Har bir insonning sevimli filmi yoki multfilmi bor. Jumladan futbol yulduzlarining ham. Ular ham bo‘sh vaqtlarida kino tomosha qiladi va ular orasida doimiy ko‘rib turadigan kinolari ham bor. Leo Messi yoki Krishtianu Ronaldu qaysi qaysi kinoni yoqtirib tomosha qilishiga qiziqib ko‘rganmisiz? Unda ushbu blog sizga manzur keladi. Quyida biz yoqtirgan futbol yulduzlarining yaxshi ko‘rgan filmlari haqida so‘z yuritamiz.
Leonel Messi
Messining o‘yin uslubi hammaga ma’lum. Past bo‘yli futbolchi o‘zidan ancha katta hamkasblarini aldab o‘tib, ulardan qochib raqiblarini dog‘da qoldirishni hush ko‘radi. Buni qarangki, Leo Messining yoshlikdan sevib tomosha qiladigan kinosi ham o‘yin uslubiga o‘xshash. Yosh bola o‘zidan ancha katta bo‘lgan 3 insonni har ko‘yga soladi va bu ishni o‘zi bilmagan holda juda oson qiladi. Uni quvgan uchovlon esa hechda maqsadiga yeta olmaydi. Kino oxirida esa "kichkintoy" ularni batamom ado qiladi. Siz ham ushbu kinoni albatta ko‘rgan bo‘lishingiz kerak. Kino nomi: Sayrga chiqqan go‘dak. Shuningdek, Leo Taxtlar o‘yini serialini ham sevib tomosha qilgani haqida intervyularida aytib o‘tgan.
Krishtianu Ronaldu
Ronaldu intervyularida, yoki ijtimoiy tarmoqlarda o‘zining sevimli filmi haqida deyarli gapirmagan. Ko‘pchilik uning jismoniy qobiliyatini va doim mehnatkashligi bilan ajralib turishi sabab, jangari filmlarni yoqtiradi deb o‘ylasa kerak. Lekin forvard 2019 yilda soccer nashriga bergan intervyusida bunga aniqlik kiritib ketgan. Ronaldu avvaliga ko‘proq hujjatli filmlarni yoqtirishi haqida aytgan. Ammo undan aniq kinoning nomi talab qilinganda u biroz o‘ylanib ko‘plab yo‘nalishlarda "Oskar" sohibi bo‘lgan "asabiy taranglik" nomidagi triller janrida Jonatan Demme tomonidan ishlangan filmni aytgan. Shuningdek, Ronaldu Nikolas Keydj bosh rolda o‘ynagan "Qoya" filmini ham yoqtirishini aytib o‘tgan.
Karim Benzema
"Real" hujumchisi Karim Benzema qolgan hamkasblariga qaraganda ko‘proq kino ko‘rishi va yoqtirgan filmlari ko‘pligi haqida ko‘pchilik bilsa kerak. Karim Benzema intervyularidan birida aynan kinolar haqida gapirgan. Uning eng yoqtirgan filmlaridan biri "Amerikalik gangsterlar" hisoblanadi. Shuningdek, Karim Benzema Denzel Vashington ijrosidagi barcha filmlarni sevib tomosha qilishini ham aytgan.
Neymar
Braziliyalik futbolchi bu ro‘yxatda bo‘lmasa ajablanarli bo‘lardi. Har jabhada ajralib turadigan futbolchining sevimli filmlar haqida so‘ralganida u juda ko‘p nomlarni sanab bergan. To‘g‘rida, jarohat olgan payti kinolar tomosha qilishga ko‘p vaqt bo‘ladi. Uning sevimli filmlari ro‘yxatidagi aksariyatini yurtimizda ham ko‘pchilik tomosha qilgan bo‘lsa ajabmas. Neymarning yoqtirgan filmlari ro‘yxatida: "Kapitan Marvel", "Dedpul", "Terminator", "Yulduzlar aybdormi?", "Garri Potter" va "Agent 007 Skayfoll" filmlari bor. Shuningdek, Neymar "Qog‘oz bino"(La casa de papel) serialini ham juda katta qiziqish bilan tomosha qilgan. Serialning 3-faslida futbolchi kichik epizodda rol o‘ynagan. "3 iks, darbadarning qaytishi" filmida ham epizodlarning birida Neymarni ko‘rishimiz mumkin.
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
