12 avgust kuni Zalsburgda «PSJ» va «Aston Villa» UYEFA Superkubogi-2026ni o‘zaro o‘ynashadi. Oldinda turgan bahs «PSJ» va «Aston Villa» o‘rtasidagi uchinchi to‘qnashuv, har bir klub uchun ushbu sovrin uchun uchinchisi va Angliya jamoasi ustozi Unai Emeri uchun Fransiya superklubiga qarshi uchinchi o‘yin bo‘ladi. PSJ – Aston Villa UYEFA Superkubogi-2026 o‘yini haqida to‘qqizta faktni to‘pladik.
Tarixda ilk bor UYEFA Superkubogi o‘yiniga Avstriya mezbonlik qiladi. Bellashuv Zalsburg shahri atrofidagi «Red Bull Arena» stadionida bo‘lib o‘tadi.
«PSJ» ustozi Luis Enrike murabbiy sifatida ikki marta UYEFA Superkubogini qo‘lga kiritgan. 2015 yilda mutaxassis «Barselona» bilan, 2025 yilda esa «PSJ» bilan g‘alaba qozongan.
«PSJ» va «Aston Villa» ilgari o‘zaro ikkita rasmiy o‘yin o‘tkazishgan. Chempionlar Ligasi-2024/2025ning chorak finalida jamoalar o‘z maydonlarida g‘alabalarni bo‘lishib olishgan («PSJ» Parijda 3:1 hisobida g‘alaba qozongan, «Aston Villa» Birmingemda 3:2 hisobida ustun kelgan), keyingi bosqichga esa fransuzlar chiqishgan.
«Aston Villa» tarixda ikkinchi bor Superkubok o‘yinlarida maydonga tushadi. 1982 yilda «villaliklar» ikki o‘yin natijasiga ko‘ra «Barselona»ni mag‘lub etishgan edi – Ispaniyada 0:1 va o‘z uyida 3:0.
«PSJ» uchinchi marta Superkubok uchun o‘ynaydi. 1996 yilda parijliklar ikki o‘yinda «Yuventus»ga imkoniyatni boy berishgan: o‘z uyida 1:6 va mehmonda 1:3. 2025 yilda esa asosiy vaqtdagi durangdan so‘ng (2:2) penaltilar seriyasida «Tottenxem»ni mag‘lub etishgan.
«PSJ» tarkibning umumiy qiymati bo‘yicha «Aston Villa»dan deyarli uch baravar ustunlik qiladi. Transfermarkt «PSJ» tarkibini 1,39 milliard yevroga, «Aston Villa» tarkibini esa 530 millionga baholamoqda.
«Aston Villa» Fransiya klublari bilan 12 ta rasmiy o‘yin o‘tkazgan. Oltita bahsda g‘alaba qozongan, uchtasida mag‘lub bo‘lgan, uchta uchrashuv durang bilan yakunlangan.
«PSJ» rasmiy o‘yinlarda Angliya klublari bilan 46 marta to‘qnash kelgan. Parijliklar 20 ta uchrashuvda g‘alaba qozonishgan, 16 tasida imkoniyatni boy berishgan, 10 ta bahsda durang qayd etilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
