yana o‘sha eronlik Ali Dai hisobida 8ta, Messi va Peleda esa 7tadan xet-trik bor.
Bugun sizlarga futbolda uddalash deyarli imkonsiz bo‘lgan rekordlar haqida ma’lumotlar berdik. Xo‘sh, siz ham bunday voqealarni bilasizmi?
Abduburxon Mamajonov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
