O‘zbekiston 26-milliy chempionati birinchi ligasida «Sementchi» kichik oltin medallarni qo‘lga kiritdi. Quvasoyliklar liga chempioni bo‘lish barobarida oliy liga yo‘llanmasiga ham ega chiqishdi.
Abdumalik Hakimov shogirdlari butun mavsumni ko‘tarinki kayfiyatda o‘tkazishganini jamoa qayd etgan natijalar ham tasdiqlab turibdi. «Sementchi» 34ta uchrashuvning 27tasida g‘alaba qozondi.
4 marta durang o‘ynab, 3ta bahsda mag‘lubiyat alamini totib ko‘rdi. To‘plar nisbati 97-22. Jamoa 85 ochko jamg‘argan holda, eng yaqin ta’qibchisi «Istiqlol»ni 12 ochko ortda qoldirdi.
O‘tgan hafta «Sementchi»ning o‘rniga oliy ligada «Neftchi» ishtirok etishi mumkinligi haqida gap-so‘zlar urchidi. Chunonchi, O‘FFning oliy ligada 12ta jamoa qolishi haqidagi qaroridan so‘ng «Neftchi»ning birinchi ligaga tushib ketishi oydinlashib qolgandi.
Biz ushbu holatga aniqlik kiritish maqsadida «Sementchi» bosh murabbiyi Abdumalik Hakimov bilan bog‘landik.
- Abdumalik aka, birinchi galda, «Sementchi» jamoasini birinchi liga chempioni bo‘lgani bilan tabriklaymiz. Nazarimizda,bu natijaga ortiqcha qiyinchiliksiz erishildi. Bu fikrga qo‘shilasizmi?
- Tabrik uchun rahmat. Bilasizmi, men bunday demagan bo‘lardim. Har bir jamoa raqiblari qanday imkoniyat berishiga qarab o‘ynaydi.
Demoqchimanki, mavsum davomida o‘ziga yarasha qiyinchiliklar tug‘ildi. Xullas, oliy liga yo‘llanmasini osonlik bilan qo‘lga kiritmadik.
- Lekin ikkinchi o‘rindagi jamoa bilan ochkolar farqi 12tani tashkil etdi. Bu nimadan darak beradi?
- Gap shundaki, asosiy raqiblarga qarshi kechgan o‘zaro o‘yinlarda g‘alaba qozona oldik. Avvaldan asosiy kurash shu jamoalarga qarshi kechishini bilardik.
- «Sementchi» muvaffaqiyatining siri nimada?
- Ahillik, halollik va shaffoflikda. Bundan tashqari, har bir chiziq bo‘yicha jiddiy ishladik. Mehnatdan qochmadik. Futbolchilar moliyaviy masalani birinchi o‘ringa qo‘yishmadi. Ana shu omillar bir bo‘lib, jamoamizning umumiy muvaffaqiyatini ta’minlandi.
- Taqdirlash marosimi o‘tkazildimi?
- Asosiy tadbir hali bo‘lgani yo‘q. Lekin muxlislar bilan g‘alabani nishonladik.
- Mavsum avvalida jamoa oldiga oliy ligaga chiqish vazifasi qo‘yilganmidi yoki bu istak keyinchalik vaziyat taqozosi bilan paydo bo‘ldimi?
- Yil boshida viloyat hokimi jamoa oldiga oliy ligaga chiqish vazifasini qo‘ygan edi. Shu sababli ham, chempionatning 1-turidanoq peshqadamlikni o‘z qo‘limizga olishga harakat qildik va buni amalda uddaladik.
- Oliy ligaga chiqish uchun asosiy da’vogar sifatida qaralgan «Andijon» kutilmagan natija qayd etdi. «Istiqlol» esa aksincha, ko‘pchilikni o‘z o‘yini bilan hayratlantirdi. Bu borada shaxsiy fikringiz qanday?
- Menimcha, bu ichki muhit bilan bog‘liq holat.
- Ikkala jamoa haqida ham shu fikrdamisiz?
- Ha, xuddi shunday. Ikkisida ham ichki muhit va ruhiyat bilan bog‘liq holat ko‘p narsani hal qilgan bo‘lishi mumkin.
- Endigi rejalar qanday? Jamoa qachon yig‘iladi? Futbolchilarga necha kunlik ta’til berildi?
- Yangi mavsumga tayyorgarlikni dekabr oyining ikkinchi o‘n kunligida boshlashni mo‘ljallayapmiz. Lekin hozircha bu taxmin. Tez kunda tayyorgarlik rejasini ishlab chiqib, uni e’lon qilamiz.
- Birinchi va oliy liga o‘rtasida katta tafovut bor. Elita jamoalari tayyorgarlikni ertaroq boshlaydi. Shu ma’noda reja tuzishda bu holat e’tiborga olinadimi?
- Albatta. Fikringizga to‘liq qo‘shilaman. Oliy liga umuman boshqa dunyo. Tayyorgarlik ham shunga monand tarzda bo‘ladi. Bu masalaga jiddiy qarayapmiz.
- Abdumalik aka, kelasi yili oliy ligada «Sementchi»ning o‘rniga Farg‘ona viloyatining bosh jamoasi - «Neftchi» qatnashishi xususidagi turli gap-so‘zlar urchidi. Bu haqda shaxsan o‘zingiz ham eshitdingizmi? DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
