"Arsenal" Angliyadagi ikkinchi eng yaxshi jamoa. Ha, bu so‘z jarangdor va yoqimli eshitiladi. Ammo birinchi bo‘lish undan ham yaxshi, shunday emasmi? Turnir jadvalida bo‘lmasada, quyidagi yettita statistik ko‘rsatkichlarda to‘pchilar mavsum davomida yetakchilik qildi.
Raqib darvozasi tomon eng ko‘p zarba (564 ta)
Ikkinchi o‘rinda: "Liverpul" (561)
Xo‘sh, zarbalar bo‘yicha yetakchilik bor. Ammo aniq zarbalar borasida 20 ta jamoa ichida beshinchi o‘rinni egallash, nimadir xatolik borligini anglatadi. Ammo "Arsenal"ning Edegor, Parti, Jaka kabi vakillari uzoq masofadan zarbalarni ma’qul ko‘radi. Shunday zarbalarning ko‘pchiligi noaniq ketadi. Masalan, Tomas Pari har yettita zarbasidan bittasini aniq darvoza sohasiga yo‘llagan.
Jarima maydonchasi ichiga uzatma (435 ta)
Ikkinchi o‘rinda: "Manchester Siti" (429)
Ko‘pchilik buni o‘qib hayron qolayotgan bo‘lishi mumkindir. Negaki, odatda paslar borasida "Manchester Siti" yetakchilik qiladi. Bu mavsumda esa "Arsenal" bu borada ustunlikni o‘z qo‘liga oldi. London klubining raqib jarima maydonchasi tomon paslarining ko‘pchiligi Edegor orqali amalga oshdi. Norvegiyalik xavfli vaziyatlar hosil qilish bobida APLda faqatgina Kevin De Bryuyne va Kiran Trippyerdan ortda qolmoqda.
Ichkariga burchak zarbasi orqali paslar (146 ta)
Ikkinchi o‘rinda: "Everton" (123)
Mikel Arteta to‘pni burchakdan tashqariga oshirishlarini xush ko‘rmaydi. Bukayo Saka, Gabriel Martinelli va Leandro Trossardlarning bari faqat ichkariga pas bergan. Bunga teskari ravishda aytish mumkinki, "Liverpul" asosan to‘pni kengroq va bo‘shliq katta bo‘lgan tomonga yo‘naltiradi.
Qayta urinishdan gollar (13 ta)
Ikkinchi o‘rinda: "Aston Villa", "Fulxem", "Nottingem (11 tadan)
Bu o‘lchovning izohi quyidagicha: birinchi berilgan zarbadan keyin, to‘pga blok qo‘yilsa yoki darvozabon seyv ijro etsa, keyingi urinishda gol urishdir. Martinelli bu borada ustasi farang. U besh bor shunday vaziyatlardan gol hosil qilgan. APLda faqatgina Olli Uotkins undan yaxshi ko‘rsatkichga ega.
Xato sabab raqibga vaziyatlar/zarbalarga imkon berish (20 ta)
Ikkinchi o‘rinda: "Liverpul" (18 ta)
Bu statisktika salbiy tomonlama ko‘riladi. Hech bir darvozabon bu mavsumda Aron Ramzdeyl kabi xatolarga yo‘l qo‘ymadi. Shuningdek, raqiblar juda ko‘p vaziyatlarda Vilyam Salibaning eplovsizligi sababli "Arsenal" darvozasiga xavf tug‘dirgan edi.
Raqib jarim maydonchasi ichidagi to‘pga teginishlar (1227 ta)
Ikkinchi o‘rinda: "Manchester Siti" (1995)
"Arsenal"ning uchta futbolchisi, Saka Martinelli va Jezus raqib tomonda eng faollardan biri bo‘lib turibdi. Garchand so‘nggi bir oy bu jamoaga omadsiz kelgan bo‘lsa ham, ular mavsumning katta qismini shunday o‘tkazgan edi. To‘pga egalik qila turib, "Arsenal" jarima maydonchasi ichida paslarni amalga oshirishi bilan ajralib turadi.
O‘n olti metrlik maydonga to‘pni olib kirish (268 ta)
Ikkinchi o‘rinda: "Manchester Siti" (255 ta)
Bu borada Bukayo Saka APLda eng yaxshi natija qayd etib turibdi. Ikkinchi va uchinchi o‘rinlarni esa Muhammad Saloh va Kauru Mitoma egallaydi. Aytish mumkinki, bu boradagi "Arsenal"ning yetakchiligi bejiz emas, albatta.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
