Rossiyada o‘tadigan mundialda muxlislar qaysi futbol yulduzlarining g‘ayritabiiy qiliqlariga guvoh bo‘lishlari mumkin? Xorijlik kasbdoshlarimizning maxsus sharhlari shu mavzuga bag‘ishlangan.
Aleksandr Mitrovich (Serbiya)
U-19 toifasidagi Yevro-2013 turnirida serblar o‘z tarkibida Martial, Laport va Rabyodek kuchli futbolchilari bo‘lgan Fransiyani yengishgan (1:0) va shohsupaga ko‘tarilgan edilar.
Musobaqaning eng yaxshi futbolchisi sifatida e’tirof etilgan Mitrovich esa o‘sha paytda ham noyob iqtidor sohibi edi. Aslida, «Partizan» tarbiyalanuvchisi darvozabonlikni yoqtirar, lekin otasining talabiga ko‘ra, hujum chizig‘ida o‘ynardi.
2013 yilning 10 dekabrida uning «Anderlext» klubi YECHL guruh bosqichining so‘nggi bellashuvini safarda «Olimpiakos» bilan o‘tkazgandi.
93-daqiqada mehmonlar posboni Silvio Proto qoida buzgani uchun maydondan chetlatildi, uning darvozasi tomon penalti belgilandi.
Ana shu pallada Aleksandr qo‘liga qo‘lqop kiydi. U to‘pning yo‘nalishini to‘g‘ri topdi. Ammo Chori Domingesning zarbasi aniq va kuchli bo‘lgani bois, «Anderlext»ni goldan qutqara olmadi.
Ibra bilan aytishib qoldi. O‘sha mavsumning «PSJ»ga qarshi uchrashuvida 19 yoshli hujumchi Zlatan Ibragimovichni aldab o‘tib, oldinga intildi.
Shvesiyalik kasbdoshi esa uni chalib yiqitishdan o‘zga chora topolmadi. Mitrovich mashhur raqibiga keskin norozilik bildirdi. Ibraning futbolchilardan dakki olishi - kamyob hodisa.
Golni muxlis bilan nishonladi. «Nyukasl»-«Sanderlend» bahsida muvozanatni tiklagan Aleksandr o‘z golidan shunchalik xursand bo‘ldiki, uni maydonga yugurib tushgan «qarg‘alar» muxlisi bilan quchoqlashgan holda nishonladi.
Muxlislarini raqs bilan siyladi. «Nyukasl» muxlislari Mitrovichni juda tez sevib qolishdi va unga atab qo‘shiq yozishdi.
Uchrashuvlardan biri yakuniga yetgach, stadiondagi barcha muxlislar shu qo‘shiqni kuylagan holda hujumchini kuzatib qo‘yishdi. Bundan to‘lqinlanib ketgan Aleksandr maydon markaziga qaytdi va qo‘shiq ohangiga mos raqs ijro etdi.
Luis Suares (Urugvay)
Janubiy Amerika vakilining futbol tarixida nafaqat gollar va uzatmalari, balki «qonga o‘chligi» bilan ham qolishini yaxshi bilasiz. Hozircha Luisning vampirlarga xos qilig‘idan 3 nafar futbolchi jabrlandi:
Bakkal. O‘zining dastlabki «qonxo‘rligi»ni Suares Gollandiya chempionatida namoyish etgandi. 2010 yildagi «Ayaks»-PSV bahsida hujumchi Otman Bakkalni tishlab oldi. Bu qilmishi uchun Luis 7ta uchrashuvga diskvalifikasiya qilindi.
Ivanovich. Oradan 3 yil o‘tgach, urugvaylik futbolchi Angliyada «vampir»lik odatini takrorladi. «Liverpul»-«Chelsi» uchrashuvida u Branislav Ivanovichning qonini tatib ko‘rishga urindi. Jazo - 10ta o‘yindan chetlatish.
Kyellini. Nihoyat, Braziliyadagi JCH-2014 turnirida Suares oxirgi (hozircha) «vampir»ligini amalga oshirdi. Bu safar Italiya terma jamoasi a’zosi Jorjo Kyellini urugvaylik raqibi tishlarining o‘tkirligini sinovdan o‘tkazdi.
Oqibatda «qopag‘on» hujumchi Urugvay termasining 9ta rasmiy uchrashuvlaridan chetlatildi. Qo‘shimchasiga, 4 oy muxlatga umuman futbol faoliyati taqiqlab qo‘yildi.
Rossiya maydonlarida Suares Ivanovich yoki Kyellini bilan uchrasharmikin? Balki yangi o‘ljalar iziga tushar?
Raja Nainggolan (Belgiya)
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
