10. Ferran Torres – 55 million yevro
"Manchester Siti" juda tezlik bilan o‘z hujumchisini "Barselona"ga sotib yuborgandi. Ferran Torres yangi jamoasiga ko‘nikishi qiyin kechdi. O‘z vazifasini bajarishga qiynalayotgani sababli Ferran bu mavsumda asosan zaxiradan maydonga tushirilmoqda. 22 yoshli hujumchi bir yil davomida 54 o‘yinda ishtirok etgan va 12 ta golga mualliflik qilgan. Uning Kataloniyadagi davri hali kelgani yo‘q.
9. Rafinya – 58 million yevro
Braziliyalik vinger "Barsa"da yaxshi start oldi. Bu mavsumda uning hisobida allaqachon yettita gol va to‘qqizta assist mavjud. Xavi jamoasining hujumi Rafinya bilan ancha kuchli ko‘rinish oldi.
8. Miralem Pyanich – 60 million yevro
Ushbu xarid haligacha hammaga g‘alati tuyuladi. 2020 yilning yozida "Barsa" mana shu transferni amalga oshirgandi. Pyanich Artur Meloga "Yuventus" bilan almashtirilgan. Shunda ham "Barselona" 65 million yevro to‘lashga majbur bo‘ladi. Hozirga kelib, yarim himoyachining ushbu ko‘chishi ancha noto‘g‘ri bo‘lgani o‘z tasdig‘ini topmoqda.
7. Zlatan Ibragimovich – 69 million yevro
"Barsa" bir paytlar 70 millionga atigi 22 ta gol sotib oladi. Ha, Ibragimovichning Kataloniyadagi davri 22 ta gol bilan 46 ta o‘yinga cho‘zilgan xolos. Buning bosh sababi esa Pep Gvardiola edi.
6. Luis Suares – 81 million yevro
Bunisi endi haqiqiy afsona va muvaffaqiyatli transfer! Balki, Suares Kyellinini tishlab olgani uchun bir necha oyni o‘tkazib yuborgandir. Ammo u maydonda tushishi bilan o‘zining foydasini ko‘rsata boshlaydi. Urugvaylik hujumchi 6 mavsum davomida "Barselona" safida 198 ta golga mualliflik qilgandi. Uning Messi va Neymar bilan tashkil etgan hujumlari umrbod yodimizda qoladi. Suares 13 ta sovrinni "Barsa"niki qilishda ishtirok etadi.
5. Frenki de Yong – 86 million yevro
De Yongning "Barsa"dan ketishi haqida ko‘p gapirilsa ham, aslida u jamoaga eng katta yordam berayotgan futbolchilardan biridir. U "Ayaks"dan kelganidan beri doimiy asosiy tarkibga kirib kelmoqda. Shu sababdan APL klublari hali ham uni "ovlash"ni istashadi.
4. Neymar – 88 million yevro
Neymarning "Nou Kamp"dagi to‘rt mavsumi fantastik kechgandi. Zamonamizning uchinchi eng talantli futbolchisi aqlbovar qilmas ishlarni, maydonda bajarardi. 2014-2015 yilgi mavsumda YECHLning qo‘lga kiritilishi aynan Neymarning ta’sirida ro‘y beradi.
3. Antuan Grizmann – 120 million yevro
Grizmann to‘g‘ri tanlangan, ammo vaqtida tanlanmagan futbolchidir. Unda "Barselona"ning eng yaxshi futbolchisi bo‘lishga barcha vositalar yetarli edi. Ammo uning jamoaga olib kelingan davri bo‘hronli bo‘lgan. Ernesto Valverde va Ronald Kuman fransuz futbolchisidan foydalanishni bilmadi. Oqibatda, u yana "Atletiko"ga qaytdi.
2. Filippe Koutinyo – 135 million
Eng qizig‘i, Koutinyoning eng yaxshi darajaga chiqishi, u "Bavariya"ga ijara asosida berib yuborilgan paytga to‘g‘ri keladi. O‘shanda braziliyalik futbolchi "Barsa"ga qarshi gol urgandi. 120 million esa hech qachon oqlanmadi. Natijada Koutinr yana APLga qaytdi.
1. Usmon Dembele – 120 million yevro (bonuslar 20+)
Dembelening "Barselona"dagi ilk davrlari jarohatlar bilan kechdi. Ammo bugun u har doimgidan ham yaxshiroq ko‘rinmoqda. Joriy mavsumda ajoyib vinger Xavi jamoasining yulduzlaridan biriga aylandi. Dembele hisobida hozirga qadar 8 ta gol hamda 7 ta assist mavjud.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
