Italiya terma jamoasi JCH-2022 saralash bosqichi pley-off o‘yinida o‘z maydonida Makedoniyaga qarshi o‘yin o‘tkazdi va 0:1 hisobida imkoniyatni boy berdi. Shu tariqa Qatardagi jahon chempionati Yevropaning hozirgi eng yaxshi jamoasisiz bo‘lib o‘tadi.
Shu tariqa, Yevropaning amaldagi chempioni hisoblangan Appenin oroli vakillari ketma-ket ikkinchi marta Mundialdan mosuvo bo‘ldi. Ammo ko‘hna qit’aning eng yaxshi jamoasi nomini qo‘lga kiritgan terma jamoalar jahon chempionatiga chiqa olmasligi Yevropa futboli tarixidagi birinchi holat emas. Shu bois bugun yuqoridagi holatlarga o‘xshash barcha voqealarni eslab o‘tishga qaror qildik.
Italiya
Yevropa chempioni: 2020
Jahon chempionatini o‘tkazib yuborgan: 2022
O‘tgan bir necha yil ichida Italiya terma jamoasi o‘z natijalari bilan jamoatchilikni lol qoldirdi. «Adzurrilar» 15-20 yil oldingidek yulduzli terma jamoa emas edi, ammo Roberto Manchini bu futbolchilardan haqiqiy yulduzli jamoa shakllantira oldi.
Ularning mag‘lubiyatsiz seriyasi nihoyatda uzoq davom etdi. Bu faqat Yevropa chempionatidan so‘ng yakunlandi.
Koronavirus tufayli qoldirilgan Yevro-2020 musobaqasida italiyaliklar o‘z guruhidan osongina pley-offga yo‘l oldi va finalgacha chiqa olishdi. Appenin oroli vakillari yakuniy bahsda Angliya terma jamoasini penaltilar seriyasida mag‘lub etib, keyingi Yevropa chempionatigacha qit’aning eng yaxshi jamoasi nomini qo‘lga kiritishdi.
Mundial uchun yo‘l italiyaliklarga omadli boshlandi. Ular Shimoliy Irlandiya, Litva va Bolgariyani mag‘lub etib, jahon chempionati yo‘llanmasi uchun kurashni ishonchli boshladilar. Ammo Manchini shogirdlari keyinchalik Florensiyada Bolgariya va Shveysariya bilan kutilmaganda durang o‘ynashdi.
«Adzurrilar» uchun haqiqiy omadsizlik oxirgi turda bo‘ldi. Italiya Belfastda g‘alaba qozonishi kerak edi, ammo durang o‘ynab, JCHdagi o‘z o‘rnini Shveysariyaga bo‘shatib berdi.
Ular endi JCHga aylanma yo‘llar orqali chiqishlari talab etilardi. Italiya pley-offda qanday jamoa bilan o‘ynashi noaniq edi. Qur’adan keyin barchasi aniq bo‘ldi. Ular birinchi o‘yinda kuchsiz raqib bilan, ikkinchisida esa kuchli raqib bilan to‘qnash kelishlari kerak edi.
Ammo «kuchsiz» Shimoliy Makedoniya Yevropa chempionlarini mag‘lub etdi. Shu tariqa Italiya o‘z tarixida birinchi marta ketma-ket ikkinchi jahon chempionati yo‘llanmasidan quruq qoldi.
Daniya
Yevropa chempioni: 1992 yil
Jahon chempionatini o‘tkazib yuborgan: 1994 yil
Daniya termasining 1992 yilgi Yevropa chempionatidagi g‘alabasi ko‘pchilik uchun kutilmagan natija hisoblanadi. Daniyaliklar o‘sha turnirda umuman ishtirok etmasligi mumkin edi, ammo bu safar «sport siyosatdan tashqarida» iborasi o‘z kuchini ko‘rsatdi.
Yugoslaviya parchalanib ketganligi sababli, bu jamoaning Yevrodagi o‘rnini aynan Daniya egalladi va keyinchalikular musobaqada g‘alaba qozonishdi.
1994 yil AQSHda bo‘lib o‘tgan jahon chempionati saralashida Daniya juda yaxshi o‘yin ko‘rsatdi. Ular 12 ta o‘yinning yettitasida ketma-ket g‘alaba qozonishgan, ammo daniyaliklar ikki bor Irlandiya bilan durang o‘ynashgani jamoaga pand berdi.
Chunki so‘nggi turda «qizil-oqlar» ispanlarga yutqazib qo‘yishdi (guruhdagi yagona mag‘lubiyat) va qo‘shimcha ko‘rsatkichlarga ko‘ra irlandlardan ortda qolib ketib, Mundialdan quruq qoldi.
Shunday qilib, Ispaniya va Irlandiya terma jamoalari guruhda birinchi va ikkinchi o‘rinlarni egallab, jahon chempionatiga yo‘l olishgan. Daniya esa...
Gresiya
Yevropa chempioni: 2004 yil
Jahon chempionatini o‘tkazib yuborgan: 2006 yil
Portugaliyadagi Yevropa chempionatida Gresiya terma jamoasi barcha futbol muxlislarini lol qoldirdi.
Ular birinchi marta Portugaliyani ochilish o‘yinida mag‘lub etishdi. Keyinchalik, esa bu jamoa ustidan yana g‘alaba qozondi, lekin bu uchrashuv final bahsi edi.
Greklarning pley-offdagi taktikasi himoyaga asoslangan edi va ular kamdan-kam holda hujumga o‘tishgan. Ammo bu Gresiya uchun juda yaxshi natija berdi. Pley-offdada 3 ta o‘yin, 1:0 hisobida 3 ta g‘alaba va Yevropa chempionligi.
Greklar Germaniyada bo‘lib o‘tadigan jahon chempionatiga saralash bosqida nisbatan teng kuchli guruhdan joy oldi. Birinchi o‘rin uchun yaqqol favorit yo‘q edi. Ushbu kvartetda Gresiyaga o‘yin darajasi bir xil bo‘lgan jamoalar - Daniya, Turkiya va Ukraina raqib bo‘lishdi.
O‘sha yillarda Ukraina guruhda g‘alaba qozonib, jahon chempionatiga yo‘llanma olganini ko‘pchilik yaxshi eslashadi. Ammo Gresiya barcha o‘yinlarning 3 tasida g‘alaba qozonganiga qaramay, Ukrainadan to‘rt ochko va ikkinchi o‘rindan joy olgan jamoadan ikki ochko ortda qolgan holda bor-yo‘g‘i uchinchi o‘rinni egallagan. Shu tariqa Gresiya ham amaldagi Yevropa chempioni bo‘la turib, Mundial yo‘llanmasidan mosuvo bo‘lgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
