Ayni paytda onlayn tarzida bronza medallariga egalik qilayotgan "Navbahor" rasman chempionlik kurashidan chiqib ketmagan. Namanganliklar nazariy jihatdan hali chempionlik uchun kurashi ko‘rishlari mumkin. Ammo buning "Loko" qolgan barcha o‘yinlarda mag‘lubiyatga uchrashi talab etiladi.
Andrey Kanchelskis boshqaruvidagi jamoa bor e’tiborini kelasi OCHLga yo‘llanma beruvchi ikkinchi pog‘onada qaratgan. Bu borada ular "Paxtakor" bilan jiddiy raqobatlashishlariga to‘g‘ri keladi. Hozircha ular orasida farq 3 ochkoni tashkil qilmoqda. Agarda "Navbahor"ning "Paxtakor" bilan ochkolari soni tenglashib qolsa, unda reglament bo‘yicha o‘zaro o‘yinlar natijasiga murojaat qilinadi. Agarda shunday bo‘lsa, unda "Paxtakor" ustunlikka ega. Chunki ushbu jamoalar o‘rtasidagi o‘zaro kurashda tomonlar 1 martadan g‘alaba qozongan bo‘lsa, ikki o‘yinda durang qayd etilgan. Birinchi bosqichdagi o‘yinlarda jamoalar o‘z maydonlarida bir xil — 1:0 hisobida g‘alaba qozonishdi. Ikkinchi davrada esa Namangandagi o‘yin 3:3 hisobi bilan yakunlangan bo‘lsa, Toshkentda hisob ochilmadi.
Shu bois, ochkolar soni tenglashib qolsa, "Paxtakor" safarda urilgan gollari soni bo‘yicha turnir jadvalida "Navbahor"dan yuqori turadi. Shu sababli "Navbahor" OCHL yo‘llanmasini qo‘lga kiritishni istasa, ochkolar bo‘yicha "Paxtakor"dan oldinga o‘tib olishi kerak. Buning uchun "Paxtakor" kamida ikkita o‘yinda ochko yo‘qotishi va Kanchelskis shogirdlari buyog‘iga yo‘qotishlarsiz chempionatni yakunlashlari talab etiladi. Nazariy jihatdan "Navbahor"da hozircha barcha imkoniyat saqlanib qolgan. Ammo ularning chempionlik yoki OCHLga yo‘llanma beruvchi o‘ringa kurashishlari o‘zlariga bog‘liq emas. Ya’ni, "Navbahor" buyog‘iga raqiblarini ochko yo‘qotishini kutib, o‘zlari qolgan barcha o‘yinlarni g‘alaba bilan yakunlashlari kerak.
"Navbahor"ning qolgan o‘yinlar jadvali:
"Metallurg" - "Navbahor" (4 noyabr)
"Navbahor" - "Bunyodkor" (10 noyabr)
"Buxoro" - "Navbahor"(25 noyabr)
"Navbahor" - "Lokomotiv" (30 noyabr)
"Navbahor" tarixidagi eng yaxshi natija: chempionlik (1996)
O‘tgan yilgi natijasi: 5-o‘rin (2017)
Bu yil egallashi mumkin bo‘lgan eng yuqori ehtimoliy o‘rni: 1-2-3-4
Manba: "Navbahor" klubi muxlislari telegram sahifasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
