Tailand poytaxti Bangkokda davom etayotgan yoshlar o‘rtasidagi Osiyo chempionatida O‘zbekiston terma jamoasi a’zolari muvaffaqiyatli ishtirok etib, o‘z akalariga munosib izdosh bo‘lishga harakat qilishmoqda.
May oyida kattalar o‘rtasida Toshkentda bo‘lib o‘tgan Osiyo chempionati finalida 9 nafar bokschimiz jang qilgan va ularning barchasi oltin medal sohibiga aylangandi. O‘z navbatida O‘zbekiston terma jamoasining ushbu natijasi butun dunyo boksida yaxshigina shov-shuv kelitirib chiqargandi.
Yoshlar o‘rtasidagi qit’a chempionatiga mezbonlik qilayotgan Bangkokda ham o‘zbekistonlik bokschilar hozircha eng yaxshi natijaga ega bo‘lib turishibdi. Zero bugun bo‘lib o‘tayotgan hal qiluvchi janglarda 10 ta vazn toifasining sakkiztasida hamyurtlarimiz ringga chiqishadi.
Kecha bo‘lib o‘tgan yarim final janglarida 9 nafar bokschimiz ishtirok etdi. Ularda faqatgina Saidjamshid Ja’farov -60 kg. vazn toifasida qozog‘istonlik Samatali Toltayevga yutkazib qo‘ydi. Samandar Holmurodov (-49 kg.), Abdumalik Halakov (-52 kg.), Bilolbek Mirzarahimov (-64 kg.), Farrux Ilhomov (-69 kg.), Rajabboy Atanazarov (-75 kg.), Timur Ergashev (-81 kg.), Profsor Rorimsha (-91 kg.) va Lazizbek Mullojonov (+91 kg.) lar esa o‘z raqiblari ustidan zafar quchib final bahsiga yo‘llanma olishdi.
Bugun Osiyo chempionatining oltin medallari uchun kechayotgan janglarda hamyurtlarimiz quyidagi raqiblarga qarshi kurash olib borishadi:
-49 kg: Samandar Holmurodov - Sachin (Hindiston)
-52 kg: Abdumalik Halakov - Ryutaro Nakagaki (YAponiya)
-64 kg: Bilolbek Mirzarahimov - San’atali To‘ltayev (Qozog‘iston)
-69 kg: Farruh Ilhomov - Perapat Yasungneon (Tailand)
-75 kg: Rajabboy Atanazarov - Chao Ju (Xitoy)
-81 kg: Timur Ergashev - Rizo Hasan (Eron)
-91 kg: Profsor Rorimsha - Danila Semenov (Qozog‘iston)
+91 kg: Lazizbek Mullojonov - Nardaulat Ulanuli (Qozog‘iston)
Ta’kidlash lozimki, O‘zbekiston yoshlar terma jamoasining Osiyo chempionatida qayd etayotgan natijasi mamlakatimizda o‘zbek boksning mustahkam va boy an’analarini davom ettira oladigan, xalqaro maydonda yurtimiz sharafini munosib himoya qilishga qodir yosh bokschilar yetishib chiqayotganidan dalolat beradi. Ma’lumot uchun, yoshlar o‘rtasidagi Osiyo chempionatida qit’amizning 23 ta mamlakatidan 120 nafar bokschilar ishtirok etishmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
