Osiyo Chempionlar ligasi, “D” guruhi, 5-turidan o‘rin olgan “Navbahor” – “Al-Hilol” (0:2) uchrashuvidan keyingi matbuot anjumanining birinchi qismida mehmonlar bosh murabbiyi Jorje Jezush va yarim himoyachi Sergey Milinkovich-Savichlar qatnashib, jurnalistlarning savollariga javob berishdi.
Mehmonlar ustozi odatdagidek, o‘z so‘zini o‘yin haqidagi fikrlari bilan boshladi.
- Yaxshi o‘yin o‘tkazdik va uch ochkoni qo‘lga kiritdik. Keyingi bosqichga chiqdik va bor e’tiborimizni keyingi uchrashuvlarga qaratamiz.
- “Navbahor” jamoangizga qarshi kechgan ikki uchrashuvda ham zich holda himoyalandi. “Navbahor”ning himoyasini yorib o‘tish qanchalik qiyin bo‘ldi?
Sergey Milinkovich-Savich: - Murabbiyning barcha ko‘rsatmalarini bajardik va qoniqarli natijaga erishdik. O‘yin avvalida raqib bizni qiynab qo‘ydi, ammo gol urib olganimizdan so‘ng, bellashuv ancha hujumkor tus oldi. “Navbahor” jamoasi ikki uchrashuvda ham ancha tartibli o‘yin namoyish etdi.
- Namangan shahri haqida nima deya olasiz? Jamoa haqida ham fikringizni bildirib o‘tsangiz?
Sergey Milinkovich-Savich: - Shaharni aylanishga deyarli vaqt bo‘lmadi, sababi biz faqatgina ikki kun shu yerda bo‘ldik va mehmonxonadan chiqmadik. “Navbahor” esa ancha yaxshi jamoa ekan. Biz ham yaxshi o‘yin namoyish etganligimiz bois, zafar quchdik.
- “Navbahor”ga qarshi kechgan birinchi uchrashuvdan so‘ng jamoani yaxshi o‘rganib chiqqaningiz sezildi. Birinchi o‘yindan qanday xulosalar chiqardingiz?
Jorje Jezush: - Ha, birinchi uchrashuv biz uchun qiyin o‘tgandi. Qarshi hujumlarga e’tibor qaratdik. Futbolchilarning maydondagi harakatlari va to‘p bilan muomalani kuchaytirishimiz kerak edi.
- O‘z guruhlarida ikkinchi o‘rinni egallagan uchta jamoa “pley-off” bosqichiga chiqadi. Sizningcha, “Navbahor” keyingi bosqichga chiqishga loyiqmi?
Jorje Jezush: - “Navbahor”ning yana bitta o‘yini bor. Fikrimcha, “Navbahor” jamoasi keyingi bosqichga chiqishga loyiq.
- OCHL guruh bosqichiga qur’a tashlanganidan so‘ng, “Al-Hilol”ga ancha oson raqiblar tushgandi. Ushbu guruhda “Al-Hilol”dan tashqari barcha jamoalar OCHLda debyut qilishdi. “Navbahor”ning jamoangizga katta muammo bo‘la olishini kutganmidingiz?
Jorje Jezush: - “Navbahor” 16 ta eng kuchli jamoa orasida bo‘lishi kerak. Jamoangiz bizni hayron qoldirdi va ular ushbu musobaqada “syurpriz” bo‘la oladi.
- “Navbahor” tarkibidagi qaysi futbolchi sizda yaxshi taassurot qoldirdi?
Jorje Jezush: - Men aynan qaysidir futbolchini ko‘rsatib o‘tolmayman. Lekin “Navbahor” jamoa sifatida juda yaxshi shakllangan. “Navbahor” haqida faqatgina yaxshi fikrlar ayta olaman.
- Salim Al Dovsari jamoaning shtatli penaltichisimi? U bugun ikkita penaltidan foydalana olmadi...
Jorje Jezush: - Bugun ikkita penaltidan birini golga aylantira oldik va eng muhimi shu.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
