Marokash milliy jamoasi bosh yulduzlaridan biri Ashraf Hakimiy ispaniyalik aktrisa va model Xiba Abuk bilan oila qurgan.
E’tiborlisi, go‘zal xonim futbolchidan naq 12 yosh katta. Qolaversa, u g‘arbcha turmush tarziga moyil.
Aktrisa va model Xiba Abuk xonim Qatar mundiali davomida Marokash termasi himoyasida katta ko‘lamda ish bajargan Ashraf Hakimini tribunalarda bevosita va faol qo‘llab-quvvatlab turdi. Ispaniyalik xonim jumladan, 1|8 finaldan o‘rin olgan Ispaniya termasiga qarshi bahsda ham turmush o‘rtog‘ining jamoasi g‘alabasiga xayrixoh bo‘ldi. Eslatma, o‘sha o‘yindan keyingi penaltilar seriyasida hal qiluvchi zarbani aynan «PSJ» vakili muvaffaqiyatli amalga oshirdi. O‘z o‘rnida aytish kerak, Ashraf Hakimiy ham xuddi hamxonasi kabi Ispaniyada ulg‘aygan, faoliyatining muhim boshlang‘ich qismida «Real» sharafini himoya qilgan. Marokashlik iqtidor vaqtida Ispaniya yoshlar termasidan chorlov ham olgan, ammo bunga rad javobi bergan. Ya’ni yurak amriga bo‘ysinib, xalqaro darajada ajdodlari vatani - Marokash uchun o‘ynashni ma’qul ko‘rdi. Mana, futbolchi bu tanlovi ortidan munosib taqdirlandi. Har holda, Marokash milliy jamoasi Qatar mundialiga o‘zgacha zeb berdi va bunda Ashrafning roli kichik bo‘lmadi. Bilasiz, mag‘ribliklar ispanlardan keyin portugallarni ham nokautga uchratishdi, faqat fransiyaliklarga kelganda...
Xiba Abuk Ispaniyada tunislik muhojirlar oilasida tug‘ilgan. Modelning yuz qiyofasiga qarab, tomirida arablar qoni oqayotganini osongina tushunish mumkin. Futbolchidan 12 yosh katta xonim ham aktrisa, ham model sifatida tanilib ulgurgan. Har holda, kino olamiga 12 yil oldin bosh suqqandi, o‘sha vaqt Hakimi atigi 12 yoshli bolakay bo‘lgan. Ha, raqamlar sehri shunaqa. O‘spirin yigitchalar filmlar tomoshasi ta’sirida beixtiyor aktrisalarni chinakamiga sevib qolishadi odatda. Kim biladi, Ashraf ham Xibaga xuddi shunday tarzda ko‘ngil qo‘ygandir. Shunday bo‘lsa, yosh futbolchining ilk tuyg‘ulari vaqt o‘tishi bilan pasaymagan, balki kuchaygan va ekran hurliqosi qalbini zabt etish ishtiyoqiga aylangan. Xullas, Hakimiy va Abuk 2019 yili nikoh rishtasi bilan bir-birlariga bog‘lanishdi. Hozir baxtiyor oilada ikki nafar farzand bor. Futbolchi va model tez-tez birga sayohatga chiqishadi, suv sporti bilan shug‘ullanishadi. Qisqasi, ularni bir-biriga mos tushgan juftlik sifatida ta’riflash mumkin. Har holda, yosh o‘rtasidagi farq allaqachon ahamiyatini butkul yo‘qotgan.
A.ABDUVALIXO‘JAYEV tayyorladi
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
