«Lokomotiv» (Moskva) sobiq prezidenti Ilya Gerkusning fikricha, Rossiya futboli hozirgi holatda Osiyoga yuzlanishi kerak.
Har holda, xalqaro turnirlardan chetda qolish yaramaydi, mutasaddilar mamlakat futbolining keyingi taqdiri va rivojlanish strategiyasini o‘ylashlari shart.
- «Telegram»da RFIning OFKga o‘tishi yuzasidan faol tashviqot olib boryapsiz. O‘zi Osiyoda rus futbolini qabul qilishadimi, kutishyaptimi?
- Ayni shu yo‘nalishda ishlash kerak. OFKda 47ta a’zo bor va ularni ishontirish talab etiladi. Menimcha, bu - real mavzu. Deylik, Markaziy Osiyoda kamida 4ta tarafdorimiz mavjud. Qolaversa, Xitoy, Mo‘g‘uliston, Eron, Suriya, KXDR, Vyetnam va Kambodja ham bizga xayrixoh. Yana Hindiston bilan oramiz yaxshi. Qisqasi, ittifoqchilarimiz yetarli.
- Ammo Yaponiya ham bor...
- Aytaylik, Yaponiya va Avstraliya qarshi chiqar, Janubiy Koreya ham. Lekin konfederasiya a’zolarining yarmidan rozilik olinsa, kifoya qiladi. Arab mamlakatlari ham ko‘p jihatdan biz tomonda.
- OFKga qo‘shilish ixtiyoriy ravishda past saviyaga o‘tish emasmi?
- Afsuski, hozir hech qayerda emasmiz. Hech narsasiz qolish yaxshimi yoki Osiyoda o‘ynash? Agar Yevropa va Osiyo o‘rtasida tanlov bo‘lganida, boshqa gap edi.
- Vyacheslav Koloskov so‘zlaridan iqtibos: «Osiyoda pul yo‘q, parvozlar hajmi katta, e’tibor past. Shunday ekan, bu masala muhokamaga arzimaydi»...
- Birinchidan, OCHL darajasida parvozlar qisman qisqartirilgan. Ikkinchidan, logistika borasida katta muammoga yo‘liqmaymiz. Jamoalar hududlarga asosan, guruhlarga bo‘linadi. Ya’ni deylik, Avstraliya tomon uchishga to‘g‘ri kelmaydi.
- G‘oya moliyaviy jihatdan qanchalik foydali?
- Ha, mukofot puli Yevropadagidan ancha kam. Ammo Yevropada hozir hech vaqo olmaymiz-ku.
- Rossiya termasining Osiyo jamoalariga qarshi o‘yinlari yurtimizda qiziqish uyg‘otadimi?
- Qiziqarli o‘yinlar yo‘q emas. Masalan, O‘zbekiston termasi bilan. Har holda, qo‘shnilarmiz. Eron termasi bilan uchrashish qiziq emasmi? Yaponlarga qarshi o‘ynashchi?
- Rossiyada OCHL o‘yinlarini tomosha qilisharmikan?
- Nega ko‘rishmas ekan? Taqvimdagi bo‘shliqni qanday to‘ldiramiz? Ha, bunday o‘yinlar klublarga katta daromad keltirmaydi. Boshqa tomondan, ittifoq davrida jamoalarimiz tez-tez turnega chiqib, obro‘-e’tibor qozongan. Ya’ni futbol barchani birlashtiradi. An’analarni qayta tiklash mumkin. Qolaversa, Osiyodan eng kuchli futbol davlati bo‘lib chiqsak, yomonmi? O‘zimizni hurmat qilishimiz, anglashimiz zarur. Yevropadagi saviyamizni bilamiz-ku.
Manba: sport-express.ru,
M.PO‘LATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
