OFK sayti oltinchi bor o‘tkazilayotgan turnirning asosiy fakt va raqamlari haqida ma’lumot berdi.
Chempionlar to‘liq tarkibda
Barcha besh musobaqa g‘oliblari ushbu musobaqada qatnashadi va ikkinchi bor musobaqa g‘olibligi uchun kurashadi. Saudiya Arabistoni amaldagi chempion hisoblanadi. Ushbu musobaqada Saudiya Arabistonidan tashqari bosh sovrinni qo‘lga kiritgan jamoalar — Iroq (2013), Yaponiya (2016), O‘zbekiston (2018) va Janubiy Koreya (2020) hisoblanadi.
Saudiya Arabistoni yetakchi
Saudiya Arabistoni 2013 va 2020 yillarda ikki bor finalga yo‘l olgan va faqatgina so‘nggi musobaqada bosh sovrinni qo‘lga kiritgan. 6 musobaqada uch bora finalga chiqqan saudiyaliklar bu borada yetakchi hisoblanadi.
Parij—2024 jozibasi
Ushbu musobaqada eng yaxshi natijani qo‘lga kiritgan uch jamoa 2024-yilgi Parij Olimpiadasiga yo‘llanma oladi, to‘rtinchi o‘rinni egallagan jamoa 9-may kuni pley-offda Gvineya bilan to‘qnash keladi.
Olimpiada sovrindorlari
Yaponiya (1968) va Janubiy Koreya (2012) Olimpiya o‘yinlarida medallarni qo‘lga kiritgan Osiyo termalari bo‘lib, ikkala jamoa ham uchinchi o‘rinni egallagan. 2016 yilda OFK U23 Osiyo Kubogi Olimpiya o‘yinlari saralash bosqichiga aylanganidan beri hech bir Osiyo terma jamoasi Olimpiada medallariga ega chiqmagan.
Indoneziya debyutini o‘tkazadi
Indoneziya 2013 yildan beri OFK U23 Osiyo Kubogida ishtirok etadigan 25-jamoa bo‘lib, ushbu turnirda debyutini o‘tkazadigan yagona jamoa hisoblanadi.
Norchayev haqida
O‘zbekistonlik Husayn Norchayev saralash bosqichidagi natijasini final bosqichida ham takrorlashni maqsad qilgan, hujumchi olti bor gol urgan. Saralash bosqichida raqib darvozasini ishg‘ol qilishda Norchayevdan keying o‘rinda iroqlik Ridha Fadil Mayali (4), Saudiya Arabistoni termasi a’zosi Abdulloh Radif (4) va kuvaytlik Salmon Muhammad (4)ni e’tirof etish mumkin.
Raqiblarni “ranjitish”da ustun jamoalar
2013 yil chempioni Iroq saralash bosqichida 21 ta gol bilan eng ko‘p gol urgan jamoa bo‘ldi. 2018 yilgi g‘olib bo‘lgan O‘zbekiston 19 bor raqiblarni ranjitgan. Saudiya Arabistoni 12 gol bilan uchinchi o‘rinni egallab turibdi.
“Qattiq yong‘oqlar”
Indoneziya, Yaponiya, Iordaniya, Janubiy Koreya, Tailand va Birlashgan Arab Amirliklari saralash bosqichida bir marta ham gol o‘tkazib yubormasdan, final yo‘llanmasini qo‘lga kiritdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
