2-10 may kunlari Gresiyaning Iraklion shahrida yoshlar o‘rtasida navbatdagi dunyo birinchiligi o‘tkazildi. 62 mamlakatdan 300 nafardan ortiq yosh og‘ir atletika yulduzlari qatnashgan musobaqada hamyurtlarimiz munosib ishtirok etib, 5 ta oltin, 5 ta kumush va 2 ta bronza medallarini qo‘lga kiritishdi.
Keling, avvalo ushbu musobaqada qatnashgan sportchilarimizning qayd etgan natijalariga to‘xtalsak. Musobaqada ishtirok etgan 6 atletimizning 5 nafari medal qo‘lga kiritdi. Bu esa Iraklion safariga eng optimal tarkib yo‘l olganini ko‘rsatmoqda.
-55 kg: Jamila Panfilova (2 ta bronza)
-73 kg: Og‘abek To‘xtayev (4-o‘rin)
-89 kg: Hojiakbar Olimov (1 ta kumush)
-102 kg: Sharofiddin Amriddinov (2 ta oltin, 1 ta kumush)
-87 kg: Tursunoy Jabborova (3 ta oltin)
+109 kg: Mirhosil Mirzaboyev (3 ta kumush)
Ushbu natija bilan 62 davlat ichida umumjamoa hisobida uchinchi o‘rinni qo‘lga kiritdik.
Rekordlar. Musobaqa davomida 4 nafar sportchi 5 ta yoshlar toifasidagi jahon rekordini yangilashga muvaffaq bo‘ldi. Ukrainalik Bogdan Xoza -109 kg vazn toifasining dast ko‘tarish mashqida dastlab 191 kg bilan musobaqagacha rekordni yangilagan bo‘lsa, keyingi urinishda 195 kg bilan o‘z ko‘rsatkichini mustahkamladi. Qoidaga ko‘ra, har ikki chiqish ham yangi rekord sifatida qayd etilgan. Musobaqada yangilangan barcha jahon rekordlari:
-61 kg: Xempton Morris (AQSH) – 160 kg (yangi rekord), siltab ko‘tarish (mashq);
-73 kg: Rizqi Juniansyax (Indoneziya) – 156 kg, dast ko‘tarish;
-109 kg: Bogdan Xoza (Ukraina) – 191 kg, dast ko‘tarish;
-109 kg: Bogdan Xoza (Ukraina) – 195 kg, dast ko‘tarish;
+109 kg: Alirizo Yusufiy (Eron) – 239 kg, siltab ko‘tarish.
Eng yaxshilar. Og‘ir atletika sportida eng yaxshi sportchilar ular qayd etgan ko‘rsatkichning toifadagi standartlarga nisbati va bir qancha shunga o‘xshash yo‘nalishlar inobatga olingan holda aniqlab olinadi. Bu borada qizlar o‘rtasida 55 kg vaznda belgiyalik Nina Sterx, yigitlar toifasida esa ikki jahon rekordi muallifi Bogdan Xoza musobaqaning eng yaxshi sportchisi deb topildi.
Shu tariqa, Irakliondagi chempionat yuqori natijalar bilan tarixda qoldi. Unda ishtirok etgan terma jamoamiz 12 mayga o‘tar kechasi 01:05 da Istanbul-Toshkent yo‘nalishi bilan Islom Karimov nomidagi Toshkent xalqaro aeroportiga yetib keladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
