"Manchester Yunayted"ning ahvolini tangligi bor gap. Jamoa 3 tur oldidan 19 o‘rinni band etib turibdi. Keyingi bahs esa "Old Trafford"da, "Liverpul"ga qarshi kechadi. O‘yin oldidan Erik ten Xag o‘z fikrlarini bildirib o‘tdi. Quyida mutaxassisning gaplari keltirib o‘tiladi.
"Umid qilamanki, jamoamiz futbolchilari natijadan g‘azabda va bu jahl ularga "Liverpul"ga qarshi bahsda yordam beradi. Ammo bir-biridan va o‘zidan jahl qilish, futbolchilarga yordam bermaydi. Men jamoaning yomon o‘yinini ko‘rganimda xafa bo‘ldim. Negaki, bu mening o‘lchovlarimga to‘g‘ri kelmaydi. Bu "MYU"ning standartlari emas. Shu sabab biz vaziyatni o‘zgartirishimiz kerak. Futbolchi sifatida siz jamoa uchun boringizni berib kurashishga majbursiz. Shunday qilmagan o‘yinchilar esa jamoada qolishga haqli emas".
3 turda "Vest Xem"ning mag‘lubiyati "MYU"ni 19 o‘ringa ko‘targan edi. Bugun "Liverpul"ga qarshi bahsda g‘alaba qozonish orqali jamoa ancha yuqorilash imkoniyatiga ega bo‘ladi.
Erik ten Xag o‘z fikrini davom ettirar ekan jumladan shunday deydi: "Men bu yerga o‘zimni o‘ylab kelganim yo‘q. Men klubdagi ahvolni o‘nglash va hammasini o‘zgartirish uchun shu yerdaman. Men Angliyaga kelishdan oldin qayerga kelayotganimni yaxshi bilardim. Men shuni xohladim. Qiyinchiliklardan qochmayman va bu ishimizning bir qismi ekanini bilaman. Bu yerdagi ishimiz katta loyiha va u jarayonlarni o‘z ichiga oladi. Uzoq vaqt talab ketilgani sababli, sabr qilishimiz kerak. Shu jumladan men ham chidam bilan atrofdagilar bilan hamkorlik qilaman va futbolchilarni tayyorlayman. Mag‘lubiyatlar uchun avvalo men javobgarman. Biz bir jamoamiz va birga yutib, birga yutqazamiz. Qachonki, futbolchilar yetakchilari ichida muammo chiqsa, ularni to‘g‘irlashga mas’ul aynan men bo‘laman. Doimo liderlar guruhi bilan ishlayman va bir kishida qolganlaridan ustun ko‘rmaganman".
"Mavsumoldi bahslari yaxshi kechgandi. Ammo APLdagi natijalar yomon. Buni qabul qilish qiyin, albatta. Hamma mavsumoldi o‘yinlarida jamoamiz potensialini ko‘rdi. Hozir esa o‘sha kuchni birgalikda yana qaytarishimiz kerak. Bizda top-futbolchilar bor. Bunga shubha yo‘q. Ammo futbolda hammasi siz o‘ylaganingizdek kechmaydi. Negaki, siz maydonda raqib bilan to‘qnash kelasiz. Ular sizning rejalaringizga qarshi o‘ynaydi. Shunday bo‘lsa ham qattiq mehnat qilib, intilish kerak. Shundagina natijani o‘zi keladi. Bizda hamma vositalar bor. Faqat resurslardan to‘g‘ri foydalana olsak, bas!".
"Manchester Yunayted" bugun tunda, Toshkent vaqti bilan 00:00da, "Liverpul"ga qarshi maydonga chiqadi.
ISMATOV J.
Dinamo
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
