Fransiya chempionatining 22-turi doirasida «PSJ» safarda «Nant» klubi mehmoni bo‘lib, ishonchli g‘alabani qo‘lga kiritdi.
Parijliklarning hujumlariga mezbonlar bir soat davomida dosh berishdi. 60-daqiqada esa Lyuka Ernandes hisobni ochdi.
Uchrashuvning 62-daqiqasida zaxiradan o‘yinga qo‘shilgan Kilian Mbappe 78-daqiqada belgilangan penaltini aniq amalga oshirib, yakuniy hisobni o‘rnatdi.
Shu tariqa, Luis Enrike jamoasi ketma-ket 18 o‘yindan beri mag‘lubiyatga uchramayapti. Jamoa 53 ochko bilan Liga 1 jadvalida yaqqol peshqadamlik qilmoqda. «Nissa» hisobida 39 ochko mavjud.