"Manchester Yunayted" kuni kecha Madrining "Real" klubidan yarim himoyachi Karlos Kazemironi sotib olganini ma’lum qilgandi. Ushbu xarid "qizil iblislar" uchun jami 70 million yevroga tushadigan bo‘ldi. Bunda 60 million yevro to‘g‘ridan-to‘g‘ri, 10 millioni yesa bonuslar shaklida to‘lab beriladi. Kazemiro "MYU"ning yozdagi to‘rtinchi xaridiga aylandi. Endilikda braziliyalik futbolchi klubdagi yeng ko‘p maosh oladigan vakillardan biriga aylandi. U bu borada Krishtianu Ronaldu hamda David De Xeadan keyin uchinchi o‘rinni band etdi. Qayd yetilishicha, Kazemironing haftalik maoshi 350 ming funt-sterlingni tashkil etadi. Bu yesa salkam yarim million yevro deganidir.
Besh marta YECHLda g‘olib chiqqan futbolchi "Real"da "MYU"dagi maoshining yarmiga ishlar yedi. Erik ten Xag esa Kazemiroga katta umid bog‘lagan. Albatta, shuncha pul olganidan keyin futbolchi o‘z xizmatini sidqidildan bajarishi va jamoaga maksimum foydali bo‘lishi kerak. Chunki uning yangi jamoasi katta muammolar girdobida qolgan. "Manchester Yunayted" APLning so‘nggi o‘rinida va uni uchinchi turda "Liverpul" bilan bahs kutib turibdi. Shunday bir paytda klub, katta narxga Kazemironi xarid qildi. Ten Xag esa bu ish berishiga ishonadi. Lekin masalaning boshqa tomoni ham mavjud: Kazemiro 30 yoshda. Hozircha, esa "MYU" bu omilga e’tibor qaratayotgani yo‘q. Rahbariyat hozir qanday qilib bo‘lmasin, klubni bu "botqoqlik"dan olib chiqib ketish payida. Bir tomondan transfer to‘g‘ri amalga oshirildi. Chunki 30 yoshlarda ham APLda yuqori darajada harakat qilish mumkin.
Bu haqida "Manchester Yunayted"ning Twitter'dagi muxlisi shunday yozadi: "Kevin De Bryuyne Kazemirodan katta bo‘la turib, "Manchester Siti" bilan 2025 yilga qadar mo‘ljallangan shartnom imzoladi. Qaysidir odam fubolchining yoshini aytib, negativ fikr bildirganini eslay olmayman. Ammo shu kabi holat "MYU"da yuz bersa, hamma birdan qo‘zg‘aladi. Tushunmayman, nega bu klubda arzimas narsalar, katta muammoga aylantiriladi?".
"Qizil iblislar" yoz bo‘yi amalga oshirgan transferlari ham tanqid qilinib kelinayotgandi. Bunga, yeng avvalo kam futbolchi sotib olingani sabab bo‘lgan. Jamoa ikki himoyachi (Lisandro Martines, Tirell Malasiya), hamda yarim himoyachi (Kristian Eriksen) xarid qildi. Bu yesa gigant va boz ustiga, xaridlarga muhtoj jamoa uchun yetarli bo‘lmaydi, albatta.
"MYU"ga alam qiladigan voqea ham yuz berdi. Klub qariyb uch oy davomida "Barselona"dan Frenki De Yongni sotib olishga urindi. Ammo futbolchining o‘zi bu taklifga ko‘nmadi. Natijada esa, Kazemiro olib kelindi. Ayni damda De Yong uchun "Chelsi" asosiy da’vogar bo‘lib turibdi. Biroq, De Yong haliyam hech qayerga ketmoqchi yemas. Negaki, "Barsa" undan 20 million funt qarz. Bu qarz uzilishi uchun esa vaqt kerak.
"MYU" bosh murabbiyi Erik ten Xag boshqa xaridlarni ham amalga oshirishni o‘ylamoqda. Ular ichida "Napoli" vakili Irving Losano hamda "Atletiko" yarim himoyachisi Yannik Karraskolar bor.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
