"Nasaf" yaxshi klub. Berdiyev jamoasi ketma-ket ikkinchi o‘yinda ham mezbon saudiyaliklardan har jabhada ustun o‘ynadi. Ammo zamonaviy futbolda bu hali g‘alaba degani emas.
"Nasaf" uchun eng katta yo‘qotish Toshkentdan boshlangandi. Sezayotgan bo‘lsangiz, Sherzod Nasrullayevning o‘rni juda sezilmoqda. U himoyachi bo‘lishiga qaramay, hujumga rang-baranglik taqdim eta olardi. Bu bilan Alibek Davronov yaxshi o‘ynay olmayapti, degan fikrdan yiroqman. Aksincha, mana shu yosh yigitga qoyil qolish kerak. Ha, u tajribasiz. Ammo maksimum harakat qilyapti, ishtiyoq, tezlik bobida xursand qilayotgani ham rost. Katta futbolchiga aylanishi uchun unga vaqt kerak.
Men hozir boshqa ikki futbolchiga e’tibor qaratishni istardim — Husayn Norchayev va Oybek Bozorov. Chunki ular aynan 2022 yilda katta futbolchiga aylanishlari kutilgandi. Ammo bunday bo‘lmayapti. Ortda qolgan 4 ta uchrashuvda ular o‘yinni o‘zlariga ola bilishmadi.
Bu yerda murabbiyga biror narsa deb bo‘lmaydi. Chunki taktik jihatdan "Nasaf" barcha o‘yinlarda raqibidan yaxshiroq bo‘layotgani fakt, murabbiy ularga o‘ynash imkonini to‘laligicha beryapti. Gap faqatgina futbolchilarning individual mahoratida qolgan. Buning uchun esa ular o‘z ustida ishlashi kerak. Murabbiy ularning o‘rnida to‘pni to‘xtatib bermaydi, ularning o‘rnida mahorat ko‘rsata olmaydi, ularning o‘rniga maydonga tushishga haqli emas.
O‘zbekistonda Norchayev va Bozorov singari yuzlab umidli futbolchilar bo‘lgan. Ular shunchaki mashhur va umidli bo‘lib, o‘zimizning futboldagina nom chiqarib o‘tib ketishgan. Bu ikki yigit shundaylar safiga qo‘shilib qolmaslik uchun o‘z o‘yinlariga qo‘shishlari kerak. Chunki "Nasaf"ning muvaffaqiyati bugun aynan ularga bog‘liq bo‘lib turibdi. Katta futbolchilar shunday o‘yinlarda sinaladi. Katta futbolchilar hech bo‘lmasa biror o‘yinda burilish yasaydi. Istardimki, ular kelasi ikki turda jamoani shu vaziyatdan olib chiqishsin.
"Nasaf" xursand qilayotgan eng asosiy jihat — saviyamizni bir qadar yuqori ko‘rsatayotgani. Masalani tahlil qila olmaydigan ayrimlar har qanday mag‘lubiyatdan keyin darhol bolalar futboli yoki chempionat haqida gap ochadi. Aslida Superliga kuchsiz musobaqa emas. Shunchaki futbolchilar ham o‘z oldiga maqsad qo‘yishi, intilishi, o‘sishi, o‘z ustida tinmay ishlashi shart. Bugungi futbolga shu kerak. Taktik yoki boshqa taraflama esa shukrki, raqiblardan umuman ortda emasmiz.
"Nasaf"ga kelasi turlarda ham omad. Biz bu futbolchilarga muxlislik qilishda davom etamiz.
Diyor Imomxo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
