"Olimpik" klubi bosh murabbiyi Temur Kapadze Qozog‘istonning Sports.kz nashriga intervyu berib, kecha Toshkentda o‘tkazilgan O‘zbekiston va Qozog‘iston milliy jamoalari o‘rtasidagi o‘rtoqlik uchrashuvi borasida o‘z fikrini bildirib o‘tdi.
— Temur Tohirovich, qozog‘istonliklar Toshkentdagi o‘yin o‘zbek muxlislarida katta qiziqish uyg‘otishini kutishgandi. Ammo stadionga kam muxlis tashrif buyurdi. Buning sababi nimada?
— O‘yinga qiziqish bor edi. Ammo sovuq ob-havo tufayli stadioga kam muxlis keldi. Chunki kuni bilan yomg‘ir yog‘di va kechki payt kun sovib ketdi. Ha, o‘yin paytida yomg‘ir to‘xtadi, biroq, asosiy sabab shunda. Shuningdek, televideniye orqali translyasiya ham amalga oshirildi.
— O‘yin natijasi haqqoniy bo‘ldimi?
— Ha, haqqoniy bo‘ldi. O‘zbekiston terma jamoasi yaxshiroq ko‘rindi.
— Qozog‘istonning o‘yini haqida nima deya olasiz? Tarkibni kimnidir ajratib ko‘rsata olasizmi?
— Mehmonlar shakllangan jamoa ekanini ko‘rsata olishdi. Qozog‘istonning har bir chizig‘ida kuchli o‘yinchilar bor. Ammo ular hujum tashkil qilishda muammolarga duch kelishdi. Shuningdek, ular hujumdan himoyaga qaytishda ham kech qolishdi. Bundan esa O‘zbekiston foydalanib qoldi. Bunday o‘yinda kimnidir ajratib ko‘rsatish qiyin.
— Sizningcha, O‘zbekiston terma jamoasi mazkur bahsda o‘z kuchida harakat qildimi?
— Yo‘q, albatta. O‘zbekiston terma jamoasi yanada yaxshiroq o‘ynay olishi mumkin. Futbolchilarning salohiyati yuqori.
— Mezbonlar birinchi navbatda individual mahorat evaziga g‘alaba qozonishdi, deb aytsak bo‘ladimi?
— Ha, albatta. O‘yinchilarning individual mahorati o‘yin taqdirini hal qiladi. Umuman olganda esa, jamoaviy o‘yin — himoyada ham, hujumda ham katta rol o‘ynaydi.
— Qozog‘iston terma jamoasining so‘nggi o‘yinlarin kuzatganmidingiz? BU jamoaning Millatlar ligasi guruh bosqichida muvaffaqiyati haqida nima deya olasiz?
— Ha, kuzatdim va muxlislik qildim. O‘ylashimcha, Qozog‘iston haqli ravishda guruhda birinchi o‘rinni egalladi. Jamoaning salohiyati yuqori. Qozog‘istonliklar yanada ko‘proq natijalarni qo‘lga kiritishlari mumkin. Men ularga omad tilayman.
— Kechagi o‘yindan xulosa qiladigan bo‘lsaK, O‘zbekiston terma jamoasi Yevropa maydonlarida munosib ko‘ringan bo‘lardi.
— Fikringizga qo‘shilaman. Agar O‘zbekiston terma jamoasi Yevropada o‘ynaganida munosib ishtirok etgan bo‘lardi. Ammo Osiyoda ham futbol rivojlanmoqda. Kuchli raqiblar bor.
— Siz bir necha yillardan buyon murabbiylik foliyati bilan shug‘ullanyapsiz. Qozog‘istondan takliflar bo‘lmayaptimi?
— Hozircha Qozog‘istondan hech qanday takliflar bo‘lmadi. Ammo takliflar ko‘p. Ayni paytda men O‘zbekiston olimpiya terma jamoasi bosh murabbiyiman. Oldimizga Parij-2024 yo‘llanmasini qo‘lga kiritish vazifasi qo‘yilgan.
Bude-Glimt
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
