Chempionlar Ligasi guruh bosqich 4-tur doirasida «Bavariya» o‘z maydonida «Benfika» klubini qabul qildi va 5:2 hisobida g‘alaba qozondi.
Uchrashuvda Robert Levandovski xet-trikka erishgan bo‘lsa, Gnabri va Sane ham o‘z nomlarini tabloga yozdirib qo‘yishdi. Mehmonlar safida Moreta va Nunes gol urishdi.
Uchrashuvning eng yaxshi futbolchisi deb topilgan Levandovski bahsdan keyin quyidagicha fikr bildirdi.
"Penaltini yomon amalga oshirdim, bu mening xatoim. Darvozabon qaysi tomonga sakrayotganini ko‘rgan bo‘lsamda, to‘pni noto‘g‘ri burchakka yo‘naltirdim. Yaxshiyamki, biz bir necha gollar urgan holda uch ochkoni qo‘lga kiritdik. Yana bir ishonchli g‘alaba. Birinchi 20 daqiqa davomida to‘pga deyarli teginmadim. Hujunchi sifatida sabrli bo‘lish oson emas. Birinchi goldan keyin vaziyat biroz yumshadi. Bugun eng sevimli golim bu ikkinchi bo‘ldi. O‘tkazib yuborgan ikki goldan achchiqlandim. Bu bizga motivasiya berdi. Ayniqsa, bu Noyer uchun muhim".
«Bavariya» bosh murabbiyi Yulian Nagelsmann: "Bugun quvnoq o‘tdi. Bu biz tomondan ko‘rsatilgan juda ham yaxshi o‘yin edi. Bugun shuni tushunib yetdimki, ko‘plab ishqibozlar bilan bahs yanada quvnoq o‘tadi. Ikki golda qanday turli xil himoyalanishimiz kerakligi haqida gaplashdik".
«Bavariya» sobiq hujumchisi Mario Gomes Levandovski haqida: "U boshqa sport bilan shug‘ullanmoqda. U boshqa ligada. Uning ixtiyorida yana bir necha yil bor va Levandovski ularni (Messi va Ronaldu) quvib o‘tishi mumkin".
«Bavariya» ustozi Yulian Nagelsmann Leroy Sane haqida: "U juda ajoyib formada deb o‘ylayman. Unda ko‘plab zo‘r imkoniyatlar bo‘ldi. Ikkinsi bo‘limda uch nafar futbolchini aldab o‘tgani ishonib bo‘lmas darajada yaxshi edi. Shunday ekan, ishqibozlar juda ko‘plab vaziyatlardan rohatlangan bo‘lishardi".
«Benfika» bosh murabbiyi Xorxe Jezus: "Bugungi o‘yindan yaxshi narsalarni qoldirdik. O‘yinchilarimiz kutilganidek yaxshi harakat qilishmagan bo‘lishsada, o‘zlarini yaxshi tutishdi. Bu og‘ir natija demagan bo‘lardim. «Bavariya» o‘z darajasini ko‘rsatdi, ammo bu oson emas.
Ular deyarli har doim to‘rt yoki beshta gol urishadi. Bu yerdan qoniqmagan holda ketyapmiz, biroq, bu yerda ikkita gol urish normal holat emas. O‘z strategiyamiz uchun yaxshi narsalarni qoldirib ketyapmiz".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
