«Al-Nasr» hujumchisi Krishtianu Ronaldu 19 yanvar kuni Globe Soccer Awards-2023 marosimida Diyego Maradona nomidagi mukofot bilan taqdirlanadi. Bu sovrin yil davomida klub va milliy jamoalar miqyosida eng ko‘p gol urgan futbolchi uchun ta’sis etilgan.
***
Krishtianu Ronaldu 2023 yil taqvimidan o‘rin olgan jami 59ta o‘yinda 54ta gol urdi. U shu tariqa to‘purarlar poygasida Kilian Mbappe (53ta o‘yinda 52ta gol), Garri Keyn (57ta o‘yinda 52ta gol) va Erling Xoland (60ta o‘yinda 50ta gol)ni ortda qoldirdi. Eslatma, 2021 yili Maradona nomidagi mukofot Robert Levandovskiga nasib etgandi. 2022 yil yakunida esa sovrin negadir topshirilmadi.
***
Bu vaqtda Krishtianu Ronaldu onasiga tug‘ilgan kuni sharafi bilan Porsche avtomobilini sovg‘a qildi. Doloresh Aveyru xonim 31 dekabr kuni 69 yoshga to‘ldi. «Al-Nasr» hujumchisi bu kunni nishonlash uchun Saudiya Arabistonidan Portugaliyadagi Madeyra oroliga keldi va onasiga Porsche kalitini topshirdi. Darvoqe, Krish onasining tug‘ilgan kuni munosabati bilan uyushtirilgan kechaga taklif etilgan braziliyalik xonanda Luan Santanani bahosi 75 ming yevroga teng Rolex qo‘l soati bilan siyladi.
***
Ronaldu shuningdek, Dubaydagi «Milliarderlar oroli»dan ko‘chmas mulk sotib oldi. Bloomberg xabariga ko‘ra, «Al-Nasr» hujumchisining yangi mulki Jumayra Bey hududida joylashgan, biroq futbolchi qancha to‘lagani aniq emas. Taxmin qilinishicha, bu joy Krishga bir necha 10 mln. yevroga tushgan. Hududga «Milliarderlar oroli» nomi berilganiga sabab shuki, u yerda eng badavlat insonlar villalari bor. Odatda «Milliarderlar oroli»dagi ko‘chmas mulk 3 gektar yer, 6ta yotoqxona, sohil bo‘yiga chiqish yo‘li, 7ta avtomobilga mo‘ljallangan garaj, basseyn, yashash xonalari va boshqa qulayliklarga ega bo‘ladi.
***
Krishtianu Ronaldu yevrofutbolda yo‘q, shuning uchunmi, qit’aning kuchli 5ta ligasida «Gol+pas» tizimi bo‘yicha peshqadamlik Xarri Keyn qo‘liga o‘tdi. Aniqrog‘i, «Bavariya» hujumchisi 2023 yil davomida milliy chempionatlar o‘yinlaridagi samarali harakatlari soni bo‘yicha 1-o‘rinni egalladi - 45ta gol va assist.
2023 yili Yevropaning kuchli 5ta ligasida «Gol+pas» tizimi bo‘yicha eng yaxshi natijaga erishgan futbolchilar
1. Xarri Keyn («Tottenxem»|«Bavariya») - 45 ball
2. Kilian Mbappe («PSJ») - 39 ball
2. Muhammad Saloh («Liverpul») - 39 ball
4. Erling Xoland («Manchester Siti») - 38 ball
5. Lautaro Martines («Inter») - 34 ball
5. Antuan Grizmann («Atletiko») - 34 ball
7. Lui Openda («Lans»|«RB Leypsig») - 33 ball
8. Olli Uotkins («Aston Villa») - 32 ball
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
