Armanistonda katta shov-shuvlar, yangi rekordlar, kutilgan va kutilmagan natijalarga boy tarzda o‘tgan Yevropa chempionatidan so‘ng, dunyo og‘ir atletikachilarining nigohi Osiyoga qaratilmoqda. Janubiy Koreyada o‘tadigan bu galgi qit’a chempionati Osiyoning eng kuchli og‘ir atletikachilarini aniqlash bilan birga, Parij-2024 Olimpiadasining muhim reyting ochkolarini taqdim etadigan nufuzli musobaqa sifatida ham e’tiborlidir. Janubiy Koreyaning Jinju shahri kechadigan chempionatda erkaklar va ayollar o‘rtasida 10 ta vazn toifasida bellashuvlar o‘tkaziladi.
Janubiy Koreyada o‘tadigan ushbu chempionat qit’a sportchilari uchun joriy yil sentyabr oyida Xitoyda bo‘lib o‘tadigan Osiyo o‘yinlari oldidan o‘zini sinab ko‘rish uchun yaxshi imkoniyat yaratayotganligi bilan ajralib turadi.
Eslatib o‘tamiz, og‘ir atletika bo‘yicha Osiyo chempionati 2023 yilning 3-13 may kunlari Koreya Respublikasining Jinju shahrida bo‘lib o‘tadi va uni Olimpiya kanali orqali Olympics.com saytida jonli efirda tomosha qilishingiz mumkin.
Chempionatda dunyoning 35 ta davlatidan 250 nafardan ortiq og‘ir atletikachi, jumladan, jahon va Olimpiya o‘yinlari chempionlari ishtirok etadi.
Chempionatda qit’adagina emas, dunyoda o‘z nomiga ega bo‘lgan sportchilardan Xitoy Xalq Respublikasi vakili Li Fabin erkaklar o‘rtasida 61 kilogramm vaznda ishtirok etadi.
U 61 kg vazn toifasida Olimpiya o‘yinlari oltin medali sovrindori Osiyo musobaqalarida yana porlash arafasida. 30 yoshli sportchi 2022 yilda siltab ko‘tarishda yangi jahon rekordini o‘rnatib, Bogotada jahon chempionligini qo‘lga kirit edi. Bu gal ushbu natijani saqlab qolish va undanda yaxshiroq ko‘rsatkichga erishishga harakat qilishi shubhasiz.
Xuddi shuningdek Xitoy Taypeyilik Xing Chun Kuo ayollar o‘rtasida 59 kilogrammda tengsiz sportchilardan biri.
Uning uzoq davom etgan mag‘lubiyasiz seriyasi o‘tgan yilning dekabr oyida o‘tgan jahon chempionatida yakunlangan bo‘lishi mumkin. Ammo Xing-CHun Kuo yangi va kuchli raqibga ega bo‘lishiga qaramay, 59 kg vazn toifasida Osiyoda yetakchi bo‘lib qolmoqda. Rio-2016 bronza medali sovrindori, Tokio Olimpiadasida oltin medalni qo‘lga kiritgandi. Ammo Kolumbiyada o‘z maydonida sevimli Enni Alvaresga imkoniyatni boy berib qo‘ygandi.
Filippinlik Xidilin Diaz ayollar o‘rtasida 59 kilogrammda raqiblariga osonlikcha yo‘l bermaydiganlar sirasiga kiradi.
Kuoning eng katta raqibi, shubhasiz, 2020 yilgi Tokio Olimpiadasida 55 kg vazn toifasida Filippin davlati uchun ilk Olimpiya oltin medalini taqdim etib, tarixga kirgan Hidilin Diaz bo‘ladi. Ushbu vazn toifasi Parij-2024 Olimpiadasidan chiqarib tashlanganidan beri Dias o‘z vaznini 59 kilogrammga ko‘tardi. U Janubi-SHarqiy Osiyo o‘yinlarida o‘z unvonini himoya qilmaslikka qaror qildi va Parijga yo‘llanmani qo‘lga kiritish uchun ochko to‘plash umidida Koreyada ishtirok etdi. U Yaponiyadagi Vaseda universitetida qit’a chempionatiga tayyorgarlik ko‘rdi.
Osiyo chempionatida erkaklar o‘rtasida 102 kilogrammda qatnashadigan qatarlik Fares El-Bah ko‘pchilik og‘ir atletika ishqiboz va mutaxassislari orasida Meso Xassuna nomi bilan ham tanilgan. Fares El-Bah avvallari 96 kilogrammda qatanashardi. Olimpiya o‘yinlaridan ushbu vazn olib tashlangandang keyin u 2024 yilgi Parij Olimpiadasida qatnashish uchun o‘z baxtini 102 kilogrammda qidirmoqda. Aynan u 96 kiloda Tokio-2020 Olimpiadasi g‘olibiga aylanib, Qatarning og‘ir atletika bo‘yicha birinchi Olimpiada chempioni nomiga musharraf bo‘ldi. O‘tgan yilning oktyabr oyida 102 kilogramm vazn toifasida Osiyo chempioni unvonini qo‘lga kiritgan sportchi endi Jahon chempionati kumush medali sovrindori Eron Islom Respublikasi vakili Reza Dehdar bilan oltin medal uchun kurashadi.
Umuman olganda Janubiy Koreyada o‘tadigan qit’a chempionati har jihatdan qiziqarli bashlarga boy bo‘lishi, qit’a og‘ir atletika sporti rivoji, uning dinamikasidagi o‘sish nuqtalaridan biri bo‘lishi shubhasiz.
Ko‘rinib turibdiki, O‘zbekiston terma jamoasi a’zolarining raqiblari, Parij-2024 yo‘lida ularga raqobat ko‘rsatadigan sportchilar har jihatdan salobatga ega atletlar. Ishonamizki, iste’dodli sportchilarimiz Olimpiada yo‘lidagi qit’a chempionatida o‘z irodasini nomoyish etadi. Bu yo‘lda ularga omad tilab qolamiz.
O‘zbekiston og‘ir atletika
Federasiyasi Matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
